তীতনা 2:12 - Garo New Testament

¹² ইয়া খা·সাচাক্কান আনচিংখো স্খিয়েতিংজক জেদাক্কে আনচিং ইসলনা বামগিজাখো আরো হা·গিলসাকনি হা·সিকারাংখো জিগালে ইয়া হা·গিলসাকোন আন·থাংথাংখো বাম্মে দন্নে ইসলনা বাম্মামুং খাকখেৎ জাংগিখো মিৎথাংএতা।

তীতনা 2:12 Iomraidhean Croise

মথিনি চকগিবা নাম্মা খাৎথা 12:32

মান্দিনি দেফান্থিখো চাংফেংএ আগানগিবাখো ক্ষেমা দাকনুয়া, ইন্দিবা গিসিক রংথালগিবাখো চাংফেংএ আগানগিবাখো ক্ষেমা দাকজানুয়া-ইয়া চাসংও হং·জা, আম্বুন চাসংওবা হং·জা।

মথিনি চকগিবা নাম্মা খাৎথা 16:24

উনি জা·মানো যীশু আন·থাংনি জা·রিকগিবারাংনা আগানজক, “সাবা আংনি রামাও রি·বানা হা·সিকোদে বিয়া আন·থাংনি হা·সিকা গিত্তা রি·জাখানা; আন·থাংনি চিসলখো রা·এ বিয়া আংনি জা·মান রি·বাখানা।

মথিনি চকগিবা নাম্মা খাৎথা 28:20

আংআ জেখো জেখো না·সংনা গি·য়েৎজক উখো মানিখানা বিসংনা স্খিয়ে হন·বো। নিবো, চাসংনি বন·খামাওনা দিপ্পাৎ ফাংনান আংআ না·সংমুং দংআ।”

লূকনি চকগিবা নাম্মা খাৎথা 1:6

বিসং সাকগ্মিআন ইসলনি মিক্রোনও থরমিমিং। গিত্তেলনি গিম্মিক গি·য়েতা আরো নিয়ামরাংখো বিসং খাকখেৎ দাক্কে মানিনুয়ামিং।

যোহননা 14:30

আংআ না·সংমুং বাং·এ আগানগ্রিকজানাজক, মুয়ানা হা·গিলসাকনি নকগিবা রি·বাংজক। আংনি সাক্কাও বিনি বিল দংজা।

যোহননা 6:25

উয়ো সক্কে বিসং যীশুখো সান্দিয়ে মা·ন্নে আগানজক, “স্খিগিবা, না·আ বাসোকো ইয়োনা রি·বাজক?”

ওয়াত্তেতারাংনা 24:16

উনি গিম্মিন আংআ ইসল আরো মান্দিরাংচা ফাংনানান আংনি গিসিকখো রংথালে দন্না হা·ম্মা।

ওয়াত্তেতারাংনা 24:25

খাকখেৎ হং·আনি, আন·থাংখো বাম্মেতানি আরো রি·বাগিবা বিচালনি গিম্মিনো পৌলনি আগানোন ফীলিক্স খেনজাগোকে আগানজক, “না·আ দা·আও রি·য়াংবো; চলজকা গিত্তা আংআ নাং·খো রিক্কামনুয়া।”

রোমানরাংনা 12:2

ইয়া নামগিজা হা·গিলসাকনি রি·য়া-দোআরাংও না·সং আন·থাংথাংখো দা·আ রিপ্পেতাবো, বাত্তেসা ইসলচা না·সংনি গিসিকখো গিত্তাল দাক্কে থারিনা হ·ন্নে চু·গিম্মিক দাক্কে গিত্তাল হং·বো, জেদাক্কে না·সং ইসলনি হা·সিকাখো হা·আইনা মা·ন্না। ইসলনি হা·সিকা নাম্মা, চু·সকগিবা আরো উয়া বিনা খুসি হং·বিয়ানি হং·আ।

রোমানরাংনা 6:12

ইনি গিম্মিন সিয়ানি নিং·আও দংগিবা না·সংনি ইয়া বে·এননি সাক্কাও পাপখো দা·আ শাসন দাকনা হ·ন্নাবো। হ·ন্নোদে না·সংনি বে·এননি নামগিজা হা·সিকানি নিং·আওন না·সং রি·নুয়া।

রোমানরাংনা 6:19

মান্দিরাংনি বিলগ্রিনা আংআ খাৎথারাংখো মান্দিরাং জেগিত্তা হা·আইনুয়া উগিত্তা আগানিংজক। স্খাংও না·সং জেদাক্কে বাং·এ খ্রাগিজা কামরাংখো দাকনা ইন্নে আন·থাংথাংনি বে·এনখো রংথালগিজা আরো খ্রাগিজানি নকখল দাক্কামিং, উয়ানদাক্কেন দা·আও রংথালাও দাল·রোরোনা না·সংনি বে·এনখো খ্রাগিবা কামনি নকখল দাক্কে থারিবো।

রোমানরাংনা 8:13

না·সং পাপ-বেওয়ালনি নিং·আও রি·ওদে না·সং ফাংনাজলনা সিনুয়া। ইন্দিবা গিসিক রংথালগিবাচা বে·এননি গিম্মিক খ্রাগিজা কামখো ব·ন্নেতোদে ফাংনাজলনা থাংএ দংনুয়া,

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 7:1

খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

গালাতীয়রাংনা 1:4

আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

গালাতীয়রাংনা 5:24

জেরাং খ্রীষ্ট যীশুনি, বিসং বিসংনি পাপ-বেওয়ালখো উনি গিম্মিক নামগিজা হা·সিকাখো চিসলো দাৎখাপে ব·ন্নেতজক।

ইফিষীয়রাংনা 1:4

জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

কলসীয়রাংনা 1:22

ইন্দিবা খ্রীষ্টনি সিয়াও বিনি বে·এনচা ইসল আন·থাংমুং দা·আও না·সংখো নাংরিমেতজক, জেদাক্কে বিয়া না·সংখো রংথালে, খাকখেৎ দাক্কে আরো দোসগ্রি দাক্কে আন·থাংনি মিকখাংও চাদেংএতনা মা·ন্না।

1 থিষলনীকী 4:7

মুয়ানা ইসল রংথালগিজা দাক্কে রি·না ইন্নে আনচিংখো রিক্কামজা, রংথালে রি·না ইন্নেন রিক্কামজক।

1 থিষলনীকী 4:9

জংআদাস্খানা খা·সানি গিম্মিন না·সংনা মামুংখো চকনা নাংজা, মুয়ানা ইসলান না·সংখো সাকসা সাকগিপ্পিননা খা·সাগ্রিকাখো স্খিজক।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

1 তীমথিয় 6:17

জেরাং ইয়া হা·গিলসাকো মা·ন্নে চা·আ বিসংনা ইন্দাকে গি·য়েৎবো জেদাক্কে বিসং গাং·বিংগিজা আরো গামরাংনি সাক্কাও ফাংচাকগিজা ইসলনি সাক্কাও ফাংচাকা। বিয়ান গিম্মিকখো জাকস্রামে আনচিংনা হ·ন্না।

1 তীমথিয় 6:9

ইন্দিবা জেরাং মা·ন্নে চা·গিবা হং·না হা·ম্মা বিসং বাং·আ রুরাও আরো জা·গাও গা·আকা, আরো ইন্দাকা নামগিজাস্রাং হা·সিকা বিসংনি হং·আ জেরাং মান্দিখো ব·ন্নেতাও আরো হং·সিয়াও গাল্লেতা।

2 তীমথিয় 3:12

চংমতদে জেরাং খ্রীষ্ট যীশুমুং নাংরিমে ইসলখো অলাখিয়ে জাংগি মিৎথাংএতনা হা·ম্মা বিসং গিচ্চিনুয়ান।

2 তীমথিয় 4:10

মুয়ানা দীমা দা·আওনি হা·গিলসাকখো নামনিকে আংখো ওয়াত্তে থিষলনীকীচা রি·য়াংজক। ইনাআগ্রেবা ক্রীষ্কেন্ত গালাতিয়াচা আরো তীত দালমাতিয়াচা রি·য়াংজক;

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

ইব্রীয়রাংনা 8:11

নকসুলথাংখো আরো জংথাংখো দারাংবা ইখো আগানে স্খিএতজানাজক, ‘গিত্তেলখো হা·আইনা স্খিবো,’ মুয়ানা গিম্মিকান আংখো হা·আইনুয়া।

যাকোব 1:27

রান্দি আরো ফাগ্রি-মা·গ্রিরাংখো দুকনি সালো নিরকখিয়া আরো হা·গিলসাকনি নামগিজারাংনিখো আন·থাংখো গ্রো নাংএতগিজা নাম্মে দাক্কে রাক্ষিয়ান আপফা ইসলনি মিক্রোনও খাকখেৎ হং·গিবা আরো বিবিগিবা থরম হং·আ।

২ পিতর 2:9

ইরাংওনি ইখো নিকনা মা·ন্না, জেরাং গিত্তেলখো অলাখিয়া বিসংখো বিয়া রুরাওনি জক্কেৎনা হা·আইয়া। ইনাআগ্রেবা জেরাং অলাখিগিবা হং·জা, মংসংদাক্কে জেরাং বিসংনি পাপ-বেওয়ালনি নামগিজা হা·সিকা গিত্তা রি·য়া আরো শাসনখো চন্নিকা বিয়া বিসংনা শাস্তি মান·খানা বিচালনি সালোনা দিপ্পাৎ দন্নাবা হা·আইয়া। ইয়া বু·এ চা·গিবা স্খিগিবারাং নাম্মেন খেনগিজাগিবা হং·আ। বিসং আন·থাংনি হা·সিকা গিত্তা রি·য়া আরো সালগিসাকনি রাসংখো মান·গিবারাংনি সাক্কাও চন্নিকানি খাৎথাখো আগান্না খেনজা;

২ পিতর 3:11

গিম্মিক ইন্দাকে ব·ন্নাংনা রি·য়াংইংজক ইন্নে না·সংনি বাদাকগিবা মান্দি হং·না খ্রাআমিং? হা·সিকমানচাএ ইসলনি সালনা নিচাকসোএ না·সং রংথালে আরো ইসলনা খা·ফাকে জাংগি মিৎথাংনা নাংআ। উনি সালো সালগিসাক খামতে খামতে ব·ন্নাংনুয়া আরো জাজং-সাল-আস্কি ওয়া·আলো গলিনুয়া।

1 যোহন 2:27

ইন্দিবা না·সং খ্রীষ্টচাখো তেল সিত্তাখো মান·জক, আগানস্খাওদে গিসিক রংথালগিবাখো মান·জক। বিয়া না·সংনি খা·থংও দংআ। ইনি গিম্মিন গিপ্পিননি স্খিয়া না·সংনা নাংজানুয়া। গিম্মিকনি বিদিংও গিসিক রংথালগিবান না·সংনা স্খিয়াখো হ·ন্নিংজক। বিয়া বিবি, বু·আ হং·জা। উনি গিম্মিনান বিয়া জেদাক্কে না·সংখো খ্রীষ্টও দংনা স্খিয়েতা উয়ানদাক্কেন খ্রীষ্টও দংবো।

1 যোহন 5:19

আনচিং হা·আইয়া আনচিং ইসলনি হং·আ, আরো হা·গিলসাক দিমদাক শয়তাননি বিলনি নিং·আও গা·আকে দংআ।

যিহূদা 1:18

বিসং না·সংনা ইয়া খাৎথাখো আগান্নুয়ামিং, “ইনগিৎচিয়ান জেরাংনি বেওয়াল বিসং বন·খামানি সালো রি·বানুয়া আরো বিসংনি খা·ফাকাগ্রি হা·সিকারাং গিত্তা রি·নুয়া।”

ফারাকগিবা খাৎথা 14:12

জেরাং ইসলনি গি·য়েতাখো মানিয়া আরো যীশুও বিবিরা·গিবা হং·এ দংআ ইসলনি উয়া মান্দিরাংনি ইন্দাকা অবস্থাও চাকচিকা দংনা নাংআ।