তীতনা 2:11 - Garo New Testament

¹¹ ইসলনি জে খা·সাচাক্কাচা পাপওনি জক্কাখো মা·ন্না উখো গিম্মিক মান্দিরাংচান ফারাকা হং·জক।

তীতনা 2:11 Iomraidhean Croise

মথিনি চকগিবা নাম্মা খাৎথা 28:19

ইনি গিম্মিন না·সং রি·য়াংএ গিম্মিক জাতরাংনি মান্দিরাংখো আংনি জা·রিকগিবা থারিবো। ফাগিবানি, দেগিবানি আরো গিসিক রংথালগিবানি বিমুংও বিসংখো রিপ্পলেতবো।

মার্ক 16:15

যীশু উয়া জা·রিকগিবারাংনা আগানজক, ‘‘না·সং হা·গিলসাকনি গিম্মিকচান রি·য়াংবো আরো গিম্মিক মান্দিরাংচা ইসলনি হন·গিবা নাম্মা খাৎথাখো আগানফ্রাকবো।

লূকনি চকগিবা নাম্মা খাৎথা 24:47

আরোবা চক্কা দংআ, যিরূশালেমোনি হা·বাচেংএ গিম্মিক জাতনা খ্রীষ্টনি বিমুংও ইয়া খাৎথাখো আগানফ্রাকনুয়া, পাপওনি গিসিক ফি·ল্লোদে পাপওনি ক্ষেমা মা·ন্না।

লূকনি চকগিবা নাম্মা খাৎথা 3:6

মান্দিখো পাপওনি জক্কেৎনা ইন্নে ইসল জেখো দাকজক, গিম্মিক মান্দিরাংআন উখো নিকনা মা·ন্নুয়া।’ ”

যোহননা 1:14

উয়া খাৎথান মান্দি ফি·ল্লে আৎচিজক আরো আনচিংনি গিসেপো দংফাজক। ফাগিবা ইসলনি সাকসা খাম·খাম দেফান্থি গিত্তা বিনি রাসংখো আনচিং নিকজক। বিয়া খা·সাচাক্কাও আরো বিবিও গাপগিবা হং·আ।

যোহননা 1:9

জেআন মান্দি দিমদাকনা সেং·আখো হ·ন্না, উয়ান চং·মতগিবা সেং·আ, বিয়া হা·গিলসাকো রি·বামিং।

ওয়াত্তেতারাংনা 11:23

ইসল আন্তিয়খিয়ানি মান্দিরাংনা বাদিকে খা·সাচাকজক বার্ণবা রি·বাএ উখো নিক্কে খুসি হং·বিজক। বিসং জেদাক্কে খা·থং গিম্মিকচা গিত্তেলো বিবিগিবা হং·এ দংনা মা·ন্না উনি গিম্মিন বিয়া বিসং গিম্মিকখো খা·দংএতনা হা·বাচেংজক।

ওয়াত্তেতারাংনা 13:43

মান্দিরাং থম·দাকরামওনি রি·য়াংআনি জা·মানো বাং·আ যিহূদীরাং আরো যিহূদী থরমও বিবিরা·গিবা ইসলনা খা·ফাকগিবা জাত গিপ্পিনরাং পৌল আরো বার্ণবামুং রি·য়াংফাজক। উনোন উয়া মান্দিরাংমুং পৌল আরো বার্ণবা খাৎথা আগানজক আরো বিসংখো ইসলনি খা·সাচাক্কাও খেম·খেম দংনা খা·দংএতজক।

ওয়াত্তেতারাংনা 13:47

ইনি হা·সেল ইরাং হং·জক, গিত্তেল আনচিংনা ইয়া খাৎথাখো আগানজক, ‘আংআ গিপ্পিন জাতরাংচা নাং·খো সেং·আ গিত্তা দাকজক, জেদাক্কে নাং· গিত্তা হা·গিলসাক গিম্মিকনি মান্দিরাং পাপওনি জক্কাখো মা·ন্না।’ ”

ওয়াত্তেতারাংনা 17:30

চেংও মান্দিরাং হা·আইজামিং ইন্নে ইসল ইরাংখো নিক্কেবা নিকজা। ইন্দিবা দা·আওদে বিয়া গিম্মিক হা·দামচা মান্দি গিম্মিকখো পাপওনি গিসিক ফিল·খানা গি·য়েতিংজক,

ওয়াত্তেতারাংনা 20:24

ইন্দিবা আংচা আংনি জাংগিনি মামুং দাম দংজা। আংনি গি·সামাংমাং হা·সিকা ইয়ান, জেদাক্কে আংআ বন·খামওনা দিপ্পাৎ খাতনা মা·ন্না, ফি·এ ইন্নোদে গিত্তেল যীশু জে কামখো আংনা হন·জক উখো ব·ন্নেতনা মা·ন্না। উয়া কাম হং·জক ইসলনি খা·সাচাক্কানি নাম্মা খাৎথানি গিম্মিনো সাক্ষি হ·ন্না।

রোমানরাংনা 10:18

ইন্দিবা আংআ আগানা, ইস্রায়েলনি মান্দিরাং উয়া খাৎথাখো খিন্নাখুজামা? বিবিন খিন্নাজক। রংথালগিবা শাস্ত্র আগানা, বিসংনি খু·রাং হা·গিলসাক গিম্মিকো গিপ্পাংজক, বিসংনি খাৎথা গিপ্পাংজক হা·গিলসাকনি খি·থিকোনা দিপ্পাৎ।

রোমানরাংনা 5:15

ইন্দিবা ইসলনি ইন্দিনারি হ·ন্না আদমনি পাপ গিত্তা হং·জা। সাকসা মান্দিনি পাপনি হা·সেল বাং·এন সিজক উনোন ইসলনি খা·সাচাক্কা আরো দা·আও সাকসা মান্দিনি খা·সাচাক্কা গিত্তা জে হ·ন্নানি রি·বাজক, উয়াদে গিপ্পিনরাংনা বাদিকে বাং·বাৎজক! উয়া দা·আও সাকসা মান্দি হং·জক যীশু খ্রীষ্ট।

রোমানরাংনা 5:2

ইসলনি ইন্দাকা জে খা·সাচাক্কানি রামাও আনচিং দা·আও রি·ইংজক আনচিং খ্রীষ্টও বিবিরা·এ উয়ো সকজক। ইসলনি রাসংখো মা·ন্না খা·দংএ আনচিং খুসি হং·ইংআ।

2য় করিন্থীয়রাংনা 6:1

ইসলমুং কাম রিম·ফাগিবা হং·এ চিংআ না·সংখো ইন্দাকে মল·মলিংজক, ইসলনি খা·সাচাক্কাখো মান·জক ইন্নে না·সং উখো দা·আ নাসি-নাদা দাক্কেতাবো।

গালাতীয়রাংনা 2:21

ইসলনি ইয়া খা·সাচাক্কাখো আংআ ওয়াতগালজানুয়া, মুয়ানা মান্দি নিয়ামখো মানিয়াচান ইসলনি রা·চাকনা খ্রাগিবা হং·না মা·ন্নোদে খ্রীষ্ট বু·এন সিয়ামিং।”

ইফিষীয়রাংনা 2:5

ইনি গিম্মিন বামগিজানা আনচিংনি সিয়ে দংমিত্তিংও খ্রীষ্টমুং আনচিংখো বিয়া থাংচাএতজক। ইসলনি খা·সাচাক্কাচা না·সং পাপওনি জক্কাখো মান·জক।

ইফিষীয়রাংনা 2:8

ইসলনি খা·সাচাক্কাও বিবিরা·আচা না·সং পাপওনি জক্কাখো মান·জক। না·সং আন·থাংচাদে ইয়া হং·জা, উয়া ইসলনিন র·ন্নানি হং·আ।

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

কলসীয়রাংনা 1:6

ইয়া নাম্মা খাৎথা হা·গিলসাক গিম্মিকও গিপ্পাংএ বিথি নাংইংজক আরো সালনিসাল বাতরোরোংজক। জেনসালো না·সং ইয়া নাম্মা খাৎথাখো খিন্নাজক আরো ইসলনি খা·সাচাক্কাখো হা·আইবিবিজক উনসালোনি উয়া না·সংওবা উয়ানদাক্কেন কাম দাক্কিংজক।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

1 তীমথিয় 1:14

আনচিংনি গিত্তেল আংনা চৎচাংগিজা খা·সাচাকজক আরো খ্রীষ্ট যীশুমুং নাংরিমানি গিম্মিনো জে বিবিরা·আ আরো খা·সা রি·বাআ উখো হন·জক।

1 তীমথিয় 2:4

বিয়া হা·ম্মা জেদাক্কে দিমদাকান পাপওনি জক্কাখো মা·ন্না আরো খ্রীষ্টনি গিম্মিনো বিবিখো নাম্মেদাক্কে হা·আইনা মা·ন্না।

2 তীমথিয় 1:10

ইন্দিবা দা·আও আনচিংখো জক্কেৎগিবা খ্রীষ্ট যীশুনি ইয়া হা·গিলসাকো রি·বাচা বিয়া উয়া খা·সাচাক্কাখো ফারাকজক। খ্রীষ্ট সিয়াখো ব·ন্নেতজক আরো নাম্মা খাৎথাচা ব·ন্নাগ্রি জাংগিনি খাৎথাখো ফারাকজক।

2 তীমথিয় 4:17

ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।

ইব্রীয়রাংনা 12:15

নিবো, দারাংবা জেদাক্কে ইসলনি খা·সাচাক্কাওনি বাদ গা·আকজা। নিবো, বিসিগ্মাং খা·গিবা ফাংনি জা·দিল গিত্তা চাবাএ দারাংবা জেদাক্কে দুকখো থারিয়ে বাং·আ মান্দিখো মারাং নাংএতজা।

ইব্রীয়রাংনা 2:9

ইন্দিবা যীশুখোদে আনচিং নিকনা মা·ন্নিংআ। বিখো সা·গ্রেরাংনা বাত্তে অকখিসা চন্নিকেতামিং, জেদাক্কে ইসলনি খা·সাচাক্কাও গিম্মিক মান্দিনি হং·এ বিয়া আন·থাংআন সিচাকনা মা·ন্না। বিয়া দুকখো চাক্কে সিয়ামিং ইন্নে হাম্মানি মালা গিত্তা রাসং আরো মান্দিরা·আখো বিনা হন·জক।