তীতনা 2:10 - Garo New Testament

¹⁰ আরো নকগিবারাংনি জিনিসখো চা·উজাখানা, বাত্তেসা বিসং বিবিরা·না খ্রাগিবা হং·আ উখো ফিন্নিকা, জেদাক্কে বিসং আনচিংখো জক্কেৎগিবা ইসলনি গিম্মিন জে স্খিয়া দংআ উখো গিম্মিক গিত্তা নিথোয়ে রা·না মা·ন্না।

তীতনা 2:10 Iomraidhean Croise

মথিনি চকগিবা নাম্মা খাৎথা 24:45

“উয়া বিবিগিবা আরো বুদ্ধিগ্মাং নকখল সা, জেখো বিনি নকগিবা আন·থাংনি গিপ্পিন নকখলরাংনা থিক সময়ও চা·আখো হ·ন্না আগানাংজক?

মথিনি চকগিবা নাম্মা খাৎথা 5:16

উয়ানদাক্কে মান্দিরাংনি মিকখাংও না·সংনি সেং·আ থেং·সুখানা, জেদাক্কে বিসং না·সংনি নাম্মা কামখো নিক্কে না·সংনি সালগিও দংগিবা ফাখো রাসং চাএতনা মা·ন্না।

লূকনি চকগিবা নাম্মা খাৎথা 1:47

আংখো জক্কেৎগিবা ইসলখো রা·এ আংনি খা·থং হান·সেংবিংজক,

লূকনি চকগিবা নাম্মা খাৎথা 1:80

জা·মানো যোহন দাল·রোরোবানা আরো গিসিকো বিল্লাকবানা হা·বাচেংজক। ইস্রায়েলরাংনি মিকখাংও ফারাকখুজানা দিপ্পাৎ বিয়া হা·গিসি জওলোন দংআমিং।

লূকনি চকগিবা নাম্মা খাৎথা 16:10

অকখিসানি গিম্মিন বিবিগিবা হং·গিবা বাং·আনি গিম্মিনবা বিবিগিবা হং·আ। অকখিসানি গিম্মিন জেখো বিবিরা·না মান·জা বিখো বাং·আনি গিম্মিনবা বিবিরা·না মান·জা।

যোহননা 12:6

যিহূদা দিল্লা-চন্নারাংনা চানচিয়ে ইখো আগানামিং ইয়াদে হং·জা। বিয়াদে চা·উগিবা হং·আমিং। থাংখা দনচাকগিবা বিচা দংনুয়ামিং ইন্নে উয়ো চিম্মংগিবানিখো বিয়া চা·নুয়ামিং।

1ম করিন্থীয়রাংনা 4:2

জেরাংনা ইয়া কামখো হন·জক বিসংখো বিবিরা·না খ্রাগিবা দাক্কে ফিন্নিকনা নাংনুয়া।

ইফিষীয়রাংনা 4:1

উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

ফিলিপীয়রাংনা 4:8

বন·চতাও আগান্না, জংআদারাং, জেআন বিবি, জেআন খ্রাগিবা, জেআন নাম্মা, জেআন খাকখেৎ, জেআন নিথুয়া, জেআন মান্দিরা·আখো মা·ন্না খ্রাগিবা, জেআন নাম্মা আরো মিৎথেলনা খ্রাআ, উচা না·সং গিসিক রন·বো।

1 তীমথিয় 1:1

আনচিংনি জক্কেৎগিবা ইসল আরো খ্রীষ্ট যীশুনি গি·য়েতাও আংআ পৌল যীশু খ্রীষ্টনি সাকসা ওয়াত্তেতা হং·জক। খ্রীষ্ট যীশুনি সাক্কাওন চিংনি গিম্মিক খা·দংআ।

1 তীমথিয় 5:17

মন্ডলীনি দাল·গিবারাং জেরাং মন্ডলীখো চালাইয়া, মংসংদে জেরাং ইসলনি খাৎথাখো আগানফ্রাকনা আরো স্খিএতনা কাম দাক্কা, বিসংনি মা·ন্নানি বাং·না নাংআ।

1 তীমথিয় 6:1

জে নকখলরাংনি নাম্মেন গামনা নাংআ বিসং গিম্মিকান বিসংনি নকগিবারাংখো মান্দিরা·আখো মা·ন্না খ্রাগিবা দাক্কে চানচিখানা, জেদাক্কে দারাংবা ইসলনি বিমুংখো আরো আনচিংনি স্খিএতাখো জিনা মান·জা।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

তীতনা 1:3

আনচিংনি জক্কেৎগিবা ইসলনি গি·য়েতা গিত্তা আংআ জেখো আগানফ্রাকা উচা ইসল বিনি খাৎথাখো থিক সময়ওন ফারাকজক।

তীতনা 3:4

ইন্দিবা জেনসালো আনচিংখো জক্কেৎগিবা ইসলনি খা·সাচাক্কা আরো খা·সা ফারাকজক উনো বিয়া পাপওনি আনচিংখো জক্কেৎজক।

পিতর 2:12

মুয়ানা উরাং না·সংনি গিসিকনি সাক্কাও দাকগ্রিকা। ইসলখো জেরাং হা·আইজা বিসংনি গিসেপো না·সং নাম্মেদাক্কে রি·বো জেদাক্কে খ্রাগিজাখো দাকগিবা ইন্নে বিসং না·সংখো জিয়োবা না·সংনি নাম্মা কামরাংখো নিআ আরো বিচালনি সালো না·সংনি উয়া কামরাংনা ইসলখো রাসং দাক্কা।

পিতর 3:16

না·সংনি গিসিকখো থাল্লে দনবো, জেদাক্কে খ্রীষ্টনি মান্দি গিত্তা না·সংনি নাম্মা দাকবেওয়ালরাংখো জেরাং জিআ বিসং না·সংখো জিজক ইন্নে খ্রাচা·আ।

2 যোহন 1:9

জেরাং খ্রীষ্টনি হন·গিবা স্খিয়াখো বাত্তাংএ রি·য়াংআ আরো উয়া স্খিয়াও খেম·খেমে দংজা বিসংনি খা·থংও ইসল দংজা। ইন্দিবা জেআন উয়া স্খিয়াও খেম·খেম দংআ বিনি খা·থংও ফাগিবা আরো দেফান্থি সাকগ্মিআন দংআ।