তীতনা 1:9 - Garo New Testament

⁹ ইসলনি বিবিরা·না খ্রাগিবা খাৎথা, জেখো আংআ স্খিয়েতজক, উখো বিনি রাক্কে রি·ম্মে রা·রিকনা নাংনুয়া, জেদাক্কে চং·মত স্খিয়ানি বিদিংও বিয়া আগানফ্রাকনা মা·ন্না আরো বোবিল দাকগিবারাংনা ব্রাংআনিখো ফিন্নিকে র·ন্না মা·ন্না।

তীতনা 1:9 Iomraidhean Croise

ওয়াত্তেতারাংনা 18:28

যীশুন খ্রীষ্ট উখো বিয়া রংথালগিবা শাস্ত্রনিখো ফিন্নিকজক আরো গিম্মিকনি মিকখাংওন রাকবিয়া জিথোয়া খাৎথাচা জিগ্রিকাও যিহূদীরাংখো হামজক।

1ম করিন্থীয়রাংনা 14:24

ইন্দিবা গিম্মিকান আগানসোগিবা গিত্তা খাৎথা আগানোদে আরো উনো বিবিরা·গিজাগিবা বা মন্ডলীনি হা·ফালনি মান্দি নিং·আচা রি·বাওদে, ইন্দিদে উয়া মান্দি গিম্মিকনি খু·সুকচা আন·থাংনি পাপখো হা·আইচাকনা মা·ন্নুয়া আরো উয়া খাৎথারাংচান বিনি খা·থংনি বিচাল হং·নুয়া।

1 থিষলনীকী 5:21

জেআন নাম্মা উখো রি·ম্মে রা·রিকবো,

2 থিষলনীকীয়রাংনা 2:15

উনি গিম্মিন জংআদারাং, খেম·খেম দংবো, আরো চিঠিচা বা খাৎথাচা জে স্খিয়াখো চিংআ না·সংনা হ·ন্না উখো রি·ম্মে রা·রিকবো।

1 তীমথিয় 1:10

জেরাং থি·ল্লেকা, জেরাং মি·আসা-মি·আসাস্খা মিচিক-মিচিকস্খামুং নামগিজাখো দাক্কা, জেরাং নকখল-বাদিংআনি কামখো দাক্কা, জেরাং বু·এ খু·সুক আগানা আরো বু·আখো সাক্ষি হ·ন্না, আরো জেরাং বিবিগিবা স্খিয়ানি সাক্কাও দিংথাং কামখো দাক্কা।

1 তীমথিয় 1:15

ইয়া খাৎথা বিবিরা·না খ্রাআ আরো রা·চাকনাবা খ্রাআ, পাপওনি পাপীরাংখো জক্কেৎনা ইন্নেন খ্রীষ্ট যীশু হা·গিলসাকো রি·বামিং। উয়া পাপীরাংনি গিসেপো আংআন দাল·গিবা।

1 তীমথিয় 1:19

আরো উমুং বিবিরা·আখো আরো নাম্মা চানচিয়াখো রাক্ষিবো। মিত্তাম মান্দিরাং নাম্মা চানচিয়ানি খাৎথাখো খিন্নাচাকগিজা বিসংনি বিবিরা·আখো নাসিয়েতা।

1 তীমথিয় 4:9

ইয়া খাৎথা বিবিরা·না খ্রাগিবা আরো চু·গিম্মিক দাক্কে রা·চাকনাবা খ্রাগিবা হং·আ।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

2 তীমথিয় 1:13

না·আ আংচাখো জেখো খিন্নাজক উয়া চং·মত স্খিয়াখো না·আ জা·রিকবো; আরো খ্রীষ্ট যীশুমুং নাংরিমানি গিম্মিন আনচিংনি খা·থংও জে খা·সাআ আরো বিবিরা·আ রি·বাজক উখোবা রি·ম্মে রা·রিকবো।

2 তীমথিয় 2:2

বাং·আ সাক্ষিরাংনি মিকখাংও আংনি খু·সুকও জে স্খিয়ানি খাৎথাখো না·আ খিন্নাজক উয়া স্খিয়াখো রি·ম্মে রা·রিকনা না·আ ইন্দাকা বিবিগিবা মান্দিরাংনা হন·বো জেরাংনি গিপ্পিনরাংখো স্খিয়েতানি বিল দংআ।

2 তীমথিয় 2:25

জেরাং বিনি সাক্কাও চাদেংআ বিসংখো বিনি রিন্নকে স্খিএতনা নাংনুয়া। উয়া স্খিয়াখো বিয়া জেদাক্কে ইখো খা·দংএ হ·ন্না, ইসল বিসংনি গিসিকখো ফি·ল্লেতানি চলখো হ·ন্নুয়া জেদাক্কে ইসলনি বিবিখো বিসং নিং·থুয়ে হা·আইনা মা·ন্না। আনচিংনি

2 তীমথিয় 3:14

ইন্দিবা না·আ জেখো স্নিংজক আরো বিবিরা·বিবিজক উয়ো খেম·খেমে দংবো, মুয়ানা সারাংচানি না·সং উখো স্খিজক উখো না·সং হা·আইয়া।

2 তীমথিয় 4:3

ইন্দাকা সময় রি·বানুয়া জেনসালো বিবিনি স্খিয়াখো মান্দিরাং চাকজানুয়া, বাত্তেসা আন·থাংথাংনি হা·সিকাখো চু·সকেতনা বিসং ইন্দাকা বাং·আ স্খিএতগিবারাংখো চিম্মংনুয়া জেরাং বিসংখো খুসি দাকনা গিত্তা স্খিয়েতনুয়া।

তীতনা 1:11

ইন্দাকগিবা মান্দিরাংনি খু·সুকখো মিৎথিপনা নাংআ, মুয়ানা অন্যায় দাক্কে মান·দাপনা বিসং ইন্দাকা স্খিয়াখো র·ন্না জেখো বিসংনি স্খিয়েতনা নাংজা; আরো ইন্দাকে বিসং মিত্তাম নকরাংখো ব·ন্নেতজক।

তীতনা 2:1

না·আ ইন্দাকফিল্লে স্খিয়েতবো জেদাক্কে নাং·নি খাৎথামুং চং·মত স্খিয়া আপসান হং·আ।

যিহূদা 1:3

খা·সাগিবা রিপ্পেংরাং, পাপওনি জে জক্কেতাখো আনচিং দিমদাকান মান·জক উয়া জক্কেতানি গিম্মিনো আংআ না·সংচা চকনা হা·সিকবিয়ামিং। ইন্দাকোবা খ্রীষ্টান থরমনি বিবিরা·আ, জেখো ইসল বিনি মান্দিরাংনা ফাংনাজলনা হন·জক, উনা চাক্কে জেদাক্কে না·সং জাংগিগাল্লে দাকগ্রিকা উনা খা·দংএতনা ইন্নে আংআ না·সংচা চকনা নাংআখো চানচিজক।

ফারাকগিবা খাৎথা 2:25

না·সংচা দংআরাংখো, আংনি রি·বাখুজানা দিপ্পাৎ উখো রাক্কে রি·ম্মে রা·রিকবো।

ফারাকগিবা খাৎথা 3:11

আংআ থেং·রিন রি·বাংজক। নাং·নি দংগিবাখো রাক্কে রি·ম্মে দনবো, জেদাক্কে নাং·নি হাম্মানি বকসিসখো দারাংবা রা·সেকে রা·জা।

ফারাকগিবা খাৎথা 3:3

ইনি গিম্মিন না·আ জেখো মান·জক আরো খিন্নাজক উখো গিসিক রা·বো আরো মানিবো আরো ইন্দাকা অবস্থাওনি গিসিকখো ফিল·বো। না·আ চাখাতজাওদে আংআ চা·খক গিত্তা রি·বানুয়া, আরো আংআ বাগিবা সময়ও নাং·চা রি·বানুয়া উখো না·আ হা·আইনাবা মান·জানুয়া।