তীতনা 1:4 - Garo New Testament

⁴ খ্রীষ্টখো বিবিরা·আও জেআন আংমুং আপসান হং·ফাজক, আংনি উয়া চং·মত বি·সা তীতনা আংআ ইয়া চিঠিখো চক্কিংআ। আপফা ইসল আরো আনচিংখো জক্কেৎগিবা খ্রীষ্ট যীশু নাং·না খা·সাচাকখানা আরো থম·থমাখো রন·খানা।

তীতনা 1:4 Iomraidhean Croise

লূকনি চকগিবা নাম্মা খাৎথা 2:11

দা·আল দায়ূদনি সংও না·সংখো জক্কেৎগিবা আৎচিজক। বিয়ান খ্রীষ্ট, বিয়ান গিত্তেল।

যোহননা 4:42

উয়া মিচিকনা বিসং আগানজক, “দা·আও চিংআ নাং·নি আগানানি গিম্মিন বিবিরা·জা, ইন্দিবা চিংআ আন·থাংথাংআন বিনি আগানাখো খিন্নাএ ইখো হা·আইনা মান·জক, বিয়া বিবিন মান্দিরাংখো জক্কেৎগিবা হং·আ।”

রোমানরাংনা 1:12

আগানস্খাওদে, জেদাক্কে আনচিং গিম্মিকান সাকসা সাকগিপ্পিননি বিবিরা·ওনিখো খা·দংআখো মা·ন্না।

রোমানরাংনা 1:7

রোম সংজিলমাও জে মান্দিরাংখো ইসল খা·সাজক আরো বিনি আন·থাংনি মান্দি হং·না রিক্কামজক বিসং গিম্মিকচান, আগানস্খাওদে না·সংচান আংআ ইয়া চিঠিখো চক্কিংজক। আনচিংনি ফা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

2য় করিন্থীয়রাংনা 12:18

আংআ তীতখো রি·য়াংখানা মল·মলামিং আরো বিমুং উয়া জংখোবা ওয়াত্তেতামিং। তীত না·সংখোবা থগিয়েতামা? মামুং সালোবা হং·জা। আংআ তীতমুং আপসান চানচিয়াখো রা·এ আপসান দাক্কে কাম দাকজামা?

2য় করিন্থীয়রাংনা 2:13

ইন্দাকোবা গিসিকথাংও আংআ থম·থমাখো মান·জা, মুয়ানা আংনি বিবিরা·গিবা জং তীত উয়ো দংজামিং। উনি গিম্মিন ত্রোয়ানি মান্দিরাংখো ওয়াত্তে আংআ ম্যাসিডোনিয়াচানা রি·য়াংআরিজক।

2য় করিন্থীয়রাংনা 4:13

রংথালগিবা শাস্ত্রও চক্কা দংআ, “আংআ বিবিরা·জক ইন্নেন খু·সুক আগানজক।” ইন্দাকে আপসানখোন বিবিরা·আ ইন্নে চিংআবা খু·সুক আগানিংজক,

2য় করিন্থীয়রাংনা 7:6

ইন্দাকোবা ইসল, জেআন দুক মান·গিবারাংখো খা·নাম্মেতা হ·ন্না, বিয়া তীতনি রি·বাচা চিংখো খা·নাম্মেতজক।

2য় করিন্থীয়রাংনা 8:16

আংনি খা·থংও না·সংনা জে গিসিক নাংআ দংআ, উয়া গিসিক নাংআখোন ইসল তীতনি খা·থংওবা হন·জক ইন্নে আংআ বিখো মিৎথেলা।

2য় করিন্থীয়রাংনা 8:23

তীতনি গিম্মিন আংনি আগানানি ইয়ান দংআ- বিয়া আংনি রিপ্পেং আরো আংমুং বিয়া না·সংনা কাম দাক্কা। আরো গিপ্পিন জংআদারাংনা আংনি আগানানি ইয়ান দংআ- মন্ডলীরাং বিসংখো বাচ্ছিয়ে রা·এ ওয়াত্তেতিংআ। ইয়া জংআদারাংচা খ্রীষ্টনি রাসং হং·আ।

2য় করিন্থীয়রাংনা 8:6

ইখো নিক্কে চিংআ তীতখো মংসংবাত্তে মল·মলামিং, হ·ন্নানি জে কামখো বিয়া না·সংও দাকবাচেংআমিং জেদাক্কে উখো বিয়া বন·চত্তেতা।

গালাতীয়রাংনা 2:3

ইন্দিবা যিহূদী হং·জাওবা আংনি রিপ্পেং তীতখো বিগিল রাতনা দাকজা।

গালাতীয়রাংনা 3:26

খ্রীষ্ট যীশুখো বিবিরা·আচা না·সং গিম্মিকান ইসলনি দেদ্রাং হং·জক,

গালাতীয়রাংনা 3:28

যিহূদী আরো যিহূদী হং·গিজারাংও, নকখল আরো জাকগিত্তেল হং·গিবারাংও, মিচিক আরো মি·আসারাংও দিংথাংগ্রিকানি মামুং দংজা, মুয়ানা খ্রীষ্ট যীশুমুং নাংরিমে না·সং গিম্মিকান আপসান হং·জক।

ইফিষীয়রাংনা 1:2

আনচিংনি ফাগিবা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো রন·খানা।

1 তীমথিয় 1:12

আনচিংনি গিত্তেল খ্রীষ্ট যীশু, জেআন আংনা বিলখো হন·জক, বিখো আংআ মিৎথেলা, মুয়ানা বিয়া আংখো বিবিগিবা দাক্কে চানচিয়ে বিনা দাকচাকে হ·ন্নানি কামও বাচ্ছিয়ে রা·জক।

2 তীমথিয় 1:1

খ্রীষ্ট যীশুও ফাংনাজলনি জাংগিনি খু·রাচাক্কা গিত্তা ইসলনি হা·সিকাও আংআ পৌল খ্রীষ্ট যীশুনি সাকসা ওয়াত্তেতা হং·জক।

2 তীমথিয় 1:2

ইয়া চিঠিখো আংআ আংনি খা·সাগিবা বি·সা তীমথিয়না চক্কিংআ। ফাগিবা ইসল আরো আনচিংনি গিত্তেল খ্রীষ্ট যীশু নাং·না খা·সাচাক্কাখো আরো থম·থমাখো হন·খানা।

2 তীমথিয় 4:10

মুয়ানা দীমা দা·আওনি হা·গিলসাকখো নামনিকে আংখো ওয়াত্তে থিষলনীকীচা রি·য়াংজক। ইনাআগ্রেবা ক্রীষ্কেন্ত গালাতিয়াচা আরো তীত দালমাতিয়াচা রি·য়াংজক;

তীতনা 1:3

আনচিংনি জক্কেৎগিবা ইসলনি গি·য়েতা গিত্তা আংআ জেখো আগানফ্রাকা উচা ইসল বিনি খাৎথাখো থিক সময়ওন ফারাকজক।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

২ পিতর 1:11

ইনি গিম্মিন আনচিংনি গিত্তেল আরো জক্কেৎগিবা যীশু খ্রীষ্টনি সংনকও না·সংখো হা·সিকমানচাএ রা·চাকনুয়া।

২ পিতর 2:20

আনচিংনি গিত্তেল আরো জক্কেৎগিবা যীশু খ্রীষ্টখো নাম্মে হা·আইয়ানি গিম্মিন হা·গিলসাকনি নামগিজাওনি খাত্তাংএবা জেনসালো বিসং দা·আবা উয়া আপসান নামগিজাও গা·আকা উয়ো হামজাজক, উনো বিসংনি অবস্থা স্খাংনি অবস্থানা বাত্তেবা নামজাজক।

২ পিতর 3:18

না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।

২ পিতর 3:2

রংথালগিবা আগানসোগিবারাং জে খাৎথারাংখো আগানাংজক উরাংখো আরো না·সংনি ওয়াত্তেতারাংচা আনচিংনি গিত্তেল আরো জক্কেৎগিবা জেখো গি·য়েতি দন্নাংজক, আংআ হা·ম্মা জেদাক্কে না·সং উখো গিসিক রা·আ।

1 যোহন 5:14

ইসলনি সাক্কাও আনচিংনি দংআ, বিনি হা·সিকা গিত্তা আনচিং মামুংখো হা·ম্মোদে বিয়া আনচিংনি খাৎথাখো খিন্নাআ।

যিহূদা 1:3

খা·সাগিবা রিপ্পেংরাং, পাপওনি জে জক্কেতাখো আনচিং দিমদাকান মান·জক উয়া জক্কেতানি গিম্মিনো আংআ না·সংচা চকনা হা·সিকবিয়ামিং। ইন্দাকোবা খ্রীষ্টান থরমনি বিবিরা·আ, জেখো ইসল বিনি মান্দিরাংনা ফাংনাজলনা হন·জক, উনা চাক্কে জেদাক্কে না·সং জাংগিগাল্লে দাকগ্রিকা উনা খা·দংএতনা ইন্নে আংআ না·সংচা চকনা নাংআখো চানচিজক।