তীতনা 1:16 - Garo New Testament

¹⁶ খু·সুকচা বিসং ইসলখো হা·আইয়া ইন্নে আগানা, ইন্দিবা বিসংনি কামচা বিসং বিখো জিচাকা। বিসং মিৎচিনা খ্রাগিবা আরো বামগিজাগিবা হং·আ; বিসং মামুং নাম্মা কামনান খ্রাজা।

তীতনা 1:16 Iomraidhean Croise

রোমানরাংনা 1:28

ইন্দাকে মান্দি ইসলখো মানিনা হাম·জানি গিম্মিন ইসলবা পাপও গাপ্পা গিসিকনি জাক্কো বিসংখো ওয়াত্তেতজক, আরো উনি হা·সেলান মান্দি খ্রাগিজা কামখো দাক্কিংআ।

ইফিষীয়রাংনা 5:6

বু·আ খাৎথারাংচা সাবা না·সংখো ব্রাংগিবা রামাচানা রিম্মাংজাখানা, মুয়ানা জেরাং মানিগিজা উয়া কামরাংখো দাক্কা ইসলনি শাস্তি বিসংনি সাক্কাও রি·বাআ।

1 তীমথিয় 1:9

আনচিং ইখোবা হা·আইয়া, নাম্মা মান্দিনা ইয়া নিয়ামখো হন·জা; ইখো বিসংনান হ·ন্নামিং জেরাং নিয়ামখো মানিজা আরো জেরাং বাম্মে দংজা, জেরাং অলাখিজা আরো পাপী হং·আ, জেরাং রংথালজা আরো থরমি হং·জা, জেরাং মা-ফাখো স·ওতে গাল্লা, জেরাং স·ওতে গাল্লা,

1 তীমথিয় 5:8

জেআন আন·থাংনি চাচ্চিরাংনা, মংসংদে আন·থাংনি নকখো নিজা বিয়া উচা বিনি বিবিরা·আখো জিচাকজক; বিয়া বিবিরা·গিজাগিবানা বাত্তেবা নামজা।

2 তীমথিয় 3:17

জেদাক্কে ইসলনি মান্দি চু·গিম্মিক দাক্কে খ্রাগিবা হং·এ নাম্মা কামখো দাকনা ইন্নে থারিসোনা মা·ন্না।

তীতনা 3:1

ইসলনি মান্দিরাংখো গিসিক রা·এতবো জেদাক্কে বিসং শাসন দাকগিবা আরো জেরাংনি জাক্কো বিল দংআ বিসংনি নিং·আও দংআ, বাম্মে দংআ আরো মান্দিরাংনা গিম্মিক গিত্তা দাকচাকনা থারিয়ে দংসোআ।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

1 যোহন 2:4

জেআন আগানা, “আংআ বিখো হা·আইয়া,” ইন্দিবা বিনি গি·য়েতাখো মানিজা বিয়া বু·গিবা হং·আ; বিও বিবি দংজা।

যিহূদা 1:4

ইয়াদে নাংআসা, মুয়ানা জে মান্দিরাংনি শাস্তিনি গিম্মিনো স্খাংআন শাস্ত্রও চক্কামিং বিসং না·সংনি গিসেপো স্রক স্রক দাক্কে নাপজক। ইসলনা ইয়া মান্দিরাংনি খা·ফাকা দংজা; আনচিংনি ইসলনি খা·সাচাক্কাখো বিসং নামজাস্রাংনি মিংসা ফা·সিকা ইন্নে চানচিয়া আরো জেআন আনচিংনি সাকসা খাম·খাম নকগিবা আরো গিত্তেল হং·আ উয়া যীশু খ্রীষ্টখো বিসং জিচাকা।

ফারাকগিবা খাৎথা 21:27

মারাং নাংআ বা নামজাস্রাং দাক্কা বা বু·এ আগানা ইন্দাকগিবা মান্দি উনো মামিংসালোবা নাপনা মানজানুয়া; জেরাংনি বিমিং মেষবিসানিন জাংগিনি খিতাপও লিক্ষিয়া দংআ বিসংআন উনো নাপনা মান·না।

ফারাকগিবা খাৎথা 21:8

ইন্দিবা চিং·গিবা ওয়া·আল আরো গন্ধকনি চিমিকও দংআন হং·নুয়া খেনগিবা, বিবিরা·গিজাগিবা, মিৎচিনা খ্রাগিবা, স·ওতগিবা, থিল·লেকগিবা, মনতল দাকগিবা, বিমাংখো অলাখিগিবা আরো গিম্মিক বু·এ চা·গিবারাংনি বন·চতগিবা অবস্থা। ইয়ান হং·জক গ্মিগিবা সিয়া।”