তীতনা 1:10 - Garo New Testament

¹⁰ ইন্দাকগিবা বাং·আ মান্দি দংআ জেরাং বামগিজাগিবা হং·আ, জেরাং হং·গিজা-নাংগিজা খু·সুকখো আগানা আরো জেরাং দাক্কামব্রুএ রওমা। জেরাং বিগিল রাত্তাখো দা·লনিকা, মংসংদে আংআ বিসংনি খাৎথাখোন আগানিংআ।

তীতনা 1:10 Iomraidhean Croise

মথিনি চকগিবা নাম্মা খাৎথা 23:14

“বু·এ চা·গিবা শাস্ত্র স্খিগিবা আরো ফরীশীরাং, হং·সিখানা না·সংনা! না·সং মান্দিরাংনা ফিন্নিকনা ইন্নে রো·এ রো·এ বি·আ, আরো রান্দিরাংনি গামরাংখো সেক্কে রা·আ। ইনি গিম্মিন না·সং বাং·এ শাস্তি মা·ন্নুয়া।

ওয়াত্তেতারাংনা 11:2

ইনি গিম্মিন পিতর যিরূশালেমচানা রি·বাও উয়া বিবিরা·গিবারাংনি গিসেপো বিগিল রাতগিবারাং বিখো গ্রো নাংএতে আগানজক,

ওয়াত্তেতারাংনা 15:1

যিহূদিয়া হা·দকোনি মিত্তাম মান্দিরাং সিরিয়া হা·সংনি আন্তিয়খিয়াওনা রি·বাজক আরো বিবিরা·গিবা জংআদারাংনা ইন্দাকে স্খিনা হা·বাচেংজক, “মোশিনি নিয়াম গিত্তা না·সংখো বিগিল রাতজাওদে না·সং মামুং দাক্কেবা পাপওনি জকনা মান·জানুয়া।”

ওয়াত্তেতারাংনা 15:24

“চিংআ ইখো খিন্নানা মান·জক, চিংনি গিসেপোনি মিত্তামরাং রি·য়াংএ বাং·আখো আগানে না·সংনি গিসিকখো জাব্রাংএতে সা·দিকেতজক, ইন্দিবা চিংআ বিসংখো ইন্দাকে কাম দাকনা আগানজা।

ওয়াত্তেতারাংনা 20:29

আংআ হা·আইয়া, আংনি রি·য়াংআনি জা·মানো মান্দিরাং মাৎচা হা·রেক গিত্তা না·সংচা রি·বানুয়া আরো মেষরাংনা নামগিজাখো দাকনুয়া।

গালাতীয়রাংনা 2:4

বু·এ চা·গিবা মিত্তাম জংআদারাং সিউল দাক্কে নাপ্পানি গিম্মিন ইয়া খু·সুক হং·খাতামিং। খ্রীষ্ট যীশুও বিবিরা·গিবা গিত্তা চিংনি জাকগিত্তেলনি দোসখো রিম·না ইন্নেন বিসং সিউল নাপ্পামিং জেদাক্কে চিংখো নকখল থারিনা মা·ন্না।

গালাতীয়রাংনা 3:1

ও হা·আইচাকগিজা গালাতীয়রাং! সা না·সংখো যাদু মনতল দাকজক? যীশু খ্রীষ্টখো চিসলো দাৎখাপামিং ইখো না·সংচা নাম্মেদাক্কেন আগানফ্রাকজক।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

1 তীমথিয় 1:4

বিসংনা ইন্দাকেবা গি·য়েৎবো জেদাক্কে বিসং গল্প আগানারাংও আরো দাল·বিয়া মা·চংরাংও গিসিক হন·জা। ইরাং ইসলনি কামখো গাল্লে বাং·আ জিগ্রিকানিরাংখো থারিয়া ইন্দিবা ইসল বাদিকে দাক্কে বিনি কামখো চালাইয়া উখো বিবিরা·আচা হা·আইনা মা·ন্না।

1 তীমথিয় 1:6

মিত্তাম মান্দিরাং ইরাংওনি জিত্তাংএ হং·গিজা নাংগিজা খু·সুকরাংচা গিসিক হন·জক।

1 তীমথিয় 1:9

আনচিং ইখোবা হা·আইয়া, নাম্মা মান্দিনা ইয়া নিয়ামখো হন·জা; ইখো বিসংনান হ·ন্নামিং জেরাং নিয়ামখো মানিজা আরো জেরাং বাম্মে দংজা, জেরাং অলাখিজা আরো পাপী হং·আ, জেরাং রংথালজা আরো থরমি হং·জা, জেরাং মা-ফাখো স·ওতে গাল্লা, জেরাং স·ওতে গাল্লা,

2 তীমথিয় 3:13

ইন্দিবা নামগিজাগিবা মান্দিরাং আরো দাক্কামব্রুগিবারাং আরোসা নামজাস্রাংনুয়া। বিসং গিপ্পিনরাংখো ব্রাংআ রামাচানা রা·আংনুয়া আরো আন·থাংথাংবা ব্রাংআ রামাচা রি·নুয়া।

2 তীমথিয় 4:4

বিসং ইসলনি বিবিখো খিন্নাগিজা গল্পখো খিন্নানা হাম·নুয়া।

তীতনা 1:6

মন্ডলীনি দাল·বাৎগিবাখো ইন্দাকে হং·না নাংনুয়া জেদাক্কে দারাংবা বিখো দোস র·ন্না মান·জা। বিনি সাকসাসান জিক দংনুয়া। বিনি বি·সারাং জেদাক্কে খ্রীষ্টও বিবিরা·আ, জেদাক্কে বিসং আন·থাংথাংনি হা·সিকা গিত্তা রি·জা আরো বামগিজাগিবা হং·জা।

যাকোব 1:26

সাবা আন·থাংখো থরম দাকগিবা ইন্নে চানচিওদে ইন্দিবা আন·থাংনি স্রিবাক্‌খো সিমসাকে রা·রিকজাওদে বিয়া আন·থাংখো থগিয়া। উনো বিনি থরম দাক্কারাং বু·আনি হং·আ।

1 যোহন 2:18

বি·সারাং, ইয়ান বন·চতা সময় হং·আ। না·সংদে খিন্নাজক, খ্রীষ্টনি বোবিল রি·বাংজক, ইন্দিবা বিনি আরোবা বাং·আ বোবিলরাং রি·বাএ গালজক। উনি গিম্মিন আনচিং হা·আইনা মা·ন্নিংআ, ইয়ান বন·চতা সময় হং·আ।

1 যোহন 2:4

জেআন আগানা, “আংআ বিখো হা·আইয়া,” ইন্দিবা বিনি গি·য়েতাখো মানিজা বিয়া বু·গিবা হং·আ; বিও বিবি দংজা।

1 যোহন 4:1

খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।

ফারাকগিবা খাৎথা 2:14

ইন্দাকোবা নাং·নি সাক্কাও আংনি মামুং আগানানি দংআ। নাং·নি উচা ইন্দাকগিবা মান্দিরাং দংআ জেরাং বিলিয়মনি স্খিয়া গিত্তা রি·য়া। বালাক রাজানা বিলিয়ম স্খিয়েতামিং জেদাক্কে বিয়া মিত্তে বিমাংনা চিনগিবা চা·আখো চা·আচা আরো থি·ল্লেকাচা ইস্রায়েলরাংখো পাপচানা রা·আংআ।

ফারাকগিবা খাৎথা 2:6

ইন্দিদে নাং·নি ইয়া মিংসা গুণ দংআ, নীকলায়তীয়েরাং জেখো দাক্কা উনা না·আ মিৎচিয়া, আরো আংআবা উনা মিৎচিয়া।