রোমানরাংনা 8:8 - Garo New Testament

⁸ উনি গিম্মিন পাপ-বেওয়ালনি নিং·আও দংগিবারাং ইসলখো খুসি দাকনা মান·জা।

রোমানরাংনা 8:8 Iomraidhean Croise

মথিনি চকগিবা নাম্মা খাৎথা 3:17

উনোন সালগিচানি ইয়া খাৎথাখো আগানজক, ‘‘ইয়ান আংনি খা·সাগিবা দেফান্থি, জেও আংআ খুসি হং·বিয়া।’’

যোহননা 3:3

যীশু নীকদীমনা আগানজক, “আংআ নাং·না বিবিন আগানিংআ, গিত্তাল দাক্কে আৎচিজাওদে দারাংবা ইসলনি সংনকখো নিকনা মান·জা।”

যোহননা 8:29

আংখো ওয়াত্তেতগিবান আংমুং দংআ। বিয়া আংখো সাকসানখো ওয়াত্তেতজা, মুয়ানা বিনি নামনিকগিবা কামখোন আংআ ফাংনান দাক্কা।”

রোমানরাংনা 1:21

মান্দি বিখো হা·আইনা মা·ন্নেবা ইসল ইন্নে বিনি রাসংখোবা দাকজা, বিনা মিৎথেলাখোবা হন·জা। বিসংনি চানচিয়ানি বিল সকজাজক আরো বিসংনি বুদ্ধিগ্রি খা·থং আন্দালাও গাপজক।

রোমানরাংনা 7:5

জেনসালো আনচিং পাপ-বেওয়ালনি নিং·আও দংআমিং উনসালো নিয়াম আনচিংনি গিসেপো পাপ দাকনা হা·সিকেতনুয়ামিং আরো উয়া হা·সিকারাং আনচিংনি বে·এনো কাম দাকনুয়ামিং; উনি গিম্মিন আনচিংনি জাংগি সিনা বিথি নাংনুয়ামিং।

রোমানরাংনা 8:9

ইন্দিবা ইসলনি গিসিক না·সংনি খা·থংও দংওদে না·সং পাপ-বেওয়ালনি নিং·আও হং·জা ইন্দিবা গিসিক রংথালগিবানি নিং·আওসা হং·আ। জেনি খা·থংও খ্রীষ্টনি গিসিক দংজা বিয়া খ্রীষ্টনি হং·জা।

1ম করিন্থীয়রাংনা 7:32

আংআ হা·ম্মা জেদাক্কে না·সং চানচিয়ারাংওনি জক্কে দংনা মা·ন্না। বিয়াগিজা মান্দি গিত্তেলনি গিম্মিনো চানচিয়া; বাদিকে দাক্কে বিয়া গিত্তেলখো খুসি দাকনুয়া ইখো চানচিয়া।

ফিলিপীয়রাংনা 4:18

আংনি মা·ন্নাগিবা গিম্মিকখোন আংআ মান·জক। আংনি নাংআনি বাত্তেবা আংনি বাং·এন দংআ। ইপাফ্রদীতনি জাক্কো না·সংনি ওয়াত্তেতগিবা বকসিসখো মা·ন্নে দা·আও আংনি চু·ওংজক। ইয়া বকসিসরাং সিম্মিলা আরো রা·চাকনা খ্রাগিবা বলি হং·আ,

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

কলসীয়রাংনা 3:20

বি·সারাং, না·সং গিম্মিক কামও মা-ফানি নিং·আও বাম্মে দংবো, মুয়ানা ইনি হা·সেল গিত্তেল খুসি হং·আ।

1 থিষলনীকী 4:1

জংআদারাং আরোবা আগান্না, ইসলখো খুসি দাকনা ইন্নে বাদিকে দাক্কে রি·না নাংআ উয়া স্খিয়াখোদে না·সং চিংচাখো মান·জক, আরো বিবিন না·সং উগিত্তান রি·ইংজক। ইন্দাকোবা গিত্তেল যীশুনি হং·এ চিংআ না·সংখো মল·মলিংজক আরো স্খিয়েতিংজক জেদাক্কে না·সং আরোবা বাং·এ উগিত্তান রি·য়া।

ইব্রীয়রাংনা 13:16

নাম্মা কামখো দাকনা আরো গিপ্পিননি দংগিজাও দাকচাকনা দা·আ গুয়ালা, মুয়ানা ইসল ইন্দাকা হন·নানিও খুসি হং·আ।

ইব্রীয়রাংনা 13:21

জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।

1 যোহন 3:22

উনি গিম্মিন আনচিং জেখো হাম·নুয়া উখো বিচানিখো মা·ন্নুয়া, মুয়ানা বিয়া জে গি·য়েতারাংখো হন·জক উরাংখো আনচিং মানিয়া আরো বিয়া জে কামও খুসি হং·আ আনচিং উখোন দাক্কা।