রোমানরাংনা 8:4 - Garo New Testament

⁴ বিয়া ইনি গিম্মিনান ইন্দাকে দাকজক জেদাক্কে পাপ-বেওয়ালনি নিং·আও রি·গিজা গিসিক রংথালগিবানি নিং·আও রি·য়ানি গিম্মিন আনচিংও নিয়াম চু·সকনা মা·ন্না।

রোমানরাংনা 8:4 Iomraidhean Croise

লূকনি চকগিবা নাম্মা খাৎথা 1:6

বিসং সাকগ্মিআন ইসলনি মিক্রোনও থরমিমিং। গিত্তেলনি গিম্মিক গি·য়েতা আরো নিয়ামরাংখো বিসং খাকখেৎ দাক্কে মানিনুয়ামিং।

রোমানরাংনা 2:26

ইনি গিম্মিন বিগিল রাতগিজা সাকসা মান্দি নিয়ামনি দাবিখো মানিওদে ইসল বিখো বিগিল রাতগিবা মান্দি ইন্নেন রা·চাকজানুয়ামা?

রোমানরাংনা 3:31

ইয়া বিবিরা·আনি গিম্মিন আনচিং নিয়ামখো গাল্লিংজকমা? মামুং দাক্কেবা গালজা, বাত্তেসা নিয়ামনি খাৎথারাং বিবি হং·আ উখোন আনচিং ফিন্নিকিংআ।

2য় করিন্থীয়রাংনা 10:2

চিংআ রামরাম মান্দিরাং গিত্তা জাংগিখো থাংএতিংজক ইন্নে জেরাং চানচিয়া বিসংনি সাক্কাও খেনমানগিজাখো জেচিক ফিন্নিকনা নাংনুয়া ইন্নে আংআ চানচিয়া, আংআ হা·ম্মা জেদাক্কে আংনি রি·বাজোকনো উচিকিন খেনমানগিজাখো আংনি ফিন্নিকনা নাংজা।

2য় করিন্থীয়রাংনা 10:3

চিংআ বে·এন-হান·চিনি মান্দি হং·ওবা চিংআ জে দাকগ্রিকিংজক উয়া বে·এন-হান·চিনি দাকগ্রিকা হং·জা।

গালাতীয়রাংনা 5:16

আংনি আগানা ইয়ান- না·সং গিসিক রংথালগিবানি নিং·আও রি·বো। ইন্দাকোদে না·সং পাপ-বেওয়ালনি হা·সিকাখো চু·সকেতজানুয়া।

কলসীয়রাংনা 1:22

ইন্দিবা খ্রীষ্টনি সিয়াও বিনি বে·এনচা ইসল আন·থাংমুং দা·আও না·সংখো নাংরিমেতজক, জেদাক্কে বিয়া না·সংখো রংথালে, খাকখেৎ দাক্কে আরো দোসগ্রি দাক্কে আন·থাংনি মিকখাংও চাদেংএতনা মা·ন্না।

ইব্রীয়রাংনা 12:23

দেজাক্রানি বিলখো মান·রিকগিবা মান্দি গিত্তা জেরাংনি বিমুং সালগিও চক্কা দংআ বিসংনি রিকগিবা মন্ডলীচা রি·বাজক; জেআন দিমদাক মান্দিরাংনি বিচাল দাকগিবা হং·আ উয়া ইসলচা রি·বাজক; জে মান্দিরাং চু·সকাখো মান·জক উয়া দোসগ্রি মান্দিরাংনি গিসিকচা রি·বাজক;

1 যোহন 3:2

খা·সাগিবা বি·সারাং, দা·আও আনচিং ইসলনি দেদ্রাং হং·আ, ইন্দিবা জা·মানো মুয়া হং·নুয়া উখো দা·আওবা ফারাকখুজা। ইন্দিদে আনচিং হা·আইয়া, খ্রীষ্ট জেনসালো ফারাকনুয়া উনো আনচিং বিগিত্তান হং·নুয়া, মুয়ানা বিয়া আদতে জেগিত্তা হং·আ, উয়া বিমাংওন আনচিং বিখো নিকনা মা·ন্নুয়া।

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।

ফারাকগিবা খাৎথা 14:5

মামিংসালোবা বিসং বু·এ খাৎথা আগানজা, আরো বিসংনি মামিং দোসখো মান·জা।