রোমানরাংনা 8:1 - Garo New Testament

¹ জেরাং খ্রীষ্ট যীশুমুং নাংরিমজক বিসংখো ইসল শাস্তি মা·ন্না খ্রা ইন্নে চানচিজানুয়া।

রোমানরাংনা 8:1 Iomraidhean Croise

যোহননা 14:20

উনসালো না·সং হা·আইনা মা·ন্নুয়া, আংআ আপফাও দংআ আরো না·সং আংমুং দংআ আরো আংআ না·সংমুং দংআ।

যোহননা 15:4

আংও দংখামবো আরো আংআবা না·সংনি খা·থংও দংখামনুয়া। আংগুর বিফাংও দংখামজাওদে জেদাক্কে ডালা আন·থাংথাংআন বিথি নাংএতনা মান·জা উয়ানদাক্কে আংও দংখামজাওদে না·সংবা আন·থাংথাংআন বিথি নাংএতনা মান·জা।

যোহননা 5:24

“আংআ না·সংনা বিবিন আগানিংআ, আংনি আগানাখো জে খিন্নাচাকা আরো জে আংখো ওয়াত্তেতগিবাখো বিবিরা·আ বিয়া ফাংনাজলনি জাংগিখো মান·জক। বিখো গ্রো নাংগিবা ইন্নে ফতজানুয়া; বিয়াদে সিয়াওনি জাংগিওনা গা·বাতজক।

রোমানরাংনা 16:3

প্রিষ্কিল্লা আরো আকিলানা আংনি সালাম হন·বো। বিসং খ্রীষ্ট যীশুনি কামও আংমুং কাম দাকফাজক।

রোমানরাংনা 16:7

বিসং আংগিত্তান যিহূদী আরো আংমুং বিসংবা জেলো বন্দি হং·এ দংআমিং। ওয়াত্তেতারাংনি গিসেপো বিসং নাম্মেন মান্দিরা·আখো মান·গিবা মান্দি হং·আমিং। বিসং আংনা স্খাংআন খ্রীষ্টখো বিবিরা·আমিং।

রোমানরাংনা 5:1

বিবিরা·আচান আনচিংখো দোসগ্রি ইন্নে রা·চাকজক আরো উনি গিম্মিনান গিত্তেল যীশু খ্রীষ্ট গিত্তা ইসল আরো আনচিংনি গিসেপো থম·থমানি হং·জক।

রোমানরাংনা 5:16

ইসলনি হ·ন্না আদমনি পাপনি বিথি গিত্তা হং·জা, মুয়ানা মিংসা পাপখো বিচাল দাক্কানি গিম্মিন গিম্মিক মান্দিন শাস্তি মা·ন্না খ্রাগিবা হং·জক, ইন্দিবা দোসগ্রি দাক্কে ইসলনি রা·চাকাখো মা·ন্না খ্রাগিবা হং·না খা·সাচাক্কানি ইয়া হ·ন্না, ইয়াদে বাং·আ পাপনি হা·সেলো রি·বাজক।

রোমানরাংনা 7:17

ইন্দাকোদে নিকনা মা·ন্না, আংআ আন·থাংআন ইখো দাকজাংআ, ইন্দিবা আংও জে পাপ দংআ, উয়ান আংখো ইখো দাক্কেতিংআ।

রোমানরাংনা 7:20

দাকনা হা·সিকগিজাখো আংআ দাক্কোদে উখো আংআ আন·থাংদে দাকজা, ইন্দিবা আংও দংগিবা পাপআন আংখো উখো দাক্কেতা।

রোমানরাংনা 8:11

যীশুখো সিয়াওনি থাংচাএতগিবা উয়া ইসলনি গিসিক না·সংনি খা·থংও দংওদে ইসল উয়া গিসিকচা সিয়ানি নিং·আও দংগিবা না·সংনি বে·এনখোবা থাংচাএতনুয়া।

রোমানরাংনা 8:14

মুয়ানা জেরাং ইসলনি গিসিকনি রি·দিলাচা রি·য়া বিসংআন ইসলনি দেদ্রাং হং·আ।

রোমানরাংনা 8:2

জাংগি হন·গিবা গিসিক রংথালগিবানি নিয়ামান আংখো খ্রীষ্ট যীশুও পাপ আরো সিয়ানি নিয়ামওনি জক্কেৎজক।

রোমানরাংনা 8:34

সা বিসংখো দোসি দাকনুয়া? জে সিজকমিং আরো জেখো সিয়াওনি থাংচাএতজক উয়া খ্রীষ্ট যীশু দা·আও ইসলনি জাক্রাচাবাক্কা দংআ আরো আনচিংনা মল·মলিংজক।

রোমানরাংনা 8:39

বা সিলগা সাক্কানি বা হা·গিলসাক হা·নিংআনি মামুং, আরোবা থারিয়া গিম্মিকোনি মামুংআন আনচিংখো ইসলনি খা·সাওনি জিত্তেতনা মান·জানুয়া। ইসলনি ইয়া খা·সা আনচিংনি গিত্তেল খ্রীষ্ট যীশুও দংআ।

রোমানরাংনা 8:4

বিয়া ইনি গিম্মিনান ইন্দাকে দাকজক জেদাক্কে পাপ-বেওয়ালনি নিং·আও রি·গিজা গিসিক রংথালগিবানি নিং·আও রি·য়ানি গিম্মিন আনচিংও নিয়াম চু·সকনা মা·ন্না।

রোমানরাংনা 8:9

ইন্দিবা ইসলনি গিসিক না·সংনি খা·থংও দংওদে না·সং পাপ-বেওয়ালনি নিং·আও হং·জা ইন্দিবা গিসিক রংথালগিবানি নিং·আওসা হং·আ। জেনি খা·থংও খ্রীষ্টনি গিসিক দংজা বিয়া খ্রীষ্টনি হং·জা।

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

1ম করিন্থীয়রাংনা 15:22

আদমমুং নাংরিমে দংআ ইন্নে জেদাক্কে গিম্মিক মান্দিন সিয়া, উয়ানদাক্কে খ্রীষ্টমুং জেরাং নাংরিমে দংআ বিসং গিম্মিকখো থাংচাএতনুয়া;

2য় করিন্থীয়রাংনা 12:2

খ্রীষ্টও বিবিরা·গিবা সাকসা মান্দিখো আংআ হা·আইয়া। বিলসি চি·ব্রিনা স্খাং সালগিওনা সক্কে বিখো রা·দোআংআমিং। উনো বিয়া বিনি বে·এন বিমাংও দংআমা দংজামিং উখো আংআ হা·আইজা, ইসল হা·আইয়া।

2য় করিন্থীয়রাংনা 5:17

সাবা খ্রীষ্টমুং নাংরিমে দংওদে বিয়া গিত্তাল দাক্কে আৎচিজক। বিনি গিৎচাম গিম্মিক মুচ্চিয়ে গিম্মিক গিত্তাল হং·জক।

গালাতীয়রাংনা 3:13

নিয়ামখো মানিজানি গিম্মিন জে শাপ আনচিংও দংআমিং, খ্রীষ্ট উয়া শাপখো আন·থাংনি সাক্কাও রা·এ আনচিংখো জক্কেৎজক। রংথালগিবা শাস্ত্রও ইয়া খাৎথা চক্কা দংআ, “জেখো ফাংও খাদিংদিয়া বিয়া শাপ মান·গিবা হং·আ।”

গালাতীয়রাংনা 3:26

খ্রীষ্ট যীশুখো বিবিরা·আচা না·সং গিম্মিকান ইসলনি দেদ্রাং হং·জক,

গালাতীয়রাংনা 3:28

যিহূদী আরো যিহূদী হং·গিজারাংও, নকখল আরো জাকগিত্তেল হং·গিবারাংও, মিচিক আরো মি·আসারাংও দিংথাংগ্রিকানি মামুং দংজা, মুয়ানা খ্রীষ্ট যীশুমুং নাংরিমে না·সং গিম্মিকান আপসান হং·জক।

গালাতীয়রাংনা 5:16

আংনি আগানা ইয়ান- না·সং গিসিক রংথালগিবানি নিং·আও রি·বো। ইন্দাকোদে না·সং পাপ-বেওয়ালনি হা·সিকাখো চু·সকেতজানুয়া।

গালাতীয়রাংনা 5:25

আনচিং গিসিক রংথালগিবাচা জাংগি মা·ন্নে দংওদে হাই, আনচিং গিসিক রংথালগিবানি নিং·আওন রি·না।

ইফিষীয়রাংনা 1:1

আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·আ। ইফিষ সংজিলমাও জেরাং ইসলনি মান্দি হং·আ আরো খ্রীষ্ট যীশুখো বিবিরা·আ বিসংনা আংআ ইয়া চিঠিখো চক্কিংআ।