রোমানরাংনা 7:5 - Garo New Testament

⁵ জেনসালো আনচিং পাপ-বেওয়ালনি নিং·আও দংআমিং উনসালো নিয়াম আনচিংনি গিসেপো পাপ দাকনা হা·সিকেতনুয়ামিং আরো উয়া হা·সিকারাং আনচিংনি বে·এনো কাম দাকনুয়ামিং; উনি গিম্মিন আনচিংনি জাংগি সিনা বিথি নাংনুয়ামিং।

রোমানরাংনা 7:5 Iomraidhean Croise

মথিনি চকগিবা নাম্মা খাৎথা 15:19

খা·থংওনিন নামগিজা চানচিয়ারাং, মান্দি স·ওতারাং, থি·ল্লেকারাং, চা·উয়ারাং, বু·এ সাক্ষি হ·ন্নারাং আরো খাল·স্থাপারাং হং·খাতা।

যোহননা 3:6

মান্দিওনি আৎচিগিবা মান্দি হং·আ, আরো রংথালগিবা গিসিকোনি আৎচিগিবা গিসিক হং·আ।

রোমানরাংনা 1:26

মান্দি ইরাংখো দাকজক ইন্নে ইসল খ্র্রাচা·আগ্মাং হা·সিকারাংও বিসংখো ওয়াত্তেতজক। মিচিকসারাংবা মি·আসারাংমুং বিসংনি দাকনা নাংআ গিত্তা বেওয়ালরাংখো দন্নে সাকগিপ্পিন মিচিকসারাংমুং দাকনাংগিজা গিত্তা খ্রাগিজা কামখো দাকজক।

রোমানরাংনা 3:20

নিয়ামখো মানিজোকনোন ইসল মান্দিখো দোসগ্রি ইন্নে রা·চাকনুয়া ইন্দাকে হং·জা, ইন্দিবা নিয়ামচান মান্দি আন·থাংথাংনি পাপরাংখো হা·আইনা মা·ন্না।

রোমানরাংনা 4:15

মুয়ানা নিয়ামদে ইসলনি শাস্তিখো রিংগামে রা·বাআ। আরো বিবিখো আগান্না রি·য়াংওদে, জেও নিয়াম দংজা উয়ো নিয়াম মানিগিজানি মামুংআন দংজা।

রোমানরাংনা 5:20

খ্র্রাগিজা কাম বাং·খানা ইন্নে নিয়ামখো হন·জক, ইন্দিবা খ্রাগিজা কাম জেও বাং·জক উয়ো ইসলনি খা·সাচাক্কা বাং·জক।

রোমানরাংনা 6:13

বে·এননি মামুং বাকখোন নামগিজা কামখো দাক্কানি জাকরিমরা গিত্তা পাপনি জাক্কো দা·আ হ·ন্নাবো। ইন্দিবা সিয়াওনি থাংচাগিবা মান্দি গিত্তা না·সং ইসলনি জাক্কো আন·থাংথাংখো হন·খামবো আরো খাকখেৎ কামখো দাক্কানি জাকরিমরা গিত্তা না·সংনি বে·এন গিম্মিকখোন ইসলনা হন·খামবো।

রোমানরাংনা 6:19

মান্দিরাংনি বিলগ্রিনা আংআ খাৎথারাংখো মান্দিরাং জেগিত্তা হা·আইনুয়া উগিত্তা আগানিংজক। স্খাংও না·সং জেদাক্কে বাং·এ খ্রাগিজা কামরাংখো দাকনা ইন্নে আন·থাংথাংনি বে·এনখো রংথালগিজা আরো খ্রাগিজানি নকখল দাক্কামিং, উয়ানদাক্কেন দা·আও রংথালাও দাল·রোরোনা না·সংনি বে·এনখো খ্রাগিবা কামনি নকখল দাক্কে থারিবো।

রোমানরাংনা 6:21

স্খাংনি জে কামরাংনি খাৎথাখো চানচিএ দা·আও না·সং খ্রাচা·আংআ উয়া কামরাংওনি না·সংনি মুয়া লাভ হং·নুয়ামিং? উনি বন·খামগিবা বিথি হং·জক সিয়া।

রোমানরাংনা 6:23

পাপ জেখো মজুরী হ·ন্না উয়াদে সিয়া হং·আ, ইন্দিবা ইসল জেখো হ·ন্না উয়া আনচিংনি গিত্তেল খ্রীষ্ট যীশুও ফাংনাজলনি জাংগি।

রোমানরাংনা 7:23

ইন্দাকোবা আংআ নিকনা মা·ন্না, মিংসা দিংথাং দাকগিবা নিয়াম আংনি বে·এনো কাম দাক্কিংআ। নামগিবাখো নাম্মা ইন্নেন আংনি গিসিক রা·চাকা, ইন্দিবা দিংথাং দাকগিবা ইয়া নিয়াম আংনি গিসিকনি সাক্কাও দাকগ্রিকিংআ আরো আংখো বন্দি দাক্কে দন্নিংআ। আংও দংগিবা পাপ ইয়া নিয়ামনিন হং·আ।

1ম করিন্থীয়রাংনা 15:56

সিয়ানি বেরি পাপ, আরো পাপনি বিলআন মোশিনি নিয়াম।

2য় করিন্থীয়রাংনা 10:3

চিংআ বে·এন-হান·চিনি মান্দি হং·ওবা চিংআ জে দাকগ্রিকিংজক উয়া বে·এন-হান·চিনি দাকগ্রিকা হং·জা।

গালাতীয়রাংনা 3:10

রংথালগিবা শাস্ত্রও চক্কা দংআ, “উয়া মান্দি শাপ মান·গিবা হং·আ, জেআন নিয়ামও চকগিবা গিম্মিক খাৎথাখো মানিজা।” ইন্দাকোদে নিকনা মা·ন্না, জেরাং নিয়ামখো মানিয়াও ফাংচাকা বিসং গিম্মিকনি সাক্কাও ইয়া শাপ দংআ।

গালাতীয়রাংনা 5:24

জেরাং খ্রীষ্ট যীশুনি, বিসং বিসংনি পাপ-বেওয়ালখো উনি গিম্মিক নামগিজা হা·সিকাখো চিসলো দাৎখাপে ব·ন্নেতজক।

ইফিষীয়রাংনা 2:11

আৎচিয়া গিত্তাদে না·সং যিহূদী হং·জা। জাকচা বে·এনো জেরাংখো বিগিল রাতজক, আগানস্খাওদে জেরাং আন·থাংথাংখো বিগিল রাতগিবা মান্দি ইন্নে আগানে দংআ বিসং না·সংখো বিগিল রাতগিজা মান্দি ইন্নে আগানা।

ইফিষীয়রাংনা 2:3

আনচিংবা দিমদাকান স্খাংদে আন·থাংথাংনি পাপ-বেওয়ালনি হা·সিকাখো চু·সকে উয়া মান্দিরাংমুং জাংগি মিৎথাংনুয়ামিং। পাপ-বেওয়ালওনি জে হা·সিকারাং আরো চানচিয়ারাং হং·খাতা উগিত্তা চিংআ কাম দাকনুয়ামিং। ইন্দাকা বেওয়ালনা চিংআবা গিপ্পিনরাং গিত্তা ইসলওনিখো শাস্তি মা·ন্না খ্রাগিবা হং·আমিং।

কলসীয়রাংনা 3:5

উনি গিম্মিন না·সংনি পাপ-বেওয়ালও দংগিবারাংখো ব·ন্নেতবো। উয়ো থি·ল্লেকারাং, মারাং নাংআরাং, নামগিজা হা·সিকারাং আরো মাদ্দুয়ারাং দংআ জেখো মিত্তে বিমাংখো অলাখিয়া ইন্নেবা আগান্না মা·ন্না।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

যাকোব 1:15

গিসিকো হা·সিকারাং গাপজকোন পাপখো হং·এতা আরো পাপ গাপজকোন সিয়াখো হং·এতা।

যাকোব 4:1

না·সংনি গিসেপো নিরিয়া গিসিয়া আরো দাকগ্রিক্কারাং বাচ্চানি রি·বাআ? না·সংনি বে·এনো দাকগ্রিকে দংগিবা হা·সিকারাংওনি উরাং রি·বাজামা?

1 যোহন 3:4

জেরাং পাপ দাক্কা বিসং ইসলনি খাৎথাখো মানিজা। ইসলনি খাৎথাখো মানিগিজান হং·জক পাপ।