রোমানরাংনা 7:4 - Garo New Testament

⁴ উয়ানদাক্কেন আংনি জংআদারাং, খ্রীষ্টনি বে·এনো মোশিনি নিয়ামরাংচা না·সংবা সিজক। উনি গিম্মিন সিয়াওনি জেখো থাংচাএতজক না·সং উয়া যীশু খ্রীষ্টনিন হং·আ, জেগিত্তা ইসলনি গিম্মিন না·সংনি জাংগি বিথিগ্মাং হং·আ।

রোমানরাংনা 7:4 Iomraidhean Croise

মথিনি চকগিবা নাম্মা খাৎথা 26:26

চা·মিত্তিংও যীশু রুটিখো রা·এ ইসলখো মিৎথেলজক। জা·মানো বিয়া উয়া রুটিখো ফি·থংজক আরো জা·রিকগিবারাংনা হ·ন্নে আগানজক, “রা·বো, চা·বো, ইয়ান আংনি বে·এন।”

মার্ক 4:20

উনি গিম্মিন উনো মামুং বিথি নাংজা। আরো হা·বা নামগিবাও গা·আকগিবা বিৎচ্রিচা বিসংখো আগানিংআ জেরাং উয়া খাৎথাখো খিন্নাএ উখো রা·চাকিংআ আরো বিথি নাংইংআ। আরো মিত্তাম খলাৎচি, মিত্তাম সৎদক দা·আবা মিত্তাম রিৎচাসা বাত্তে বিথি নাংআ।’’

যোহননা 15:8

না·সংনি জাংগিও বাং·বাত্তে বিথি নাংওদে আরো ইন্দাকে না·সং আন·থাংথাংখো আংনি জা·রিকগিবা ইন্নে ফিন্নিকোদে আংনি ফাগিবানি রাসং হং·নুয়া।

যোহননা 3:29

জেনি জাক্কো নামচিকখো হন·জক, উয়ান চাওয়ারি হং·আ। চাওয়ারিনি রিপ্পেং চাদেংএ চাওয়ারিনি খাৎথাখো খিন্নাআ আরো বিনি খু·রাংখো খিন্নাএ খুসি হং·বিয়া। উয়ানদাক্কেন আংনি হান·সেংআবা দা·আল চু·সকজক।

যোহননা 6:51

আংআন উয়া জাংগিনি রুটি সালগিওনি হং·ওনবাগিবা। ইয়া রুটিখো চা·গিবা ফাংনাজলনা জাংগিখো মা·ন্নুয়া। আংনি বে·এনআন উয়া রুটি। মান্দি জেদাক্কে জাংগি মা·ন্না উনি গিম্মিন আংআ আংনি ইয়া বে·এনখো হ·ন্নুয়া।”

রোমানরাংনা 6:11

উয়ানদাক্কেন ইয়া খাৎথাও ফাংচাকবো, খ্রীষ্ট যীশুমুং নাংরিমজক ইন্নে পাপনি দাবিচা না·সংবা সিজক, আরো দা·আও ইসলনি গিম্মিন না·সংবা থাংএ দংআ।

রোমানরাংনা 6:14

না·সংদে পাপনি নকখল হং·জা, মুয়ানা না·সং ইসলনি খা·সাচাক্কানি নিং·আওসা দংআ, নিয়ামনি নিং·আওদে হং·জা।

রোমানরাংনা 6:2

হং·জা। পাপনি দাবিচা আনচিংদে সিজকান; ইন্দিদে বাদিকে দাক্কে আনচিং পাপনি রামাওনা রি·নুয়া?

রোমানরাংনা 6:22

ইন্দিবা দা·আও না·সং পাপওনি জক্কাখো মা·ন্নে ইসলনি নকখল হং·জক। ইনি গিম্মিন ইয়ান লাভ হং·জক, না·সং রংথালাও দাল·রোরোংজক, আরো উনি বন·খামগিবা বিথি হং·জক ফাংনাজলনি জাংগি।

রোমানরাংনা 7:3

উনি গিম্মিন সে থাংএ দংমিত্তিংও জিকগিবা সাকগিপ্পিনখো বিয়াওদে বিখো থি·ল্লেকগিবা ইন্নে আগানা। ইন্দিবা বিনি সেগিবা সিয়োদে বিয়া উয়া নিয়ামওনি জক্কাখো মা·ন্না। আরো উনো বিয়া সাকগিপ্পিনখো বিয়াওদে বিয়া থি·ল্লেকগিবা হং·জা।

রোমানরাংনা 7:6

উনো আনচিংখো জে খায় রা·রিকনুয়ামিং উনি দাবিচা আনচিংদে সিজক। উনি গিম্মিন দা·আও আনচিং নিয়ামওনি জকজক। উনি গিম্মিন আনচিং দা·আও চকগিবা নিয়ামনি উয়া গিৎচাম রামানি নকখল হং·জা, ইন্দিবা গিসিক রংথালগিবানি হন·গিবা গিত্তাল রামানি নকখল হং·জক।

রোমানরাংনা 8:2

জাংগি হন·গিবা গিসিক রংথালগিবানি নিয়ামান আংখো খ্রীষ্ট যীশুও পাপ আরো সিয়ানি নিয়ামওনি জক্কেৎজক।

1ম করিন্থীয়রাংনা 10:16

গিত্তেলনি মিয়াথামও মিৎথেলে জে ফাত্তিয়ানি রিংচাকানিখো আনচিং রিংআ, উয়া খ্রীষ্টনি হান·চিনি বাকখো রা·আ গিত্তা হং·জামা? আরো জে রুটিখো আনচিং ফি·থংএ চা·আ উয়াবা খ্রীষ্টনি বে·এননি বাকখো রা·আ গিত্তা হং·জামা?

2য় করিন্থীয়রাংনা 11:2

না·সংনি গিম্মিন আংআ আংনি খা·থংও ইসলনি হন·গিবা গিসিক সা·দিকাও সা·দিকিংজক, মুয়ানা আংআ চাওয়ারি সাকসা মা·মাংমিং, আগানস্খাওদে খ্রীষ্টমুং না·সংনি বিয়ানি গিম্মিনো থিক দাক্কে দনসোজক, জেদাক্কে রংথালগিবা নামচিক গিত্তা বিচান না·সংখো হ·ন্না মা·ন্না।

গালাতীয়রাংনা 3:13

নিয়ামখো মানিজানি গিম্মিন জে শাপ আনচিংও দংআমিং, খ্রীষ্ট উয়া শাপখো আন·থাংনি সাক্কাও রা·এ আনচিংখো জক্কেৎজক। রংথালগিবা শাস্ত্রও ইয়া খাৎথা চক্কা দংআ, “জেখো ফাংও খাদিংদিয়া বিয়া শাপ মান·গিবা হং·আ।”

গালাতীয়রাংনা 5:18

না·সং গিসিক রংথালগিবাচান রি·ওদে না·সং নিয়ামনি নিং·আও হং·জা।

ফিলিপীয়রাংনা 4:17

মামুং বকসিসখো আংআ হা·ম্মা ইন্দাকে হং·জা, ইন্দিবা আংআ ইন্দাকা বিথিনা খা·দংইংআ জেআন না·সংনি বিমুংও চিম্মংএন দংনুয়া।

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

কলসীয়রাংনা 1:22

ইন্দিবা খ্রীষ্টনি সিয়াও বিনি বে·এনচা ইসল আন·থাংমুং দা·আও না·সংখো নাংরিমেতজক, জেদাক্কে বিয়া না·সংখো রংথালে, খাকখেৎ দাক্কে আরো দোসগ্রি দাক্কে আন·থাংনি মিকখাংও চাদেংএতনা মা·ন্না।

কলসীয়রাংনা 1:6

ইয়া নাম্মা খাৎথা হা·গিলসাক গিম্মিকও গিপ্পাংএ বিথি নাংইংজক আরো সালনিসাল বাতরোরোংজক। জেনসালো না·সং ইয়া নাম্মা খাৎথাখো খিন্নাজক আরো ইসলনি খা·সাচাক্কাখো হা·আইবিবিজক উনসালোনি উয়া না·সংওবা উয়ানদাক্কেন কাম দাক্কিংজক।

কলসীয়রাংনা 2:14

আরো আনচিংনি সাক্কাও জে দলিল দংআমিং উনি গিম্মিক দাবি মাংগ্মাং উখো ওয়াতগালজক। উয়া দলিলখো বিয়া চিসলো সিলচা দাৎখাপে গালজক।

কলসীয়রাংনা 2:20

খ্রীষ্টমুং সিফাএ না·সং হা·গিলসাকনি বেওয়ালরাংওনি চে·ল্লাচানা জিত্তে রি·বাওদে হা·গিলসাকনি মান্দিরাং গিত্তান না·সং মুয়ানা দা·আবা হা·গিলসাকনি নিয়ামনি নিং·আও দংইংজক?

ইব্রীয়রাংনা 10:10

ইসলনি উয়া নামনিকা গিত্তান যীশু খ্রীষ্টনি বে·এনখো রাং·সাসান বলি হ·ন্নাচা ইসলনা মিংএ আনচিংখো দিংথাং দাকজক।

পিতর 2:24

বিয়া চিসলনি সাক্কাও আন·থাংনি বে·এনো আনচিংনি পাপনি বোজাখো রিপ্পিএ রা·জক, জেদাক্কে আনচিং পাপনি দাবিরাংচা সিএ ইসলনি হা·সিকা গিত্তা রি·না ইন্নে থাংএ দংআ। বিনি বে·এননি মাত্তা না·সংখো নাম্মেতজক।

ফারাকগিবা খাৎথা 19:7

রি·বাবো, আনচিং গিসিকো খুসি হং·এ নাম্মেন হান·সেংনা আরো বিখো রাসং দাকনা, মুয়ানা মেষ বি·সানি বিয়ানি সাল সকজক আরো বিনি নামচিক আন·থাংখো থারিজক।

ফারাকগিবা খাৎথা 21:9

জে সাকস্নি সা·গ্রেনি জাক্কো বন·চতগিবা সাবিসি গাপ্পা গি·স্নি দনচাক্রা দংআমিং বিসংওনি সাকসা আংচা রি·বাএ আগানজক, “রি·বা, আংআ নাং·না মিচিক, আগানস্খাওদে মেষ-বি·সানি জিকগিবাখো ফিন্নিকনা।”