রোমানরাংনা 5:2 - Garo New Testament

² ইসলনি ইন্দাকা জে খা·সাচাক্কানি রামাও আনচিং দা·আও রি·ইংজক আনচিং খ্রীষ্টও বিবিরা·এ উয়ো সকজক। ইসলনি রাসংখো মা·ন্না খা·দংএ আনচিং খুসি হং·ইংআ।

রোমানরাংনা 5:2 Iomraidhean Croise

মথিনি চকগিবা নাম্মা খাৎথা 25:21

নিবো, আংআ আরোবা হাজাল বংআ থাংখাখো মান·দাপজক।’ উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

যোহননা 10:7

উনি গিম্মিন যীশু দা·আবা আগানফিলজক, “আংআ না·সংনা বিবিন আগানিংআ, আংআন মেষরাংনি দ·গা হং·আ।

যোহননা 10:9

আংআন দ·গা। সাবা আং গিত্তা নিং·আচানা নাপবাওদে বিয়া জকনুয়া। বিয়া নিং·আচা রি·বানুয়া আরো হা·ফালচা রি·য়াংনুয়া আরো চা·আম্মানি হা·দামখো মা·ন্নুয়া।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

যোহননা 5:24

“আংআ না·সংনা বিবিন আগানিংআ, আংনি আগানাখো জে খিন্নাচাকা আরো জে আংখো ওয়াত্তেতগিবাখো বিবিরা·আ বিয়া ফাংনাজলনি জাংগিখো মান·জক। বিখো গ্রো নাংগিবা ইন্নে ফতজানুয়া; বিয়াদে সিয়াওনি জাংগিওনা গা·বাতজক।

ওয়াত্তেতারাংনা 14:27

আন্তিয়খিয়াওনা সক্কে মন্ডলীনি গিম্মিকখো বিসং হা·দামসাও থম·দাকেতজক আরো ইসল বিসং গিত্তা জেখো দাকজক উয়া গিম্মিকখোন আগানজক। ইসল বাদিকে দাক্কে গিপ্পিন জাতরাংনা চলখো দাক্কে হ·ন্নামিং জেদাক্কে বিসং খ্রীষ্টখো বিবিরা·না মা·ন্না উখোবা আগানজক।

রোমানরাংনা 11:20

দে নাম্মান। ইন্দিবা উরাংনি বিবিরা·জানি গিম্মিন উরাংখো দে·ন্নে গাল্লামিং আরো নাং·নি বিবিরা·আনি গিম্মিন না·আ উয়ো দংআ। ইনি হা·সেল দা·আ গাং·বিংআবো বাত্তেসা অলাখিয়ে খেনবো,

রোমানরাংনা 12:12

না·সংনি মিকখাংও জে খা·দংআ দংআ উনা হান·সেংবো। দুকরাংও চাকচিকে দংবো। ফাংনান বি·বো।

রোমানরাংনা 14:4

গিপ্পিননি নকখলখো বিচাল দাকনা না·আ সা? বিয়া চাদেংএ দংআমা গা·আকাংআ উখো বিনি নকগিবান হা·আইনুয়া। ইন্দিবা বিয়া চাদেংএন দংনুয়া, মুয়ানা গিত্তেলান বিখো চাদেংএতি দন্না মা·ন্না।

রোমানরাংনা 15:13

খা·দংএতগিবা উয়া ইসল না·সংনি বিবিরা·আও চানসকগিজা হান·সেংআচা আরো থম·থমাচা না·সংখো চু·সকেৎখানা। ইন্দাকোদে গিসিক রংথালগিবানি বিলচা না·সংনি খা·থংও খা·দংআ বাৎরোরোনুয়া।

রোমানরাংনা 2:7

জেরাং চাকচিকে নাম্মা কামখো দাক্কে ইসলচাখো রাসং, মান্দিরা·আ আরো বন·গিজাগিবা জাংগিখো মা·ন্না হা·ম্মা, ইসল বিসংনান ফাংনাজলনি জাংগিখো হ·ন্নুয়া।

রোমানরাংনা 3:23

মুয়ানা গিম্মিকান পাপ দাকজক আরো ইসলোনি মিৎথেলাখো মা·ন্না খ্রাজাজক।

রোমানরাংনা 5:5

ইয়া খা·দংআ আনচিংখো খ্রাচা·এতজা, মুয়ানা ইসল বিনি হন·গিবা গিসিক রংথালগিবাচা আনচিংনি খা·থংখো বিনি খা·সাচাক্কাচা গাপ্পেতজক।

রোমানরাংনা 8:1

জেরাং খ্রীষ্ট যীশুমুং নাংরিমজক বিসংখো ইসল শাস্তি মা·ন্না খ্রা ইন্নে চানচিজানুয়া।

রোমানরাংনা 8:24

পাপওনি জক্কে আনচিং ইয়া খা·দংআখোন মান·জক। জেনা আনচিং খা·দংএ দংআ উখো মা·ন্নোদে খা·দংআনি মুয়াবা দংআ। জেখো মান·জক, উনা সা খা·দংএ দংআ?

1ম করিন্থীয়রাংনা 15:1

জংআদারাং, জে নাম্মা খাৎথাখো আংআ না·সংচা আগানফ্রাকামিং, উয়া নাম্মা খাৎথাখো আংআ না·সংনা গিসিক রা·এতিংজক। না·সং উখো রা·চাকজক আরো উয়ো খেম·খেম দংজক।

2য় করিন্থীয়রাংনা 3:18

ইনি গিম্মিন আনচিং জেরাং খ্রীষ্টমুং নাংরিমজক, আনচিং গিম্মিকান মিকখাং ফিনদাপগিজা জানিরাও বিমাংখো নিআ গিত্তা গিত্তেলনি রাসংখো নিক্কেন আন·থাংথাংবা রাসংও দাল·রোরোবাএ দিংথাং হং·ফিলে বিগিত্তান হং·ইংজক। গিত্তেলনি, আগানস্খাওদে গিসিক রংথালগিবানি বিলচান ইন্দাকে হং·আ।

2য় করিন্থীয়রাংনা 4:17

দা·আও চিংআ বাং·গিজা সালনা অকখিসা মা·মাং জে দুকখো চাক্কিংজক উনি হা·সেল চিংআ ফাংনাজলনি রাসংখো মা·ন্নুয়া। ইয়া রাসং ইন্দাকেন বাং·আ জেখো থোনা মান·জা।

ইফিষীয়রাংনা 2:18

বিচান আপসান গিসিক রংথালগিবাচা ফাগিবাচা রি·য়াংআনি বিল আনচিংনি গিম্মিকনি দংআ।

ইফিষীয়রাংনা 3:12

খ্রীষ্টমুং নাংরিমে বিখো বিবিরা·আচা আনচিং ইসলনি মিকখাংও খেনমানগিজা চাদেংনা বিল মান·জক।

ইফিষীয়রাংনা 6:13

উনি গিম্মিন না·সং দাকগ্রিকনা ইন্নে ইসলনি রন·গিবা গিম্মিক গান্না-চিন্নাখো গান্নে রা·বো, জেদাক্কে শয়তান জেনসালো রি·বানুয়া উনো না·সং বিখো চাংফেংনা মা·ন্না আরো গিম্মিকখো ব·ন্নেতি চাদেং খেম·খেমে দংনা মা·ন্না।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

ইব্রীয়রাংনা 3:6

ইন্দিবা খ্রীষ্ট উয়া নকনি দেফান্থি গিত্তা বিবিরা·না খ্রাগিবা হং·আমিং। আনচিংনি খা·দংবিবিয়ানি গিম্মিন গিসিকো জে হান·সেংআ রি·বাআ, উয়ো আনচিং বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিংআন ইসলনি নকনি মান্দি হং·আ।

ইব্রীয়রাংনা 6:18

ইসলনি খু·রাচাক্কা আরো মিকচেতা মামুং সালোবা দিংথাং হং·জা। ইসল, জেআন বু·এ আগান্না মান·জা, বিয়ান ইখো খু·রাচাকজক আরো মিকচেতজক, জেদাক্কে আনচিংনি মিকখাংও জে খা·দংআ দংআ উখো রিম·না ইন্নে খাতনা রি·য়াংএ আনচিং নাম্মেন খা·দংএতাখো মা·ন্না।

পিতর 3:18

খ্রীষ্টবা পাপনি গিম্মিনো রাং·সাসান সিয়ামিং। ইসলচা আনচিংখো রা·আংনা ইন্নে উয়া দোসগ্রি মান্দি পাপ দাকগিবারাংনি গিম্মিন, আগানস্খাওদে আনচিংনি গিম্মিন সিয়ামিং। বে·এনো বিখো দক্কে গাল্লামিং, ইন্দিবা গিসিকচা বিখো থাংচাএতামিং আরো বিয়া বন্দি দংগিবা গিসিকরাংচা রি·য়াংএ আগানফ্রাকামিং।

ফারাকগিবা খাৎথা 21:11

উয়া সংজিলমানি নাম্মেন রং·থি চিং·ব্র্রাপা গিত্তা জানিরা গিত্তা হীরা গিত্তা।

ফারাকগিবা খাৎথা 21:23

উযা সংজিলমাও থেংসুখাননা সাল বা জাজং নাংজা, মুয়ানা ইসলনি রাসংআন উনো সেংআখো হননা আরো মেষ বিসান উনি চাক্কি;

ফারাকগিবা খাৎথা 21:3

জা·মানো আংআ সাকসাখো উয়া সিংহাসনওনি রাক্কে ইয়া খাৎথাখো আগানাখো খিন্নাজক, “দা·আও মান্দিও ইসলনি দংআনি হা·দাম হং·জক। বিয়া মান্দিমিংআন দংনুয়া আরো বিসং বিনিন মান্দি হং·নুয়া। বিয়া আন·থাংআন মান্দিমিং দংনুয়া আরো বিসংনিন ইসল হং·নুয়া।

ফারাকগিবা খাৎথা 3:21

“আংআ হাম্মে জেগিত্তা আংনি ফাগিবামুং বিনি সিংহাসনও আসংজক, উয়ানদাক্কে জেআন হামনুয়া বিখো আংআ আংমুং আংনি সিংহাসনও আসংনা বিল হ·ন্নুয়া।