রোমানরাংনা 4:9 - Garo New Testament

⁹ জেরাংনি বিগিলখো রাতজক ইনো বিসংখোসান ফাত্তিয়া মান·গিবা ইন্নে আগানামা? বিগিল রাতগিজা মান্দিরাংখোবা আগানজামা? হো·এ, বিসংখোবা ফাত্তিয়া মান·গিবা ইন্নে আগানা, মুয়ানা আনচিং আগানিংআ, “অব্রাহামনি বিবিরা·আনি গিম্মিন বিখো দোসগ্রি ইন্নে রা·চাকামিং।”

রোমানরাংনা 4:9 Iomraidhean Croise

লূকনি চকগিবা নাম্মা খাৎথা 2:32

গিপ্পিন জাতরাংনা ইয়াদে রামা ফিন্নিকানি সেং·আ হং·আ, আরো নাং·নি ইস্রায়েল জাতরাংনা ইয়াদে রাসংনি হং·আ।”

রোমানরাংনা 4:10

বাসোকো রা·চাকামিং? বিগিল রাতনা স্খাংমা উনি জা·মানো? বিগিল রাতনা স্খাংআন রা·চাকামিং, জা·মানোদে হং·জা।

রোমানরাংনা 4:3

রংথালগিবা শাস্ত্রও চক্কা দংআ, “অব্রাহাম ইসলনি খাৎথাখো বিবিরা·জক আরো উনি গিম্মিন ইসল বিখো দোসগ্রি ইন্নে রা·চাকজক।”

গালাতীয়রাংনা 3:14

ইসল অব্রাহামনা জে ফাত্তিয়াখো র·ন্নামিং উয়া ফাত্তিয়াখো জেদাক্কে যীশু খ্রীষ্টও গিপ্পিন জাতরাংবা মা·ন্না, আরো আনচিং জেদাক্কে বিবিরা·আচা খু·রাচাকগিবা গিসিক রংথালগিবাখো মা·ন্না, উনি গিম্মিনান খ্রীষ্ট উয়া শাপখো আন·থাংনি সাক্কাও রা·আমিং।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

কলসীয়রাংনা 3:11

ইন্দাকা অবস্থাও গিপ্পিন জাত বা যিহূদী জাতরাংও, বিগিল রাতগিবা বা বিগিল রাতগিজাগিবা মান্দিরাংও, পড়িগিজারাংও, চনগিবা জাতরাংও, নকখল বা জাকগিত্তেলগিবা মান্দিনি গিসেপো দিংথাং হং·আনি মামুং দংজা; উয়ো খ্রীষ্টন দাল·গিবা আরো বিয়া সাকফ্র্রাকফ্রাকওন দংআ।