রোমানরাংনা 4:16 - Garo New Testament

¹⁶ উনি গিম্মিন মান্দিনি বিবিরা·আ গিত্তা ইয়া খু·রাচাক্কাখো চু·সকেতা, জেদাক্কে ইয়া ইসলনি খা·সাচাক্কানি হ·ন্না গিত্তা হং·না মা·ন্না। আরো উনি গিম্মিন অব্রাহামনি দেরিচ্ছু-সু·রিচ্ছু গিম্মিকনান ইয়া খু·রাচাক্কা বিবিন চু·সকনুয়া। নিয়ামনি নিং·আও দংগিবা মান্দিরাংনাসান ইয়া খু·রাচাক্কা চু·সকনুয়া ইন্দাকেদে হং·জা, জে মান্দিরাং অব্রাহামনি বিবিরা·আ গিত্তান বিবিরা·আ বিসংনাবা ইয়া খু·রাচাক্কা বিবিন চু·সকনুয়া।

রোমানরাংনা 4:16 Iomraidhean Croise

ইফিষীয়রাংনা 2:8

ইসলনি খা·সাচাক্কাও বিবিরা·আচা না·সং পাপওনি জক্কাখো মান·জক। না·সং আন·থাংচাদে ইয়া হং·জা, উয়া ইসলনিন র·ন্নানি হং·আ।

গালাতীয়রাংনা 3:22

ইন্দিবা রংথালগিবা শাস্ত্র মান্দি গিম্মিকখো পাপনি হা·সেল দোসি ইন্নে থিক দাকজক, জেদাক্কে যীশু খ্রীষ্টখো জেরাং বিবিরা·আ বিসং বিসংনি উয়া বিবিরা·আনি গিম্মিন খু·রাচাকগিবা ফাত্তিয়াখো মা·ন্না।

রোমানরাংনা 9:8

ইনি অর্থ হং·জক, ইস্রায়েল জাতনি গিসেপো আৎচিয়ানা সাবা ইসলনি দে হং·আ ইয়াদে হং·জা, ইন্দিবা ইসলনি খু·রাচাক্কা গিত্তা জেরাং আৎচিজক বিসংখোন অব্রাহামনি দেরিচ্ছুনি ইন্নে চান্নুয়া।

তীতনা 3:7

জেদাক্কে আনচিং ফাংনাজলনি জাংগিনি খা·দংআখো মা·ন্নে ইসলনি গিম্মিকখো মান·রিকগিবা হং·আ। ইন্দাকে হং·না মান·জক, মুয়ানা ইসলনি খা·সাচাক্কাচা আনচিংখো দোসগ্রি দাক্কে রা·চাকজক।

ইফিষীয়রাংনা 2:5

ইনি গিম্মিন বামগিজানা আনচিংনি সিয়ে দংমিত্তিংও খ্রীষ্টমুং আনচিংখো বিয়া থাংচাএতজক। ইসলনি খা·সাচাক্কাচা না·সং পাপওনি জক্কাখো মান·জক।

রোমানরাংনা 15:8

গিসিক রা·রিকবো, ইসলনি খাৎথা বিবিন হং·আ ইখো ফিন্নিকনা খ্রীষ্ট যিহূদীরাংনা দাকচাকে হন·গিবা হং·আমিং। ইরাংখো মিকসংএন ইন্দাকে হং·আমিং, জেদাক্কে ফাগিৎচামরাংচা ইসলনি দাকগিবা খু·রাচাক্কারাং চু·সকা আরো বিনি খা·সাচাক্কানি গিম্মিন গিপ্পিন জাতরাং বিখো রাসং দাক্কা। ইনি গিম্মিন রংথালগিবা শাস্ত্রও চক্কা দংআ, ইনি গিম্মিন গিপ্পিন জাতরাংনি গিসেপো আংআ নাং·নি রাসংখো ফারাকনুয়া আরো নাং·নি বিমুংনা রিং·নুয়া।

রোমানরাংনা 5:1

বিবিরা·আচান আনচিংখো দোসগ্রি ইন্নে রা·চাকজক আরো উনি গিম্মিনান গিত্তেল যীশু খ্রীষ্ট গিত্তা ইসল আরো আনচিংনি গিসেপো থম·থমানি হং·জক।

২ পিতর 1:10

ইনি গিম্মিন জংআদারাং, ইসল বিবিন না·সংখো রিক্কামজক আরো বাচ্ছিয়ে রা·জক উখো হং·বিবিএতনা আরোবা বাং·এ হা·সিকমানচাবো। ইন্দাকে দাক্কোদে না·সং মামুং সালোবা জা·গিদত্তা চা·জানুয়া।

রোমানরাংনা 4:11

বিগিল রাতগিজা বিবিরা·আনি গিম্মিনান ইসল বিখো দোসগ্রি ইন্নে রা·চাকামিং বিনি বিগিল রাত্তা উনিন সাক্ষি আরো উয়া উনি চিন হং·আ। ইন্দাকোদে নিকনা মা·ন্না, বিগিল রাতজাওবা বিবিরা·আনাসান জেরাংখো দোসগ্রি ইন্নে রা·চাকা, অব্রাহাম বিসং গিম্মিকনি ফাগিবা হং·আ।

লূকনি চকগিবা নাম্মা খাৎথা 19:9

উনোন যীশু আগানজক, “ইয়া নক্কো দা·আলো পাপওনি জক্কা সকজক, মুয়ানা ইয়াবা অব্রাহামনি দেফান্থি হং·আ।

রোমানরাংনা 3:22

যীশু খ্রীষ্টখো বিবিরা·গিবারাংনি উয়া বিবিরা·আচান ইসল বিসংখো দোসগ্রি ইন্নে রা·চাকা। যিহূদী আরো যিহূদী হং·গিজা গিম্মিকান আপসান হং·আ,

রোমানরাংনা 3:30

মুয়ানা ইসলদে সাকসাসান। বিয়া যিহূদীরাংখো জেদাক্কে বিবিরা·আচা দোসগ্রি ইন্নে রা·চাকনুয়া উয়ানদাক্কে গিপ্পিন জাতরাংখোবা রা·চাকনুয়া।

গালাতীয়রাংনা 3:14

ইসল অব্রাহামনা জে ফাত্তিয়াখো র·ন্নামিং উয়া ফাত্তিয়াখো জেদাক্কে যীশু খ্রীষ্টও গিপ্পিন জাতরাংবা মা·ন্না, আরো আনচিং জেদাক্কে বিবিরা·আচা খু·রাচাকগিবা গিসিক রংথালগিবাখো মা·ন্না, উনি গিম্মিনান খ্রীষ্ট উয়া শাপখো আন·থাংনি সাক্কাও রা·আমিং।

গালাতীয়রাংনা 3:16

অব্রাহাম আরো বিনি দেরিচ্ছুরাংচা ইসল খু·রাচাক্কামিং। রংথালগিবা শাস্ত্র আগানজা, “দেরিচ্ছুরাংচা,” আগানস্খাওদে বাং·আ দেরিচ্ছুরাংচা, বাত্তেসা আগানা, “নাং·নি দেরিচ্ছুচা,” আগানস্খাওদে গি·সা বিৎচ্রিচা, আরো খ্রীষ্ট হং·জক উয়া বিৎচ্রিওনি।