রোমানরাংনা 3:5 - Garo New Testament

⁵ ইন্দিবা আনচিংনি খ্রাগিজা কামরাংনিখো ইখো আরোসা থাল্লে হা·আইনা মা·ন্না, ইসল ফাংনানান খাকখেৎ কামখো দাক্কা। ইন্দাকোদে আনচিং ইন্দাকে আগান্নুয়ামা, জেনসালো বিয়া আনচিংখো শাস্তি হ·ন্না উনো বিয়া খ্রাগিজাখো দাক্কা? ইয়া খাৎথাখোদে আংআ মান্দি গিত্তাসা আগানিংআ, চং·মতান বিয়া মামুং সালোবা খ্রাগিজাখো দাকজা।

রোমানরাংনা 3:5 Iomraidhean Croise

রোমানরাংনা 12:19

খা·সানি জংআদারাং, না·সং আন·থাংথাং দা·আ নামগিজাখো দাকস্খাবো, বাত্তেসা ইসলখোন শাস্তি হ·ন্নেতনা হন·বো। রংথালগিবা শাস্ত্রও গিত্তেল আগানা, “নামগিজানা শাস্তি হ·ন্নানি বিল আংনিসান দংআ; জে জেখো মা·ন্নুয়া আংআ বিনা উখোন হ·ন্নুয়া।”

রোমানরাংনা 2:5

ইন্দিবা নাং·নি খা·থং রাক্কা; না·আদে পাপওনি গিসিক ফিল·না হাম·জা। উনি গিম্মিন ইসলনি খা·আওনাংআ জেনসালো ফারাকনুয়া উয়া সালনা না·আ নাং·নি মা·ন্নাগিবা শাস্তিখো চিম্মংএ দন্নিংজক। উনি সালোন ইসলনি খাকখেৎ বিচাল ফারাকনুয়া।

রোমানরাংনা 3:19

আনচিং হা·আইয়া মোশিনি নিয়াম বিসংনান জেরাং উয়া নিয়ামনি নিং·আও দংআ। উনি গিম্মিন যিহূদী-যিহূদী হং·গিজা সাকসানিবা মামুংখো আগানানি দংজা, গিম্মিক মান্দিন ইসলচা দোসগ্মাং হং·এ দংআ।

রোমানরাংনা 3:7

সাবা আগান্নাবা দংআ, “আংনি বু·এ আগানানি গান্দা আরোসা ইয়া নাম্মেদাক্কে ফারাকা ইসল বিবিখো আগানগিবা হং·আ। ইনি গিম্মিন ইসল রাসং চা·আখো মা·ন্নোদে পাপী ইন্নে আংখো মুয়ানা দোস হ·ন্নিংআ?”

রোমানরাংনা 4:1

ইন্দাকোদে আনচিংনি ফাগিৎচাম অব্রাহামনি গিম্মিন আনচিং মুয়াখো আগান্নুয়া? ইনি গিম্মিন বিয়া মুয়াখো নিক্কামিং?

রোমানরাংনা 5:8

ইন্দিবা ইসল আনচিংনা খা·সাআ, উখো খ্রীষ্ট আনচিংনি পাপী দংমিত্তিংওন সিচাকে ফিন্নিকজক।

রোমানরাংনা 6:1

ইন্দাকোদে আনচিং ইখো আগান্নুয়ামা, ইসলনি খা·সাচাক্কা বাৎখানা ইন্নে আনচিং পাপ দাকখুনুয়া?

রোমানরাংনা 6:19

মান্দিরাংনি বিলগ্রিনা আংআ খাৎথারাংখো মান্দিরাং জেগিত্তা হা·আইনুয়া উগিত্তা আগানিংজক। স্খাংও না·সং জেদাক্কে বাং·এ খ্রাগিজা কামরাংখো দাকনা ইন্নে আন·থাংথাংনি বে·এনখো রংথালগিজা আরো খ্রাগিজানি নকখল দাক্কামিং, উয়ানদাক্কেন দা·আও রংথালাও দাল·রোরোনা না·সংনি বে·এনখো খ্রাগিবা কামনি নকখল দাক্কে থারিবো।

রোমানরাংনা 7:7

ইন্দিদে নিয়াম নামজা ইন্নে আনচিং আগান্নুয়ামা? হং·জাস্রাং; ইন্দিবা ইয়া খাৎথাদে থিক, নিয়াম দংজাওদে পাপখো আংআ হা·আইজানুয়ামিং। “দা·আ মাদ্দুয়া,” ইয়া খাৎথাখো নিয়াম আগানজাওদে মাদ্দুয়া মুয়া হং·আ উখো আংআ হা·আইজানুয়ামিং।

রোমানরাংনা 8:31

ইন্দাকোদে ইরাংনি গিম্মিন আনচিং মুয়াখো আগান্নুয়া? ইসল আনচিংনা চাক্কোদে আনচিংনা নামগিজাখো দাকনা সাবা দংআ?

রোমানরাংনা 9:30

ইন্দাকোদে আনচিং ইয়া খাৎথাখোন আগান্নুয়া, গিপ্পিন জাতরাং ইসলনি রা·চাকনা খ্রাগিবা হং·না দাক্কেবা নিজা ইন্দাকোবা বিসংনি বিবিরা·আচান বিসং ইসলনি রা·চাকনা খ্রাগিবা হং·জক।

1ম করিন্থীয়রাংনা 15:32

ইফিষও ব্রিংনি মাৎবুরুংরাংমুং আংআ দাকগ্রিকনা নাংআমিং, উখো হা·গিলসাকনাসান মিকসংএ দাক্কোদে আংনি মুয়া নামগ্মি হং·জক? সিগিবারাংখো থাংচাএতজাএন দংওদে আগানরোংআ খাৎথা গিত্তা, “হাই, আনচিং চা·না-রিংনা, মুয়ানা আম্বুননি সালো আনচিং সিনুয়া।” না·সং দা·আ ব্রাংআবো।

1ম করিন্থীয়রাংনা 9:8

আংআ বুদ্ধিচাসান ইয়া খাৎথাখো আগানিংআমা? মোশিনি নিয়ামরাংবা উয়া আপসান খাৎথাখোন আগানজামা?

2য় করিন্থীয়রাংনা 6:4

উনা বাত্তে গিম্মিকোন ইসলনা দাকচাকে হন·গিবা ইন্নে চিংআ আন·থাংথাংখো ফিন্নিকা। গিচ্চিয়ারাংও, হং·সিয়ারাংও আরো দুকরাংও বাং·এ চাকচিকে চিংআ ইখোন ফিন্নিকিংজক।

2য় করিন্থীয়রাংনা 7:11

চানচিয়ে নিবো, জেনসালো ইসল না·সংখো দুক হ·ন্নামিং না·সং উনো জা·মানচাকজা, উনো দোসগ্রি দাক্কে আন·থাংথাংখো ফিন্নিকনা না·সং বাসিক হা·সিকামিং, পাপখো বাসিক মিৎচিয়ামিং, গিসিকো বাসিক খেন্নামিং, বাসিক হা·সিকামিং, বাসিক চানচিয়ামিং আরো পাপনি শাস্তিখো হ·ন্না বাসিক হা·সিকামিং। ইন্দাকে উরাংনা না·সং দোসগ্রি হং·আ ইখো গিম্মিক গিত্তান না·সং ফিন্নিকামিং।

গালাতীয়রাংনা 2:18

জেখো আংআ ফি·এ গালজক উখো আংআ দা·আবা থারিওদে আংআ আন·থাংআন আন·থাংখো দোসি ইন্নে ফিন্নিকা।

গালাতীয়রাংনা 3:15

জংআদারাং, আংআ মিংসা রামরাম খাৎথাচা ইয়া বিদিংখো আগানে র·ন্নিংজক। রাং·সামাই মান্দিও মামুং চুক্তি থিক দাকমানোদে উয়া চুক্তিখো দারাংবা গালনা মান·জা বা উমুং মামুংখো রা·চাপনাবা মান·জা।

ফারাকগিবা খাৎথা 15:3

বিসং ইসলনি নকখল মোশিনি আরো উয়া মেষ বি·সানি ইয়া গীতখো রিং·আমিং: “বিল্লাকস্রাংগিবা গিত্তেল ইসল, বাসিক দাল·লা আরো আইয়াও ইনমানা নাং·নি কাম! ও গিম্মিক জাতনি রাজা, নাং·নি রামা বাসিক খাকখেৎ আরো বিবি হং·আ!

ফারাকগিবা খাৎথা 18:20

উনো উয়া সা·গ্রে আগানজক, “ও সালগি, উয়া সংজিলমানি বন·নানা হান·সেংবো। ইসলনি মান্দিরাং, ওয়াত্তেতারাং আরো আগানসোগিবারাং হান·সেংবো। না·সংনি সাক্কাও বিয়া জেখো দাক্কামিং উনি গিম্মিন ইসল বিনি বিচালখো দাকজক।”