রোমানরাংনা 2:8 - Garo New Testament

⁸ ইন্দিবা জেরাং আন·থাংনি হা·সিকা গিত্তা রি·য়া আরো বিবিখো মানিগিজা খ্রাগিজাখো মানিয়া ইসল বিসংনা বিল্লংএন শাস্তি হ·ন্নুয়া।

রোমানরাংনা 2:8 Iomraidhean Croise

রোমানরাংনা 1:18

মান্দি ইসলনি বিবিখো অন্যায়চা দনদাপে দন্না, আরো উনি গিম্মিন বিখো অলাখিজানা আরো গিম্মিক অন্যায় কামনা সালগিওনি মান্দিনি সাক্কাও ইসলনি খা·আওনাংআ ফারাকা।

রোমানরাংনা 10:16

ইন্দিবা গিম্মিকান উয়া নাম্মা খাৎথাখো খিন্নাচাকজা। আগানসোগিবা যিশাইয় আগানজক, “গিত্তেল, চিংনি হন·গিবা নাম্মা খাৎথাখো সা বিবিরা·জক?”

রোমানরাংনা 15:18

খ্রীষ্ট আংও জেখো দাকজক উনাআগ্রে মামুং খাৎথা আগান্না আংআ খা·সকজানুয়া। বিয়ান আংনি খাৎথা আরো কামচা, আইয়াও ইনমানগিবা কাম আরো চিননি কামচা আরো গিসিক রংথালগিবানি বিলচা গিপ্পিন জাতরাংখো ইসলও বাম্মেতজক। উনি হা·সেল আংআ যিরূশালেমোনি হা·বাচেংএ ইল্লুরিকাওনা দিপ্পাৎ হা·দাম গিম্মিকচা খ্রীষ্টনি গিম্মিন নাম্মা খাৎথাখো চু·গিম্মিক দাক্কে আগানফ্রাকজক।

রোমানরাংনা 6:17

ইন্দিবা ইসলখো মিৎথেলনা, মুয়ানা না·সং পাপনি নকখল হং·আমিং ইন্দাকোবা জেখো না·সংনা স্খিজক খা·থং গিম্মিকচা না·সং উখো মানিজক।

রোমানরাংনা 9:22

উয়ানদাক্কেন ইসল বিনি খা·আওনাংআ আরো বিলখো ফিন্নিকনা হা·ম্মামিং; ইন্দাকোবা জে মান্দিরাংনি সাক্কাও বিনি খা·আওনাংআখো ফারাকনুয়া, বিসংখো বিয়া নাম্মেন চাকচিকজক। ব·ন্নাংআন ইয়া মান্দিরাংনি মিংসা মা·মাং মা·ন্নানি হং·আমিং।

1ম করিন্থীয়রাংনা 11:16

সাবা ইখো রা·এ জিগ্রিকনা হা·ম্মোদে আংআ ইন্দাকে আগান্নুয়া, দিংথাং নিয়াম চিংনিবা দংজা বা ইসলনি মন্ডলীরাংওবা দংজা।

2য় করিন্থীয়রাংনা 12:20

আংআ খেনচাকিংআ, জেনসালো আংআ না·সংচা রি·বানুয়া উনো আংআ না·সংখো জেগিত্তা নিকনা হা·ম্মা উগিত্তা নিকজানাবা দংআ, আরো না·সংবা আংখো জেগিত্তা নিকনা হা·ম্মা উগিত্তা নিকজানুয়া। আংআ খেনচাকিংআ, না·সংনি গিসেপো নিরিয়া-গিসিয়া, মিকনেংআ, খা·আওনাংআখো ফিন্নিকা, মা·আৎগ্রিকা, ইন্না-জিআ, গিপ্পিননি খু·সুকরাংখো রা·এ আগানা, গাং·বিংআ আরো গোলমালরাং দংনুয়া।

গালাতীয়রাংনা 5:20

মিত্তে বিমাংখো অলাখিয়া, যাদু মনতল দাক্কা, বোবিল দাক্কা, নিরিয়া-গিসিয়া, মাদ্দুয়া, খা·আওনাংআ, আন·থাংনাসান দাক্কা, মা·আৎগ্রিকা,

ফিলিপীয়রাংনা 1:17

ইন্দিবা উয়া স্খাংগিবা দলনি মান্দিরাং আন·থাংথাংনি নাম্মানা খ্রীষ্টনি গিম্মিন আগানফ্রাকে দংআ, নামগিবা মিকসংআখো রা·এ উখো দাকজা। বিসং চানচিয়া, ইনি হা·সেল আংনি বন্দি দংআ অবস্থাও বিসং আংখো দুক র·ন্না মা·ন্নুয়া।

ফিলিপীয়রাংনা 2:3

আন·থাংনাসান মান·দাপনা খা·দংএ বা গাং·বিংএ মামুংখো দা·আ দাক্কাবো, বাত্তেসা রিন্নকে গিপ্পিনখো আন·থাংনা বাত্তে দাল·নিকবো।

তীতনা 3:9

জাদা গিত্তা জিগ্রিকা, মা·চং চান্না, নিরিয়া-গিসিয়া আরো নিয়ামরাংখো রা·এ জিগ্রিকাওনি না·আ চে·ল্লাচা দংবো, মুয়ানা ইরাংখো দাক্কে মামুং হং·জানুয়া; ইরাং গিম্মিকান বু·আরি-সু·আরি হং·আ।

ইব্রীয়রাংনা 10:27

বিচালনা নাম্মেন খেন্নে সেংসোআনি দংআ আরো ইসলনি বোবিলরাংখো হা·দুবু দাক্কে গালনা গিত্তা ওয়া·আল দংআ।

ইব্রীয়রাংনা 11:8

ইসল জেনসালো অব্রাহামখো রিক্কামামিং উনো বিবিরা·আনি গিম্মিনান বিয়া ইসলনি খাৎথাখো মানিয়ামিং আরো গামজিন গিত্তা জে হা·দামখো বিনি মা·ন্না খাৎথা দংআমিং উয়া হা·দামচা বিয়া রি·য়াংআমিং। উনোবা বিয়া হা·আইখুজামিং বিয়া বাচ্চা রি·য়াংইংআ ইন্দাকোবা বিয়া রি·য়াংনা হং·খাতামিং।

ইব্রীয়রাংনা 5:9

ইন্দাকে জেনসালো বিয়া চু·সকাখো মান·জক উনো বিনি নিং·আও বামগিবা গিম্মিকনা বিয়া ফাংনাজলনা জক্কানি রামা হং·জক।

যাকোব 3:14

ইন্দিবা মিকনেংআনি গিম্মিন না·সংনি খা·থং খা·ফিলোদে আরো না·সং আন·থাংনাসান চানচিগিবা হং·ওদে আন·থাংনি হা·আইয়ানি গিম্মিন দা·আ রাসং চা·আবো আরো বিবিখো দা·আ বু·এ আগানাবো।

যাকোব 3:16

মুয়ানা জেও মিকনেংআ আরো আন·থাংথাংখো রা·এ চানচিয়ানিসান দংআ, উয়োন গোলমাল আরো গ্রো নাংআনি দিমদাকান দংআ।

পিতর 3:1

উয়ানদাক্কে না·সং জেরাং জিকগিবা হং·আ, না·সং গিম্মিকান সেগিবানি নিং·আও দংআখো মানিয়ে রা·বো, জেদাক্কে বিসংনি গিসেপো সাবা সাবা ইসলনি খাৎথাখো বিবিরা·জাওবা না·সংনি রি·য়া-দোআরাং খ্রীষ্টচানা বিসংখো সাল্লে রা·আ। ইনি হা·সেল না·সংনি মিংসা খাৎথাখোবা আগান্না নাংজানুয়া,

পিতর 4:17

বিচাল হং·আনি সাল সকজক আরো উয়া ইসলনি নকনি মান্দিরাংওনিন হং·বাচেংনুয়া। আরো উয়া বিচালখো আনচিংওনিন দাক্কোদে জেরাং ইসলনি হন·গিবা নাম্মা খাৎথাখো মানিয়ে রা·জাজক বিসংনি অবস্থা মুয়া হং·নুয়া?

ফারাকগিবা খাৎথা 14:10

ইন্দাকোদে বিখো ইসলনি খা·আও নাংআনি চুখো রিংনা নাংনুয়া। ইয়া চুমিং চিখো ব্রিনগিজা ইসলনি খা·আও নাংআনি রিংচাক্রাও রুদাপজক। রংথালগিবা সা·গ্রেরাংনি আরো মেষ বি·সানি মিকখাংও ওয়া·আল আরো গন্ধকচা উয়া মান্দিখো সা·খাম্মেতনুয়া।

ফারাকগিবা খাৎথা 16:19

বিমিং দংগিবা সংজিলমা বাক গিত্থাম হং·আংজক আরো দিংথাং দিংথাং জাতরাংনি সংজিলমা গা·আকাংজক। জা·মানো উয়া বাবিলখো ইসল গিসিক রা·জক, আরো বিয়া বিনি খা·আও নাংআনি চুখো রিংচাক্রাও গাপ্পে বাবিলনা রিংনা হন·জক।