রোমানরাংনা 2:4 - Garo New Testament

⁴ না·আদে ইসলনি বন·চাংগিজা খা·সাচাক্কাখো আরো চাকচিকাখো চন্নিকিংআ। পাপওনি নাং·খো গিসিক ফি·ল্লেতনা মিকসংএ ইসল খা·সাচাক্কা, ইখো না·আ গুয়ালজক।

রোমানরাংনা 2:4 Iomraidhean Croise

রোমানরাংনা 10:12

যিহূদী আরো যিহূদী হং·গিজারাংনি গিসেপো দিংথাংগ্রিকানি দংজা, মুয়ানা গিম্মিকনি গিত্তেল আপসান। জেরাং বিখো রিক্কামা বিসংনা বিয়া বাং·এন ফাত্তিয়াখো হ·ন্না।

রোমানরাংনা 11:22

উনি গিম্মিন ইসল বাসিক খা·সাচাকগিবা আরো রাকগিবা হং·আ উখো রাং·সা চানচিবো। গা·আকগিবারাংনা বিয়া রাক্কা, ইন্দিবা না·আ বিনি খা·সাচাক্কাও দংওদে নাং·না বিয়া খা·সাচাক্কা। হং·জাওদে নাং·খোবা দে·ন্নে গালনুয়া।

রোমানরাংনা 11:33

ইসলনি গাম বাং·বিয়া। বিনি হা·আইয়া আরো বুদ্ধি বাসিক নিং·থুয়া! বিনি বিচাল দাক্কাখো আরো বিনি গিম্মিক কামখো হা·আইনা হামসকজা।

রোমানরাংনা 3:25

ইসল ইন্দাকে ফারাকামিং, জেরাং বিবিরা·আ বিসংনা যীশু খ্রীষ্ট বিনি হান·চিচা, ফি·এ ইন্নোদে বিনি জাংগিথাংখো হন·চাকে বিখো খা·নাম্মেতজক। ইন্দাকেন ইসল ফিন্নিকজক, বিয়া বিনি চাকচিকানি গিম্মিন মান্দিরাংনি স্খাংনি পাপনি শাস্তিখো হন·জাওবা বিয়া দোসগ্রি হং·আ।

রোমানরাংনা 6:1

ইন্দাকোদে আনচিং ইখো আগান্নুয়ামা, ইসলনি খা·সাচাক্কা বাৎখানা ইন্নে আনচিং পাপ দাকখুনুয়া?

রোমানরাংনা 6:15

ইন্দিবা নিয়ামনি নিং·আও দংগিজা খা·সাচাক্কানি নিং·আও দংজক ইন্নে আনচিং পাপ দাকনুয়ামা? হং·জাস্রাং।

2য় করিন্থীয়রাংনা 8:2

বাং·এ দুক চাক্কারাংও বিসংনি নাম্মেন পরীক্ষা হং·আমিং আরো বিসং নাম্মেন দিল্লোবা বিসংনি গিসিকো ইন্দাকফিল্লে হান·সেংআ দংআমিং ইন্নে বিসং জাকস্রামে হ·ন্নামিং।

ইফিষীয়রাংনা 1:18

আংআ আরোবা বি·না জেদাক্কে না·সংনি খা·থংনি মিক্রোন খুলিয়াংআ, জেদাক্কে বিনি রিক্কামানি গিম্মিন না·সংনি খা·থংও জেগিত্তা খা·দংআ উখো না·সং হা·আইনা মা·ন্না; আরো উমুং ইখোবা হা·আইবো, বিচা বিনি মান্দিরাং বাসিক দা·ল্লা গাম গিত্তা হং·আ আরো আনচিং জেরাং বিবিরা·গিবা হং·আ আনচিংনি খা·থংও বিনি বাসিক দা·ল্লা বিল কাম দাক্কিংআ। ইয়া উয়া আপসান বিলআন হং·আ,

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

ইফিষীয়রাংনা 2:4

ইন্দিবা ইসল খা·সাচাক্কাও চু·সকগিবা হং·আ; বিয়া আনচিংখো নাম্মেন খা·সাআ।

ইফিষীয়রাংনা 2:7

বিয়া ইন্দাকা কামরাংখো দাকজক জেদাক্কে বিয়া বিনি বন·চাংগিজা খা·সাচাক্কাখো রি·বাগিবা চাসংরাংনা ফিন্নিকনা মা·ন্না। বিয়া খ্রীষ্ট যীশুও আনচিংনা খা·সাচাক্কে জেখো দাকজক উয়োন বিনি ইয়া খা·সাচাক্কা ফারাকজক।

ইফিষীয়রাংনা 3:16

আংআ বি·না জেদাক্কে ইসলনি বন·চাংগিজা রাসং গিত্তা বিয়া না·সংনা ইন্দাকগিবা বিলখো র·ন্না জেদাক্কে গিসিক রংথালগিবাচা না·সংনি খা·থং বিল্লাকা,

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ফিলিপীয়রাংনা 4:19

আরো উনি গিম্মিন ইসল খুসি হং·আ। আংনি ইসল বিনি রাসংগ্মাং বন·চাংগিজা গামনি খ্রি খ্রীষ্ট যীশুও না·সংনি গিম্মিক নাংআখো চু·সকেতনুয়া।

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

1 তীমথিয় 1:16

আরো উনি গিম্মিনান ইসল আংনা খা·সাচাকজক, জেদাক্কে দাল·গিবা পাপী আংআ, আংওন খ্রীষ্ট যীশু বিনি বন·চাংগিজা চাকচিকাখো ফিন্নিকনা মা·ন্না। বিখো বিবিরা·আনি গিম্মিনো জেরাং ফাংনাজলনি জাংগিখো মা·ন্নুয়া বিসং জেদাক্কে আংখো নিক্কে স্নিংনা মা·ন্না উনি গিম্মিনান বিয়া আংনা ইন্দাকে দাকজক।

1 তীমথিয় 6:17

জেরাং ইয়া হা·গিলসাকো মা·ন্নে চা·আ বিসংনা ইন্দাকে গি·য়েৎবো জেদাক্কে বিসং গাং·বিংগিজা আরো গামরাংনি সাক্কাও ফাংচাকগিজা ইসলনি সাক্কাও ফাংচাকা। বিয়ান গিম্মিকখো জাকস্রামে আনচিংনা হ·ন্না।

পিতর 3:20

স্খাংও নোহনি উয়া জাহাস থারিয়ানি সময়ও ইসল জেনসালো চাকচিকে সেংসোআমিং উনো জেরাং বামগিজা হং·আমিং ইয়া গিসিকরাং বিসংনিন। উয়া জাহাসও গাখাতে মিত্তামরাং, আগানস্খাওদে সাকচেৎ উয়া চিওনি জক্কেতাখো মা·ন্নামিং।

২ পিতর 1:11

ইনি গিম্মিন আনচিংনি গিত্তেল আরো জক্কেৎগিবা যীশু খ্রীষ্টনি সংনকও না·সংখো হা·সিকমানচাএ রা·চাকনুয়া।

২ পিতর 3:15

গিসিকো রা·রিকবো, মান্দিখো পাপওনি জক্কেতাখো মা·ন্না চলখো র·ন্না আনচিংনি গিত্তেল চাকচিকে দংআ। ইয়া আপসান খাৎথাখো আনচিংনি খা·সাগিবা জংআদা পৌলবা ইসলনি রন·গিবা হা·আইয়াচা না·সংনা চকজক।

২ পিতর 3:3

স্খাং ইয়া খাৎথাখো গিসিক রা·বো, নাম্মা বিদিংখো রা·এ জেরাং খা·দিংস্থেকনা নামনিকা বিসং বন·খামওনা রি·বাএ খা·দিংস্থেকনুয়ান। বিসং আন·থাংনি হা·সিকা গিত্তান রি·নুয়া,

২ পিতর 3:9

সাবা সাবা চানচিয়া গিত্তেল বিনি খু·রাচাক্কাখো চু·সকেতনা হারিমিংজক, ইন্দিবা উয়াদে হং·জা। চং·মতদে বিয়া না·সংনা চাকচিকিংজক, মুয়ানা সাবা ব·ন্নাংখানা ইখো বিয়া হাম·জা, বাত্তেসা গিম্মিকান জেদাক্কে পাপওনি গিসিক ফি·ল্লা ইখোন বিয়া হা·ম্মা।

ফারাকগিবা খাৎথা 2:21

থি·ল্লেকাওনি গিসিক ফিল·খানা আংআ বিনা সময় হ·ন্নামিং ইন্দিবা বিয়া গিসিক ফিল·না গং·জাজক।

ফারাকগিবা খাৎথা 3:20

নিবো, আংআ দ·গাচিল কেচ্চিও চাদেংএ দকথিকিংআ। সাবা আংনি খু·রাংখো খিন্নাএ দ·গা এংএ হ·ন্নোদে আংআ নিং·আচা বিচা রি·য়াংনুয়া আরো বিমুং চা·নুয়া-রিংনুয়া, আরো বিয়াবা আংমুং চা·নুয়া-রিংনুয়া।