রোমানরাংনা 2:1 - Garo New Testament

¹ ইনি হা·সেল সাবা গিপ্পিনরাংখো দোস হ·ন্নোদে আংআ বিনা ইন্দাকে আগান্নুয়া, নাং·নি আন·থাংনি ফা·সিকা বাও দংআ? গিপ্পিনরাংখো দোস হন·মিত্তিংও না·আ আন·থাংখোন দোসগ্মাং দাক্কে ফিন্নিকজামা? না·আ গিপ্পিনরাংখো দোস হ·ন্না ইন্দিবা না·আ উয়া আপসান কামখোন দাক্কিংআ।

রোমানরাংনা 2:1 Iomraidhean Croise

লূকনি চকগিবা নাম্মা খাৎথা 12:14

যীশু বিনা আগানজক, “বিচাল দাকনা বা না·সংনা গামরাংখো সুয়ালে হ·ন্না সা আংনা বিল হন·জক?”

লূকনি চকগিবা নাম্মা খাৎথা 19:22

“উনোন রাজা আগানজক, ‘ও দেংগু নকখল! নাং·নি খু·সুকচান আংআ নাং·খো বিচাল দাকনুয়া। না·আদে হা·আইয়ান, আংআ খা·গ্রাক মান্দি; জেখো চিম্মংজা উখো রা·এ দংআ আরো জেখো গি·জা উখো রাত্তা।

লূকনি চকগিবা নাম্মা খাৎথা 6:37

“গিপ্পিনরাংনি গ্রোখো দা·আ রি·ম্মাবো, উনি গিম্মিন না·সংনি গ্রোখোবা রিম·জানুয়া। গিপ্পিনরাংনা শাস্তি হ·ন্না দা·আ চানচিয়াবো, উনি গিম্মিন না·সংনাবা শাস্তি হন·জানুয়া। গিপ্পিনরাংখো ক্ষেমা দাকবো, উনি গিম্মিন না·সংখোবা ক্ষেমা দাকনুয়া।

রোমানরাংনা 14:22

ইনি গিম্মিন না·আ জেখো নাম্মা চানচিয়ে বিবিরা·আ উখো ইসল আরো নাং·ওন রা·রিকবো। নাম্মা চানচিয়ে মামুং দাকমিত্তিংও সানিবা গিসিক বিখো দোস হন·জাওদে বিয়া রাসং মান·গিবা হং·আ।

রোমানরাংনা 2:2

আনচিং হা·আইয়া ইন্দাকে কাম দাকগিবারাংনা ইসল খাকখেৎ বিচালখোন দাক্কা।

রোমানরাংনা 2:3

জে কামনি গিম্মিন না·আ গিপ্পিনরাংখো দোস হ·ন্নিংআ না·আ আন·থাংবা উয়া আপসান কামখো দাকজোকনো ইসলনি শাস্তিওনি জকনা মা·ন্নুয়া ইন্নে চানচিয়ামা?

রোমানরাংনা 3:9

দা·আও আনচিং মুয়াখো আগান্নুয়া? যিহূদী হং·এ আনচিংনি অবস্থা যিহূদী হং·গিজারাংনা বাত্তে নাম্মামা? হং·জাস্রাং। চিংআদে স্খাংআন ইখো আগানজক, যিহূদী-যিহূদী হং·গিজাগিবা গিম্মিকান পাপনি নিং·আও দংআ।

রোমানরাংনা 9:20

উনা আংআ ইন্দাকে আগানচাকনুয়া, না·আদে মান্দি; ইসলনি খু·সুকনি সাক্কাও খু·সুক আগান্না না·আ সা? সাকসা মান্দি মামুংখো থারিওদে উয়া থারিগিবা বস্তু বিখো সিং·না মা·ন্নামা, “মুয়ানা আংখো ইন্দাকে থারিজক?”

1ম করিন্থীয়রাংনা 4:5

উনি গিম্মিন গিত্তেলনি রি·বানা স্খাং, আগানস্খাওদে উয়া থিক দাকগিবা সময়না স্খাং না·সং দা·আ মামুংনি দোসখো রিম·না রি·য়াংআবো। আন্দালাও থুম্মুয়ে দনগিবাখো বিয়ান সেং·আওনা রা·বানুয়া আরো মান্দিনি খা·থংনি থুম্মুয়ে দনগিবা মিকসংআরাংখোবা ফারাকনুয়া। উনিসালো ইসলচাখোন জে জেনি মা·ন্নাগিবা মিৎথেলাখো মা·ন্নুয়া।

1ম করিন্থীয়রাংনা 7:16

ও জিকগিবা, না·আ বাদিকে দাক্কে হা·আইয়া, নাং·নি সেখো না·আ জক্কেৎনা মান·জানুয়া? ও সেগিবা, না·আ বাদিকে দাক্কে হা·আইয়া নাং·নি জিকখো না·আ জক্কেৎনা মান·জানুয়া?

যাকোব 2:20

আইয়াও জাদাস্রাং! কামগ্রি বিবিরা·আনি বিথি দংজা ইখো না·আ নিনা হা·ম্মিংআমা?

যাকোব 4:11

জংআদারাং, না·সং সাকসা সাকগিপ্পিননি নামগিজাখো জাচাএ দা·আ আগানা। সাবা জংআদাথাংনা চাকগিজা বিসংখো জাচাএ আগানোদে বা বিসংনি নামগিজাখো সান্দিওদে বিয়া নিয়ামরাংনা চাকগিজা খাৎথা আগানা আরো নিয়ামরাংনি নামগিজাখো সান্দিয়ে রি·য়া। নিয়ামরাংনি নামগিজাখো সান্দিওদে না·আ উখো মানিজা ইন্দিবা উনি বিচালখোসা দাক্কিংআ।