রোমানরাংনা 12:3 - Garo New Testament

³ আংআ ইসলচাখো জে মংসংগিবা খা·সাচাক্কাখো মান·জক উচা আংআ না·সং গিম্মিকনা আগানিংজক, আন·থাংখো জেচিকিন দাল·নিকনা নাংআ উনা বাত্তে না·সং আন·থাংথাংখো দা·আ দাল·নিকাবো, বাত্তেসা জেচিকিন খ্রাআ উচিকিনান দাল·নিকবো। ইসল জেনা জেচিকিন বিবিরা·আনি বিলখো হ·ন্না উনা বাত্তে বাং·এ সাকসাবা আন·থাংখো চানচিজাখানা।

রোমানরাংনা 12:3 Iomraidhean Croise

লূকনি চকগিবা নাম্মা খাৎথা 18:11

উয়া ফরীশী চাদেংএ আন·থাংনি গিম্মিনো ইন্দাকে বি·জক, ‘ও ইসল, আংআ নাং·খো মিৎথেলা, মুয়ানা আংআ গিপ্পিন মান্দিরাং গিত্তা থকাই চা·গিবা, নামগিজাগিবা আরো থি·ল্লেকগিবা হং·জা, আরোবা, উয়া খাজিনা গিলগিবা গিত্তাবা হং·জা।

যোহননা 3:34

ইসল জেখো ওয়াত্তেতজক বিয়া ইসলনি খাৎথাখোন আগানা, মুয়ানা ইসল বিনা গিসিক রংথালগিবাখো থয়ে হন·জা।

রোমানরাংনা 1:5

বিগিত্তান বিনি বিমুংনান চিংআ খা·সাচাক্কাখো আরো ওয়াত্তেতা হং·আখো মান·জক, জেদাক্কে গিম্মিক জাতনি মান্দিরাং বিবিরা·এ ইসলখো মানিয়া।

রোমানরাংনা 11:20

দে নাম্মান। ইন্দিবা উরাংনি বিবিরা·জানি গিম্মিন উরাংখো দে·ন্নে গাল্লামিং আরো নাং·নি বিবিরা·আনি গিম্মিন না·আ উয়ো দংআ। ইনি হা·সেল দা·আ গাং·বিংআবো বাত্তেসা অলাখিয়ে খেনবো,

রোমানরাংনা 11:25

জংআদারাং, না·সং আন·থাংথাংখো হা·আইগিবা ইন্নে চানচিজাখানা আংআ না·সংনা মিংসা সিউল দনগিবা বিবিখো হা·আইএতি দন্না হা·ম্মিংআ। উয়াদে ইয়ান- গিপ্পিন জাতরাংনি চু·সকগিজানা দিপ্পাৎ ইস্রায়েলনি বাং·আ মান্দিরাংনি খা·থং রাক্কেন দংনুয়া।

রোমানরাংনা 12:16

সাকগিপ্পিননা আপসানখো চানচিগ্রিকবো। দাল·নিকে ফিন্নিকগিজা বাত্তেসা চনগিবারাংমুং নাংরিমে রি·বো। আন·থাংথাংখো দা·আ হা·আইগিবা দাকনিকাবো।

1ম করিন্থীয়রাংনা 15:10

ইন্দিবা আংআ দা·আও ইসলনি খা·সাচাক্কানান ইন্দাকে হং·জক। আংনি সাক্কাও বিনি উয়া খা·সাচাক্কা বিথিগ্রি হং·জা। আংআ সাকগিপ্পিন ওয়াত্তেতারাংনা বাত্তে বাং·এ কাম দাকজক; আংআসান কাম দাক্কা ইন্দাকেদে হং·জা, বাত্তেসা আংনা ইসলনি জে খা·সাচাক্কা দংআ উয়া খা·সাচাক্কান উখো দাকজক।

1ম করিন্থীয়রাংনা 3:10

ইসলচাখো আংআ মংসংগিবা খা·সাচাক্কাখো মা·ন্নে উচান দাল·গিবা মিস্ত্রি গিত্তা আংআ ফাংচাকানিখো রিকজক, আরো সাকগিপ্পিনরাং উনি সাক্কাও দালান রিক্কিংজক। ইন্দিবা সা বাদিকে রিক্কা উনি গিম্মিন বিয়া সিমসাকখানা।

1ম করিন্থীয়রাংনা 7:17

গিত্তেল জেখো জে অবস্থাও দনজক আরো ইসল জেখো জেনি গিম্মিনো রিক্কামজক, উগিত্তান বিয়া রি·খানা। আংআ গিম্মিক মন্ডলীচান ইখো গি·য়েতিংআ। বিগিল রাতগিবা মান্দিখো রিক্কামা হং·জকমা? ইন্দিদে বিয়া বিগিল রাত্তানি চিনখো রিপ্পাকে গালজাখানা।

2য় করিন্থীয়রাংনা 10:13

ইন্দিবা জেচিক রাসং দাকনা নাংআ উনা বাত্তেদে চিংআ রাসং দাকজানুয়া, বাত্তেসা ইসল চিংনি কামনা জেচিক সীমানা থিক দাক্কে হন·জক উনি নিং·আও দংএন রাসং দাকনুয়া; আরো উনি নিং·আও না·সংবা দংআ।

2য় করিন্থীয়রাংনা 12:13

না·সং গিপ্পিন মন্ডলীরাংনা বাত্তে মামুং গিত্তান চনজা; মিংসাওসা না·সং চন্না, আরো উয়া ইয়ান হং·আ, আংআ না·সংনি বোঝা হং·জা। ইনি গিম্মিন আংখো ক্ষেমা দাকবো।

2য় করিন্থীয়রাংনা 12:7

আংনা বাং·আখোন ফারাকজক ইন্নে জেদাক্কে আংআ গাং·বিংগিবা হং·জা, ইখো মিকসংএ আংখো দুক হ·ন্না আংনি বে·এনো বুসু গি·সাখো, আগানস্খাওদে শয়তাননি সা·গ্রেখো হ·ন্নামিং।

গালাতীয়রাংনা 6:3

মামুং হং·গিজান সাবা আন·থাংখো মংসংগিবা ইন্নে চানচিওদে বিয়া আন·থাংখো থকাইয়া।

ইফিষীয়রাংনা 3:2

না·সং ইখো খিন্নাবিবিজকান, ইসল বিনি খা·সাচাক্কানি নিয়ামখো হা·আইএতানি কামখো আংনা ফাকওয়াতজক।

ইফিষীয়রাংনা 3:4

খ্রীষ্টনি গিম্মিনো উয়া নিং·থুয়া মিকসংআখো হা·আইয়ানি বিল আংনি দংআ ইন্নে না·সং উখো পড়িজোকনো হা·আইনা মা·ন্নুয়া।

ইফিষীয়রাংনা 4:16

গিম্মিক বে·এনখো ইন্দাকে খাআ দংআ, জেদাক্কোদে বাক গিম্মিক আন·থাংথাংনি হা·দামও দংএ বে·এনমুং নাংরিমে দংআ। বাক গিম্মিক থিক দাক্কে কাম দাকমিত্তিংও বে·এন গিম্মিকান স্খুনি রি·দিলাও দাল·রোরোআ আরো খা·সাও আন·থাংখো রিক্কা।

ফিলিপীয়রাংনা 2:13

ইসল না·সংনি খা·থংও ইন্দাকে কাম দাক্কিংজক জেনি হা·সেল বিয়া জে কামও খুসি হং·আ উয়া কামখো দাকনা হা·সিকা আরো বিল না·সংনি হং·আ।

কলসীয়রাংনা 1:29

ইখো মিকসংএন ইসলনি জে বিল আংও কাম দাক্কিংআ উয়া বিল গিত্তা আংআ সিমাংথাংমাং গাম্মিংজক।

কলসীয়রাংনা 2:13

না·সংদে পাপনি হা·সেল আরো বিগিল রাতগিজানি হা·সেল সিয়ে দংআমিং, ইন্দিবা ইসল না·সংখো খ্রীষ্টমুং থাংচাএতজক। বিয়া আনচিংনি গিম্মিক পাপখো ক্ষেমা দাকজক,

1 তীমথিয় 1:14

আনচিংনি গিত্তেল আংনা চৎচাংগিজা খা·সাচাকজক আরো খ্রীষ্ট যীশুমুং নাংরিমানি গিম্মিনো জে বিবিরা·আ আরো খা·সা রি·বাআ উখো হন·জক।

1 তীমথিয় 2:15

ইন্দিদে বিয়া বি·সা আৎচিয়েতাচা পাপওনি জক্কাখো মা·ন্নুয়া; মিচিকরাংনি নাম্মা বিচাল-বুদ্ধিখো জাকখালে বিবিরা·আও, খা·সাও আরো রংথালাও রি·না নাংনুয়া।

1 তীমথিয় 2:9

আংআ ইখোবা হা·ম্মা জেদাক্কে মিচিকরাং রিন্নকে রি·য়া আরো বিচাল-বুদ্ধিখো জাকখালে খ্রাগিবা বা·রা-চলাখো গান্না। জেদাক্কে বিসং রকম রকম দাক্কে খিন্নিখো সাক্কে, সোনা আরো মুক্তানি আরো গামচাৎগিবা বা·রারাংচা আন·থাংথাংখো থারিজা।

তীতনা 2:12

ইয়া খা·সাচাক্কান আনচিংখো স্খিয়েতিংজক জেদাক্কে আনচিং ইসলনা বামগিজাখো আরো হা·গিলসাকনি হা·সিকারাংখো জিগালে ইয়া হা·গিলসাকোন আন·থাংথাংখো বাম্মে দন্নে ইসলনা বাম্মামুং খাকখেৎ জাংগিখো মিৎথাংএতা।

তীতনা 2:2

জেরাং বুদেফা, বিসংনা আগানবো জেদাক্কে বিসং গিম্মিকনি বিদিংও আন·থাংথাংখো বাম্মেতে দন্না; জেদাক্কে বিসং মান্দিরা·আখো মা·ন্না খ্রাগিবা হং·আ; জেদাক্কে বিসংনি নাম্মা বিচাল দাক্কানি বুদ্ধি দংআ, বিবিখো বিবিরা·আ, খা·সাআ আরো চাকচিকানি গুণ দংআ।

তীতনা 2:4

ইন্দাকোদে বিসং মি·থ্রা মিচিকরাংনা স্খিনা মা·ন্নুয়া জেদাক্কে বিসং সেগিবানা আরো বি·সারাংনা খা·সাআ,

তীতনা 2:6

উয়ানদাক্কে ফান্থিরাংখো স্খিয়েতবো জেদাক্কে বিসং আন·থাংথাংখো বাম্মেতে দন্না।

যাকোব 4:6

ইন্দিবা ইসলনি খা·সাচাক্কা আরোসা বাত্তা। উনি গিম্মিন শাস্ত্রও চক্কা দংআ, “গাং·বিংগিবারাংখো ইসল চাংফেংআ, ইন্দিবা রিন্নকগিবারাংনা খা·সাচাক্কা।’’

পিতর 1:13

ইনি গিম্মিন না·সংনি গিসিকখো মিকরাকেতবো আরো আন·থাংথাংখো বাম্মেতে দনবো। যীশু খ্রীষ্ট জেনসালো ফারাকনুয়া উনো না·সং জে ফাত্তিয়াখো মা·ন্নুয়া উয়া ফাত্তিয়াখো মা·ন্না চুু·গিম্মিক খা·দংআখো রা·এ সেংসোবো।

পিতর 4:11

সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

পিতর 4:7

দা·আও গিম্মিকনি বন·খামগিবা সাল সেফাংজক। উনি গিম্মিন না·সংনি গিসিকখো খেম·খেম দনবো আরো আন·থাংথাংখো বাম্মেতে দনবো জেদাক্কে বি·না মা·ন্না।

পিতর 5:5

উয়ানদাক্কে ফান্থিরাং, না·সং দাল·গিবারাংনি নিং·আও দংবো। না·সং গিম্মিকান রিন্নকে সাকসা সাকগিপ্পিননা দাকচাকে রন·বো, মুয়ানা রংথালগিবা শাস্ত্রনি খাৎথা গিত্তা, “ইসল গাং·বিংগিবারাংনি সাক্কাও চাদেংআ, ইন্দিবা রিন্নকগিবারাংনা খা·সাচাক্কা।”

পিতর 5:8

আন·থাংথাংখো বাম্মেতে দনবো আরো সিমসাকে দংবো, মুয়ানা না·সংনি বোবিল শয়তান গাম·গিবা সিংহ গিত্তা দাক্কে সাখো চা·এ গালনুয়া উখো সান্দিয়ে রমিংজক।

3 যোহন 1:9

আংআ মন্ডলীচা গি·সা চিঠি চক্কামিং, ইন্দিবা দিয়ত্রিফেস্‌ মন্ডলীও দাল·গিবা হং·না হা·ম্মা ইন্নে চিংনি খাৎথাখো মানিজা।