Biblia Todo Logo
Bìoball air-loidhne

- Sanasan -




রোমানরাংনা 12:2 - Garo New Testament

2 ইয়া নামগিজা হা·গিলসাকনি রি·য়া-দোআরাংও না·সং আন·থাংথাংখো দা·আ রিপ্পেতাবো, বাত্তেসা ইসলচা না·সংনি গিসিকখো গিত্তাল দাক্কে থারিনা হ·ন্নে চু·গিম্মিক দাক্কে গিত্তাল হং·বো, জেদাক্কে না·সং ইসলনি হা·সিকাখো হা·আইনা মা·ন্না। ইসলনি হা·সিকা নাম্মা, চু·সকগিবা আরো উয়া বিনা খুসি হং·বিয়ানি হং·আ।

Faic an caibideil Dèan lethbhreac




রোমানরাংনা 12:2
61 Iomraidhean Croise  

বুসুগ্রিমো গা·আকগিবা বিৎচ্রিচা বিসংখোন আগানজক জেরাং উয়া খাৎথাখো খিন্না, ইন্দিবা নকদাংনা চানচিয়ারাং আরো গামজিননা খা·ফাকারাং উয়া খাৎথাখো দিকফ্রিপে দন্না। উনি গিম্মিন উনো মামুং বিথি নাংজা।


ইন্দিবা নকদাংনা চানচিয়ারাং, গামজিননা খা·ফাকা আরো গিপ্পিন গিপ্পিন বস্তুরাংনা মাদ্দুুয়া ইরাং উয়া খাৎথাখো দিকফ্রিপা,


আংআ না·সংমুং বাং·এ আগানগ্রিকজানাজক, মুয়ানা হা·গিলসাকনি নকগিবা রি·বাংজক। আংনি সাক্কাও বিনি বিল দংজা।


না·সং ইয়া হা·গিলসাকনি হং·ওদে মান্দিরাং বিসংনি আন·থাংনি মান্দি ইন্নে না·সংনা খা·সানুয়ামিং। ইন্দিবা না·সং ইয়া হা·গিলসাকনি হং·জা, বাত্তেসা আংআ হা·গিলসাকনিখো না·সংখো বাচ্ছিয়ে রা·জক ইন্নে হা·গিলসাকনি মান্দিরাং না·সংনা মিৎচিয়া।


নাং·নি আগানগিবাখোন আংআ বিসংনা আগানজক। হা·গিলসাকনি মান্দিরাং বিসংনা মিৎচিজক, মুয়ানা আংআ জেদাক্কে হা·গিলসাকনি হং·জা উয়ানদাক্কে বিসংবা ইয়া হা·গিলসাকনি হং·জা।


হা·গিলসাকনি মান্দিরাং না·সংখো মিৎচিনা মান·জা ইন্দিবা আংখোন মিৎচিয়া, মুয়ানা বিসংনি গিম্মিক কামআন নামজা ইন্নে আংআ বিসংনি গিম্মিন সাক্ষি হ·ন্না।


ইন্দাকোদে জংআদারাং, ইসলনি ইন্দাকে খা·সারাংনান আংআ না·সংচা মংসংবাত্তে মল·মলিংআ, না·সং না·সংনি বে·এনখো থাংগিবা, রংথালগিবা আরো ইসলনি রা·চাকনা খ্রাগিবা বলি গিত্তা ইসলনি জাক্কো হন·বো। উয়ান না·সংনি খ্রাগিবা দাকচাকে হ·ন্না হং·নুয়া।


না·সং বা·রা গিত্তা দাক্কে গিত্তেল যীশু খ্রীষ্টচা আন·থাংথাংখো ফিনদাপবো; পাপ-বেওয়ালনি হা·সিকাখো চু·সকেৎনা দা·আ গিসিক হ·ন্নাবো।


ইন্দাকোবা ইয়া খাৎথাদে থিক হং·আ, নিয়াম রংথালা আরো উনি গি·য়েতাবা রংথালা, খ্রাগিবা আরো নাম্মেতগিবা হং·আ।


আনচিং হা·আইয়া নিয়াম গিসিকনি, ইন্দিবা আংআ পাপ-বেওয়ালনি নিং·আও দংআ ইন্নে পাপনি নকখল হং·জক।


আংনি খা·থং ইসলনি নিয়ামনা হান·সেংআ;


মুয়ানা ইসলনি মিক্রোনও ইয়া হা·গিলসাকনি হা·আইয়াদে জাদানি হং·আ। রংথালগিবা শাস্ত্রও চক্কা দংআ, “ইসল হা·আইগিবারাংখো বিসংনি বু·এ চা·আচা রি·ম্মা।”


বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।


সাবা খ্রীষ্টমুং নাংরিমে দংওদে বিয়া গিত্তাল দাক্কে আৎচিজক। বিনি গিৎচাম গিম্মিক মুচ্চিয়ে গিম্মিক গিত্তাল হং·জক।


আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।


আংআ আরোবা বি·না জেদাক্কে না·সংনি খা·থংনি মিক্রোন খুলিয়াংআ, জেদাক্কে বিনি রিক্কামানি গিম্মিন না·সংনি খা·থংও জেগিত্তা খা·দংআ উখো না·সং হা·আইনা মা·ন্না; আরো উমুং ইখোবা হা·আইবো, বিচা বিনি মান্দিরাং বাসিক দা·ল্লা গাম গিত্তা হং·আ আরো আনচিং জেরাং বিবিরা·গিবা হং·আ আনচিংনি খা·থংও বিনি বাসিক দা·ল্লা বিল কাম দাক্কিংআ। ইয়া উয়া আপসান বিলআন হং·আ,


হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।


উনি গিম্মিন আগান্না, না·সং দা·আ বুদ্ধিগ্রি হং·আবো, বাত্তেসা গিত্তেলনি হা·সিকাখো হা·আইএ রা·বো।


ইনি গিম্মিন না·সংনি খাৎথাখো খিন্নানি জা·মানোনিন চিংআ ফাংনাজ্রিং না·সংনা বি·ইংজক। গিসিকনি হা·আইয়া আরো বুদ্ধিচা জেদাক্কে না·সং ইসলনি হা·সিকাখো চু·গিম্মিক দাক্কে হা·আইনা মা·ন্না চিংআ উখোন ইসলচা হা·ম্মিংআ।


ইপাফ্রাবা না·সংনা সালাম হ·ন্নিংআ। বিয়া না·সংনি আন·থাংনি মান্দিরাংওনি সাকসা আরো বিয়া খ্রীষ্ট যীশুনি নকখল হং·আ। বিয়া সালাজ্রিং বি·আচা না·সংনা দাকগ্রিকিংজক জেদাক্কে না·সং চু·সকগিবা হং·এ আরো গিম্মিকো ইসলনি হা·সিকাখো হা·আইএ রাক্কে চাদেংনা মা·ন্না।


ইসলনি হা·সিকা ইয়ান- না·সং রংথালবো, আগানস্খাওদে গিম্মিক থি·ল্লেকাওনি চে·ল্লে দংবো,


মামুং নাম্মা কামনা বিয়া আনচিংখো জক্কেৎজা, বিনি খা·সাচাক্কানি গিম্মিনান উখো দাকজক। গিসিক রংথালগিবাচা গিত্তাল দাক্কে আৎচিয়েতে আরো গিত্তাল দাক্কে থারিয়ে বিয়া আনচিংনি খা·থংখো সু·গালে চি·রংএতজক, আরো ইন্দাকেন বিয়া আনচিংখো জক্কেৎজক।


রান্দি আরো ফাগ্রি-মা·গ্রিরাংখো দুকনি সালো নিরকখিয়া আরো হা·গিলসাকনি নামগিজারাংনিখো আন·থাংখো গ্রো নাংএতগিজা নাম্মে দাক্কে রাক্ষিয়ান আপফা ইসলনি মিক্রোনও খাকখেৎ হং·গিবা আরো বিবিগিবা থরম হং·আ।


বিবিরা·গিজাগিবা মান্দিরাং! হা·গিলসাকনি রিপ্পেং হং·আদে ইসলনি বোবিল হং·আ, ইখো না·সং হা·আইজামা? উনি গিম্মিন জে মান্দি হা·গিলসাকনি রিপ্পেং হং·না হা·সিকা বিয়াদে আন·থাংখো ইসলনি বোবিল দাক্কে থারিয়ে রা·আ।


ইসলনি নিং·আও বাম্মে দংগিবা বি·সা গিত্তা না·সং না·সংনি স্খাংনি নামগিজা হা·সিকা গিত্তা জাংগিখো দা·আ মিৎথাংআবো; উনোদে না·সং ইসলখো হা·আইজামিং।


না·সং হা·আইয়া, জাংগিনি রামাও রি·না না·সংনি ফাগিৎচামরাংচাখো মান·গিবা নামগিজা বেওয়ালরাংওনি সোনা বা রূপা গিত্তা দাক্কে চা·ম্মে ব·ন্নাংগিবা মামুং জিনিসচা না·সংখো জক্কেৎজাজক;


গিত্তেলনি খা·সাচাক্কাখোদে না·সং মান·জকান।


উনি গিম্মিন ইয়া হা·গিলসাকনি থাংএ দংনাগিবা জাংগিখো বিয়া হা·গিলসাকনি নামগিজা হা·সিকারাংও হান·সেংএ মিৎথাংএতজা, বাত্তেসা ইসলনি হা·সিকাখো মানিয়েন রি·য়া।


বিয়া আন·থাংনি রাসংও আরো গুণচা আনচিংচা গামচাৎবিয়া আরো দাল·বাতাখো খু·রাচাকজক। ইনি মিকসংআ হং·জক, মান্দিনি নামগিজা হা·সিকানি হা·সেল হা·গিলসাকো জে নামজাস্রাং চিম্মংজক উয়োনি না·সং জক্কেতাখো মা·ন্নে জেদাক্কে ইসলনি গিসিক-বেওয়ালখো মান·ফাগিবা হং·আ।


আনচিংনি গিত্তেল আরো জক্কেৎগিবা যীশু খ্রীষ্টখো নাম্মে হা·আইয়ানি গিম্মিন হা·গিলসাকনি নামগিজাওনি খাত্তাংএবা জেনসালো বিসং দা·আবা উয়া আপসান নামগিজাও গা·আকা উয়ো হামজাজক, উনো বিসংনি অবস্থা স্খাংনি অবস্থানা বাত্তেবা নামজাজক।


জংআদারাং, হা·গিলসাকনি মান্দিরাং না·সংনা মিৎচিয়োদে উনা দা·আ আইয়াও ইনমানাবো।


আনচিং হা·আইয়া আনচিং ইসলনি হং·আ, আরো হা·গিলসাক দিমদাক শয়তাননি বিলনি নিং·আও গা·আকে দংআ।


উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।


জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।


Lean sinn:

Sanasan


Sanasan