রোমানরাংনা 10:8 - Garo New Testament

⁸ ইসলনি রা·চাকনা খ্রাগিবা হং·আনি বিদিংও শাস্ত্র আরোবা আগানা, “ইসল জেখো আগানজক উয়া নাং·মুংআন দংআ, আগানস্খাওদে নাং·নি খু·সুকো আরো নাং·নি খা·থংও দংআ।” জে বিবিরা·আনি খাৎথাখো চিংআ আগানফ্রাকিংআ উয়াদে ইসলনি উয়া খাৎথা হং·আ।

রোমানরাংনা 10:8 Iomraidhean Croise

ওয়াত্তেতারাংনা 10:43

গিম্মিক আগানসোগিবারাংআন বিনি গিম্মিন ইন্দাকে সাক্ষি হ·ন্নিংআ, বিখো বিবিরা·গিবারাং গিম্মিকান বিনি গুণনি হা·সেল পাপওনি ক্ষেমাখো মা·ন্না।”

ওয়াত্তেতারাংনা 16:31

বিসং আগানজক, “না·আ আরো নাং·নি নকগিম্মিকান গিত্তেল যীশুখো বিবিরা·বো, ইন্দাকোদে পাপওনি জকনা মা·ন্নুয়া।”

রোমানরাংনা 10:17

ইন্দাকোদে নিকনা মা·ন্না, ইসলনি খাৎথাখো খিন্নাচাক্কানি গিম্মিনান বিবিরা·আ রি·বাআ, আরো খ্রীষ্টনি গিম্মিন আগানফ্রাকাচা উয়া খাৎথাখো খিন্নানা মা·ন্না।

গালাতীয়রাংনা 3:2

আংআ না·সংচাখোসান হা·আইনা হা·ম্মা, না·সং নিয়ামখো মানিয়ে গিসিক রংথালগিবাখো মা·ন্নামিংমা, নাম্মা খাৎথাখো খিন্নাএ বিবিরা·এ মা·ন্নামিং?

গালাতীয়রাংনা 3:5

মুয়ানা ইসল গিসিক রংথালগিবাখো না·সংনা র·ন্না আরো না·সংনি গিসেপো ইন্দাকফিল্লে আইয়াও ইনমানগিবা কামখো দাক্কা উখো চানচিয়ে নিবো। নিয়ামখো না·সং মানিয়া ইন্নেন বিয়া ইরাংখো দাক্কামা, নাম্মা খাৎথাখো খিন্নাএ বিবিরা·জক ইন্নে দাক্কা?

ইফিষীয়রাংনা 5:26

খ্রীষ্টনি মিকসংআ ইয়ান জেদাক্কে বিয়া মন্ডলীখো রংথালেতনা বিনি খাৎথাচা চিও সু·গালে রাসংগ্মাং অবস্থাও আন·থাংনি মিকখাংও রা·বানা মা·ন্না। উয়া সময়ও মন্ডলীও মামুং মারাং নাংআনি চিন বা উয়ানদাকগিবা মামুং দংজানুয়া, বাত্তেসা উয়া রংথালা আরো খাকখেৎ হং·নুয়া।

1 তীমথিয় 4:6

ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

পিতর 1:23

জে বিৎচ্রি নাসিয়া ইন্দাকগিবা বিৎচ্রিওনি না·সং গিত্তাল দাক্কে আৎচিজা, বাত্তেসা জে বিৎচ্রি মামুং সালোবা নাসিজা উয়োনিন না·সং আৎচিয়া। উয়া বিৎচ্রি হং·জক ইসলনি থাংগিবা আরো ফাংনাজলনি খাৎথা।

পিতর 1:25

ইন্দিবা গিত্তেলনি খাৎথা ফাংনাজলনা দংআ। আরো ইয়া খাৎথান উয়া নাম্মা খাৎথা, জেখো না·সংচা আগানফ্রাকা হং·জক।