রোমানরাংনা 10:2 - Garo New Testament

² বিসংনি গিম্মিন আংআ ইন্দাকে সাক্ষি হ·ন্নিংজক, ইসলনা বিসং খা·দংবিয়া, ইন্দিবা বাদিকে দাক্কে ইসলনি রা·চাকাখো মা·ন্নুয়া উখো বিসং হা·আইজা।

রোমানরাংনা 10:2 Iomraidhean Croise

যোহননা 16:2

মান্দিরাং থম·দাকরামওনিখো না·সংখো রং·খাত্তেতনুয়া; আরোবা সাল রি·বাংজক, জেনসালো না·সংখো স·ওতগিবারাং চানচিনুয়া, বিসং ইসলনান দাকচাকে হ·ন্নিংআ।

ওয়াত্তেতারাংনা 21:20

ইয়া খাৎথাখো খিন্নাএ উয়া দাল·গিবারাং ইসলখো রাসং দাকজক আরো পৌলনা আগানজক, “জং, বাসিক হাজাল হাজাল যিহূদীরাং যীশুখো বিবিরা·জক আরো বিসং গিম্মিকান মোশিনি নিয়ামরাংখো মানিনা নাম্মেন হা·সিকা, ইখোদে না·আ নিক্কিংআন।

ওয়াত্তেতারাংনা 21:28

জা·মানো বিসং চ্রিকে ইন্না হা·বাচেংজক, “ইস্রায়েল মান্দিরাং, মিকখাংচা রি·বাবো। হা·দাম গিম্মিকনি মান্দিরাংচা আনচিংনি জাত আরো আনচিংনি নিয়ামরাংখো আরো থরম নকনি সাক্কাও জে মান্দি স্খিয়া, ইয়ান উয়া মান্দি। ইনাআগ্রেবা বিয়া থরম নক্কো গ্রীকরাংখো রিমবাএ ইয়া রংথালগিবা হা·দামখো মারাং নাংএতজক।”

ওয়াত্তেতারাংনা 22:22

মান্দিরাং পৌলনি খাৎথাখো খিন্নাংআমিং, ইন্দিবা বিয়া গিপ্পিন জাতরাংখো আগানোন মান্দিরাং চ্রিকে ইন্না হা·বাচেংজক, “বিখো হা·গিলসাকনিখো হা·রিকেতবো; বিয়া থাংএ দংনা খ্রাজা।”

ওয়াত্তেতারাংনা 22:3

“আংআ সাকসা যিহূদী মান্দি হং·আ। কিলিকিয়ানি তার্ষ সংজিলমাও আংআ আৎচিয়া, ইন্দাকোবা ইয়া সংজিলমাওন আংআ দাল·জক। গমলীয়েলনি জা·চক কেচ্চিও আসংএ আংআ আনচিংনি ফাগিৎচামরাংনি নিয়ামরাংখো চু·গিম্মিক দাক্কে স্খিজক। ইসলনি গিম্মিন দা·আলো না·সং জেদাক্কে বিমচিপিংআ আংআবা উয়ানদাক্কেন হং·আমিং।

রোমানরাংনা 10:1

জংআদারাং, ইস্রায়েলনি মান্দিরাংনা আংনি খা·থংও হা·সিকবিয়া আরো ইসলচা আংনি বি·আনি ইয়ান হং·আ, জেদাক্কে বিসং পাপওনি জকনা মা·ন্না।

রোমানরাংনা 10:3

ইসল বাদিকে দাক্কে মান্দিখো দোসগ্রি ইন্নে রা·চাকা উয়া খাৎথাও গিসিক হন·গিজা বিসং আন·থাংথাংআন বিনি রা·চাকাখো মা·ন্না হা·ম্মিংআমিং। উনি গিম্মিনান ইসল জেদাক্কে মান্দিখো দোসগ্রি ইন্নে রা·চাকা উখো বিসং মানিয়ে রা·জাজক।

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

2য় করিন্থীয়রাংনা 8:3

আংআ বিসংনা চাক্কে ইখো সাক্ষি হ·ন্নিংজক, বিসং হা·সিকেন আন·থাংথাংনি মা·ন্না গিত্তা, আরো উনা বাত্তেবা জাকস্রামে হ·ন্নানিখো হ·ন্নামিং।

গালাতীয়রাংনা 1:14

আংনি আপসান বিলসিনি বাং·আ যিহূদীরাংনা বাত্তেবা আংআ উয়া থরমও বাং·এ বাত্তামিং। ইনা আগ্রে আংনি ফাগিৎচামরাংওনি জে নিয়াম রি·বাজক উনি গিম্মিনোবা আংআ নাম্মেন গিসিক নাংবাতামিং।

গালাতীয়রাংনা 4:15

ইন্দিবা দা·আও আন·থাংথাংখো রাসং দাক্কে চানচিয়া বাচ্চা রি·য়াংজক? মা·ন্নোদে না·সং না·সংনি মিক্রোনখো ওত্তে আংনা র·ন্নুয়ামিং ইন্নে আংআ না·সংনি গিম্মিন ইন্দাকে সাক্ষি র·ন্না মা·ন্না।

ফিলিপীয়রাংনা 1:9

আংআ বি·না জেদাক্কে না·সংনি খা·সাআ হা·আইয়ামুং আরো বিচাল-বুদ্ধিমুং আপসান হং·এ বাড়িরিকরিকা।

ফিলিপীয়রাংনা 3:6

থরমনি বিদিংও আংআ ইন্দাকে বিমচিপামিং, খ্রীষ্টনি মন্ডলীখো আংআ গিচ্চিয়েতনুয়ামিং; আরো ইসলনি রা·চাকনা খ্রাগিবা হং·না খা·দংএ মোশিনি নিয়াম মানিয়াও দারাংবা আংখো জিনা মান·জানুয়ামিং।

কলসীয়রাংনা 4:13

ইপাফ্রানি গিম্মিন আংআ ইয়া খাৎথাখো আগান্না মা·ন্না, না·সংনি গিম্মিন আরো লায়দিকেয়া আরো হিয়রাপলি সংজিলমাও জেরাং দংআ বিসংনা বিয়া নাম্মেন গাম্মিংজক।