রোমানরাংনা 1:1 - Garo New Testament

¹ আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

রোমানরাংনা 1:1 Iomraidhean Croise

মার্ক 1:14

যোহনখো জেলো দন্নানি জা·মানো যীশু গালীল হা·দকচা রি·য়াংজক। উয়োনা বিয়া ইসলনি হন·গিবা নাম্মা খাৎথাখো ইন্দাকে আগানফ্রাকনা হা·বাচেংজক,

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

যোহননা 15:15

আংআ না·সংখো নকখল ইনজানাজক, মুয়ানা নকগিবানি দাক্কাখো নকখল হা·আইজা; ইন্দিবা আংআ না·সংখো রিপ্পেংরাং ইনজক, মুয়ানা আংআ আপফাচাখো খিন্নাগিবারাংখো না·সংনা হা·আইএতজক।

যোহননা 15:20

নকখল বিনি নকগিবানা বাত্তে দাল·বাৎজা, ইন্নে আংনি ইয়া গি·য়েতাখো না·সং দা·আ গুয়ালাবো। উনি গিম্মিন মান্দিরাং আংখো স·ওতে গালনা হা·ম্মোদে না·সংখোবা উগিত্তান দাকনুয়া; বিসং আংনি খাৎথাখো খিন্নাওদে না·সংনি খাৎথাখোবা খিন্নানুয়া।

ওয়াত্তেতারাংনা 13:9

উনোন গিসিক রংথালগিবাও গাপ্পে শৌল, জেখো পৌল ইন্নেবা রিক্কামনুয়ামিং, ইলুমাচানা নিএ আগানজক,

ওয়াত্তেতারাংনা 20:24

ইন্দিবা আংচা আংনি জাংগিনি মামুং দাম দংজা। আংনি গি·সামাংমাং হা·সিকা ইয়ান, জেদাক্কে আংআ বন·খামওনা দিপ্পাৎ খাতনা মা·ন্না, ফি·এ ইন্নোদে গিত্তেল যীশু জে কামখো আংনা হন·জক উখো ব·ন্নেতনা মা·ন্না। উয়া কাম হং·জক ইসলনি খা·সাচাক্কানি নাম্মা খাৎথানি গিম্মিনো সাক্ষি হ·ন্না।

ওয়াত্তেতারাংনা 21:40

সুবিদারনি আগান্না হ·ন্নানি জা·মানো পৌল জাং·খি সাক্কাও চাদেংজক আরো জাকখো দি·এ মান্দিরাংখো স্রক দংখানা আগানজক। মান্দিরাং স্রক দংআনি জা·মানো পৌল ইব্রীয় খু·সুকচা বিসংখো ইনজক,

ওয়াত্তেতারাংনা 22:21

“উনোন গিত্তেল আংনা আগানজক, ‘না·আ রি·য়াংবো, আংআ নাং·খো চে·ল্লাচানা গিপ্পিন জাতরাংচা ওয়াত্তেতনুয়া।’ ”

ওয়াত্তেতারাংনা 22:7

আংআ হা·আও গা·আকজক আরো সানিবা আংনা ইন্দাকে আগানাখো খিন্নাজক, ‘শৌল, শৌল, মুয়ানা না·আ আংখো গিচ্চিয়েতিংজক?’

ওয়াত্তেতারাংনা 26:1

উনোন আগ্রিপ্প পৌলখো ইনজক, “নাং·খো আন·থাংনি গিম্মিন খাৎথা আগান্না হন·জক।” উনোন পৌল জাকখো সিল্লে আন·থাংনি গিম্মিন ইন্দাকে আগানজক,

ওয়াত্তেতারাংনা 26:14

চিংআ গিম্মিকান হা·আও গা·আকজক আরো ইব্রীয় খু·সুকচা আংনা ইন্দাকে সানিবা আগানাখো খিন্নাজক, ‘শৌল, শৌল, মুয়ানা না·আ আংখো গিচ্চিয়েতিংজক? বুসুচা থারিগিবা গল·স্রিখো গা·ফ্রতে না·আ আন·থাংনি নামগিজাখোন দাকজাংআমা?’

ওয়াত্তেতারাংনা 27:23

আংআ জেনি মান্দি হং·আ আরো আংআ জেনা দাকচাকে হ·ন্না উয়া ইসলনি সা·গ্রে সাকসা মিজাও ওয়াল্লো আংনি সেফাংও চাদেংএ আগানজক,

ওয়াত্তেতারাংনা 9:15

ইন্দিবা গিত্তেল অননিয়না আগানজক, “না·আ রি·য়াংবো, মুয়ানা গিপ্পিন জাতরাংচা আরো বিসংনি রাজারাংচা আরো ইস্রায়েলনি মান্দিরাংচা আংনি গিম্মিন আগানফ্রাকনা আংআ ইয়া মান্দিখোন বাচ্ছিয়ে রা·জক।

রোমানরাংনা 1:16

যীশু খ্রীষ্টনি গিম্মিন ইয়া নাম্মা খাৎথানা আংনি মামুং খ্রাচা·আনি দংজা, মুয়ানা ইয়া নাম্মা খাৎথান হং·জক ইসলনি বিল জেচা বিয়া গিম্মিক বিবিরা·গিবারাংখো পাপনিখো জক্কেতিংআ-স্খাং যিহূদীরাংখো, জা·মানো গিপ্পিন জাতরাংখো।

রোমানরাংনা 1:5

বিগিত্তান বিনি বিমুংনান চিংআ খা·সাচাক্কাখো আরো ওয়াত্তেতা হং·আখো মান·জক, জেদাক্কে গিম্মিক জাতনি মান্দিরাং বিবিরা·এ ইসলখো মানিয়া।

রোমানরাংনা 1:9

ইসলনি দেফান্থিনি গিম্মিন নাম্মা খাৎথাখো আগানফ্রাকে আংনি গিম্মিক খা·থংচা আংআ ইসলনা দাকচাকে হ·ন্নিংজক। আংনি বি·আ রিক্ষিতান আংআ ফাংনান না·সংখো গিসিক রা·আ আরো বিয়ান উনি সাক্ষি হং·আ।

রোমানরাংনা 11:13

গিপ্পিন জাতরাং, আংআ না·সংনা আগানিংজক, গিপ্পিন জাতরাংনা ওয়াত্তেতা হং·এ আংআ আন·থাংনি কামনা নাম্মেন রাসং দাকনিকিংজক।

রোমানরাংনা 15:29

আংআ হা·আইয়া জে সময়ও আংআ না·সংচা রি·য়াংনুয়া উনো খ্রীষ্টনি ফাত্তিয়াখো চু·গিম্মিক দাক্কে রা·এন রি·য়াংনুয়া।

রোমানরাংনা 16:18

মুয়ানা ইয়া মান্দিরাং আনচিংনি গিত্তেল খ্রীষ্টনা দাকচাকে হন·গিজা বাত্তেসা আন·থাংথাংনি বিকমানাসা দাকচাকে হ·ন্নিংআ। চি·আ আরো রাসং দাকব্রুআনি খাৎথাখো আগানে বিসং সনথলগিবা মান্দিরাংখো থকাইংজক।

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

1ম করিন্থীয়রাংনা 1:1

ইসলনি হা·সিকাচা বিনিন রিক্কামানা আংআ পৌল খ্রীষ্ট যীশুনি সাকসা ওয়াত্তেতা হং·জক। আংআ আরো জং সোস্থিনি করিন্থ সংজিলমানি ইসলনি মন্ডলীনি মান্দিরাংচা, আগানস্খাওদে না·সংচা চক্কিংজক। খ্রীষ্ট যীশুমুং নাংরিমাচা ইসল বিনা আন·থাংনা মিকসংএ না·সংখো দিংথাং দাক্কে দনজক আরো বিনি আন·থাংনি মান্দি হং·না রিক্কামজক। না·সংচা আরো গিপ্পিন হা·দামরাংচা জেরাং আনচিংনি গিত্তেল যীশু খ্রীষ্টখো গিত্তেল ইন্নে খু·রাচাক্কা বিসংনা চিংআ ইয়া চিঠিখো চক্কিংআ। বিয়া বিসংনিবা গিত্তেল, আনচিংনিবা গিত্তেল।

1ম করিন্থীয়রাংনা 9:1

আংআ জাকগিত্তেল হং·জামা? আংআ ওয়াত্তেতা হং·জামা? আনচিংনি গিত্তেল যীশুখো আংআ নিকখুজামা? গিত্তেলনা আংআ জে কামখো দাকজক না·সং উনিন বিথি হং·জামা?

2য় করিন্থীয়রাংনা 1:1

আংআ পৌল ইসলনি হা·সিকাচা খ্রীষ্ট যীশুনি সাকসা ওয়াত্তেতা হং·জক। আংআ আরো আনচিংনি বিবিরা·গিবা জং তীমথিয় করিন্থ সংজিলমানি ইসলনি মন্ডলী আরো আখায়া হা·দকনি ইসলনি গিম্মিক মান্দিরাংনা ইয়া চিঠিখো চক্কিংজক।

2য় করিন্থীয়রাংনা 11:5

ইন্দিবা আংআ উয়ানদাকগিবা “মংসংগিবা” ওয়াত্তেতারাংনা বাত্তে জা·মান চাক্কা ইন্নে আংআদে চানচিমানজা।

2য় করিন্থীয়রাংনা 11:7

ইসলনি হন·গিবা নাম্মা খাৎথাখো আংআ না·সংচা আগানফ্রাকে আন·থাংখো চন্নেতজক জেদাক্কে না·সংখো দাল·নিকে ফিন্নিকনা মা·ন্না। ইনি হা·সেল আংআ পাপ দাকজকমা?

2য় করিন্থীয়রাংনা 12:11

আংআদে জাদান হং·জক, ইন্দিবা না·সংআন আংখো ইন্দাকে হং·এতা, মুয়ানা না·সংআন আংখো রাসং দাকনা নাংআমিং। আংআ মামুং হং·জাওবা না·সংনি উয়া “মংসংবাৎগিবা” ওয়াত্তেতারাংনা বাত্তে মামুং দাক্কেবা চনজা।

2য় করিন্থীয়রাংনা 2:12

আংআ ত্রোয়া সংজিলমাও খ্রীষ্টনি গিম্মিন নাম্মা খাৎথাখো আগানফ্রাকনা রি·য়াংএ নিকজক, উয়ো কাম দাকনা ইন্নে গিত্তেল আংনা গি·সা চল দাক্কে হন·জক।

2য় করিন্থীয়রাংনা 4:5

চিংআদে আন·থাংথাংনি গিম্মিন আগানফ্রাকজা, বাত্তেসা ইন্দাকে আগানফ্রাকা, যীশু খ্রীষ্টন গিত্তেল আরো যীশুনি গিম্মিনান চিংআ না·সংনি নকখল হং·জক।

গালাতীয়রাংনা 1:1

আংআ পৌল খ্রীষ্টনি সাকসা ওয়াত্তেতা হং·আ। ইয়া ওয়াত্তেতা দাক্কে সংআখো আংআ মান্দিচাখো বা মান্দিনি গিসেপো মান·জা, বাত্তেসা যীশু খ্রীষ্ট আরো ফাগিবা ইসল, জেআন খ্রীষ্টখো সিয়াওনি থাংচাএতামিং, বিসংচাখোন আংআ উখো মান·জক।

ইফিষীয়রাংনা 1:1

আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·আ। ইফিষ সংজিলমাও জেরাং ইসলনি মান্দি হং·আ আরো খ্রীষ্ট যীশুখো বিবিরা·আ বিসংনা আংআ ইয়া চিঠিখো চক্কিংআ।

ইফিষীয়রাংনা 1:13

আরো না·সংবা বিবিনি খাৎথাখো, আগানস্খাওদে পাপওনি জক্কাখো মা·ন্নানি নাম্মা খাৎথাখো খিন্নাএ খ্রীষ্টখো বিবিরা·জক। খ্রীষ্টমুং নাংরিমজক ইন্নে ইসল বিনি খু·রাচাকগিবা গিসিক রংথালগিবাচা না·সংখো সীল সু·এ দনজক।

ইফিষীয়রাংনা 4:11

বিয়ান মিত্তাম মান্দিখো ওয়াত্তেতা, মিত্তামখো আগানসোগিবা, মিত্তাম মান্দিখো নাম্মা খাৎথাখো আগানফ্রাকগিবা আরো মিত্তামখো ফামং আরো স্খিএতগিবা দাক্কে বাচ্ছিয়ে রা·জক।

ফিলিপীয়রাংনা 1:1

তীমথিয় আরো আংআ পৌল- চিংআ খ্রীষ্ট যীশুনি নকখল হং·আ। খ্রীষ্ট যীশুমুং নাংরিমগিবা ইসলনি জে মান্দিরাং ফিলিপী সংজিলমাচা দংআ চিংআ বিসংচা আরো বিসংখো নিরক্ষিগিবারাংচা আরো বিসংনা দাকচাকে রন·গিবারাংচা চক্কিংজক।

ফিলিপীয়রাংনা 2:11

আরো ফাগিবা ইসলনি রাসংনা যীশু খ্রীষ্টআন গিত্তেল ইন্নে খু·রাচাক্কা।

কলসীয়রাংনা 1:1

আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·জক। কলসী সংজিলমাও ইসলনি মান্দিরাংনা আরো খ্রীষ্টমুং নাংরিমা বিবিরা·গিবা জংআদারাংনা, বিসংনা আংআ আরো জং তীমথিয় ইয়া চিঠিখো চক্কিংআ। আনচিংনি ফাগিবা ইসল না·সংনা খা·সাচাকখানা আরো থম·থমাখো হন·খানা।

কলসীয়রাংনা 1:25

ইসল বিনি খাৎথাখো না·সংচা চু·গিম্মিক দাক্কে আগানফ্রাকানি কামখো আংনা হন·জক ইন্নেন আংআ মন্ডলীনা দাকচাকে হন·গিবা সাকসা হং·জক।

1 থিষলনীকী 2:2

না·সং ইখোবা হা·আইয়া, ইনা স্খাং চিংআ ফিলিপী সংজিলমাচা গিচ্চিয়াখো মা·ন্নামিং আরো মান্দিরা·গিজাখোবা মা·ন্নামিং। ইন্দিবা ইন্দাকে চাংফেংআরাং দংওবা আনচিংনি ইসলচানি খেনমানগিজাখো মা·ন্নে বিনি নাম্মা খাৎথাখো চিংআ ফারাকেন না·সংনা আগানামিং।

1 থিষলনীকী 2:8

না·সংখো নাম্মেন খা·সাবিয়ানা না·সংনা ইসলনি নাম্মা খাৎথাখো হ·ন্নাসান হং·জা, না·সংনা আন·থাংথাংনি জাংগিখো হন·চাকনাবা চিংআ হা·ম্মামিং, মুয়ানা চিংচা না·সং খা·সাগিবা হং·আ।

1 থিষলনীকী 2:9

জংআদারাং, চিংনি গাম্মাখো আরো নেং·আনি খাৎথাখো না·সংনি গিসিক দংবিবিআনখোন। না·সংচা ইসলনি নাম্মা খাৎথাখো আগানফ্রাকও চিংআ ওয়ালসাল গামজক, জেদাক্কে চিংআ না·সং দারাংনি সাক্কাও বোজা হং·না নাংজা।

1 তীমথিয় 1:1

আনচিংনি জক্কেৎগিবা ইসল আরো খ্রীষ্ট যীশুনি গি·য়েতাও আংআ পৌল যীশু খ্রীষ্টনি সাকসা ওয়াত্তেতা হং·জক। খ্রীষ্ট যীশুনি সাক্কাওন চিংনি গিম্মিক খা·দংআ।

1 তীমথিয় 2:7

আরো ইয়া সাক্ষিখো হ·ন্না ইন্নে ইসল আংখো আগানফ্রাকগিবা, ওয়াত্তেতা আরো গিপ্পিন জাতরাংচা বিবিরা·আনি আরো বিবিনি স্খিগিবা গিত্তা বাচ্ছিয়ে রা·জক। আংআ বিবিখো আগানিংআ, বু·আখোদে আগানজা।

2 তীমথিয় 1:11

আরো ইয়া নাম্মা খাৎথাখো হা·আইএতনান আংখো আগানফ্রাকগিবা, ওয়াত্তেতা আরো স্খিগিবা দাক্কে বাচ্ছিয়ে রা·জক।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

ইব্রীয়রাংনা 5:4

খামাল দাল·বাৎগিবা হং·আনি মান্দিরা·আখো দারাংবা আন·থাং রা·না মান·জা, ইন্দিবা ইসল জেখো রিক্কামা বিয়ান উয়া মান্দিরা·আখো মা·ন্না, জেদাক্কে খামাল দাল·বাৎগিবা হং·না ইন্নে ইসল হারোণখো রিক্কামামিং।

ইব্রীয়রাংনা 7:26

ইন্দাকা সাকসা রংথালগিবা, দোসগ্রি আরো খাকখেৎ দাল·বাৎগিবা খামালান আনচিংনা নাংআমিং। বিয়া পাপী মান্দিনা বাত্তে দিংথাং হং·আ আরো ইসল বিখো সিলগানা বাত্তেবা চু·য়াকাও দি·দোজক।

যাকোব 1:1

আংআ ইসল আরো গিত্তেল যীশু খ্রীষ্টনি নকখল যাকোব, হা·গিলসাকনি দিমদাক হা·দকো বিলদিং বিলদাং দাক্কে দংগিবা যিহূদী জাতনি মা·চং চি·গ্মি মান্দিরাংনা সালাম র·ন্নিংআ।

পিতর 4:17

বিচাল হং·আনি সাল সকজক আরো উয়া ইসলনি নকনি মান্দিরাংওনিন হং·বাচেংনুয়া। আরো উয়া বিচালখো আনচিংওনিন দাক্কোদে জেরাং ইসলনি হন·গিবা নাম্মা খাৎথাখো মানিয়ে রা·জাজক বিসংনি অবস্থা মুয়া হং·নুয়া?

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

যিহূদা 1:1

আংআ যীশু খ্রীষ্টনি নকখল আরো যাকোবনি জংআদা যিহূদা। আপফা ইসল জেরাংখো রিক্কামজক আরো খা·সাজক আরো যীশু খ্রীষ্ট জেরাংখো রাক্ষিজক বিসংচা আংআ ইয়া চিঠিখো চক্কিংজক।

ফারাকগিবা খাৎথা 1:1

ইয়া খি·তাপও জেরাংখো চক্কা হং·জক উরাংখো যীশু খ্রীষ্টআন ফারাকজক। ইয়া বিদিংরাংখো ইসল খ্রীষ্টচা ফারাকামিং, জেদাক্কে বাং·গিজা সালরাংনি গিসেপোন জেরাং হং·না রি·য়াংইংজক উখো বিয়া বিনি নকখলরাংনা আগানা। খ্রীষ্ট বিনি সা·গ্রেখো ওয়াত্তেতি বিনি নকখল যোহননা ইয়া বিদিংরাংখো আগানামিং।

ফারাকগিবা খাৎথা 22:6

জা·মানো উয়া সা·গ্রে আংনা আগানজক, “ইয়া খাৎথারাং বিবিরা·না খ্রাগিবা আরো বিবি হং·আ। গিত্তেল ইসল, জেআন আগানসোগিবারাংনি গিসেপো খাৎথা আগানামিং বিয়া বিনি সা·গ্রেখো ওয়াত্তেতজক, জেদাক্কে মিত্তাম সালনি গিসেপো জেরাং হং·না রি·য়াংইংজক উখো উয়া সা·গ্রে বিনি নকখলরাংনা ফিন্নিকনা মান·না।”

ফারাকগিবা খাৎথা 22:9

ইন্দিবা বিয়া আংনা আগানজক, “দনবো, আংআ নাং·নি আরো নাং·নি বিবিরা·গিবা জংআদারাংনি, আগানস্খাওদে আগানসোগিবারাংনি আরো জেরাং ইয়া খি·তাপনি গিম্মিক খাৎথাখো মানিয়া বিসংমিং নকখল হং·ফা। ইসলখোন অলাখিবো।”