ফারাকগিবা খাৎথা 9:4 - Garo New Testament

⁴ বিসংনা ইন্দাকে আগানা হং·জক জেদাক্কে বিসং হা·গিলসাকনি মামুং জেং বা সবুজ রংনি মামুংখো বা বলবিফাংখো নাসিয়েতজা; জে মান্দিরাংনি কপালও ইসলনি সীলমোহর সু·আ দংজা বিসংখোসান নাসিয়েতা।

ফারাকগিবা খাৎথা 9:4 Iomraidhean Croise

মথিনি চকগিবা নাম্মা খাৎথা 24:24

মুয়ানা উনসালো বাং·এন বু·এ চা·গিবা খ্রীষ্ট আরো বু·এ চা·গিবা আগানসোগিবা রি·বানুয়া আরো দা·ল্লা আইয়াও ইনমানগিবা চিননি কামরাংখো দাকনুয়া জেদাক্কে মা·ন্নোদে ইসলনি বাচ্ছিয়ে দনগিবা মান্দিরাংখোবা বিসং ব্রাংএতনা মা·ন্না।

ইফিষীয়রাংনা 4:30

না·সং ইসলনি গিসিক রংথালগিবাখো দা·আ দুক র·ন্নাবো, জেচা ইসল জক্কানি সালোনা দিপ্পাৎ না·সংখো সিল সু·এ দনজক।

ফারাকগিবা খাৎথা 14:1

জা·মানো আংআ নিয়েতজক, উয়া মেষ বি·সা সিয়োন হা·ব্রিনি সাক্কাও চাদেংএ দংআ। বিমিং হাজাল রিৎচাসা সৎব্রিব্রি মান্দি দংআ। বিসংনি কপালও মেষ বি·সা আরো বিনি ফাগিবানি বিমুং লিক্ষিয়া দংআ।

ফারাকগিবা খাৎথা 6:6

আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো আগানাখো খিন্নাজক, “সাকসা কাম রি·ম্মে চা·গিবানি সালসানি কামনা সেরসা গম বা সের গিত্থাম যবখো মা·ন্না। তেল আরো আংগুর বিৎচিখো না·আ দা·আ নাসিয়েতাবো।”

ফারাকগিবা খাৎথা 7:1

উনি জা·মানো আংআ সাকব্রি সা·গ্রেখো হা·গিলসাকনি সামব্রি খি·থিকওনা চাদেংএ দংআখো নিকজক। বিসং হা·গিলসাকনি খি·থিকব্রিনি বালওয়াখো ফেং·এ রা·রিকিংআমিং, জেদাক্কে হা·গিলসাক, সাগাল বা বলবিফাংও বালওয়া বালজা।

ফারাকগিবা খাৎথা 8:7

স্খাংগিবা সা·গ্রে বিনি সিংগাখো সিক্কেতানি জা·মানো হান·চিগ্মাং স্থিল আরো ওয়া·আল হা·গিলসাকওনা গাল্লেতা হং·জক। উনি গিম্মিন বাক গিত্থামনি বাকসা হা·গিলসাক, বাক গিত্থামনি বাকসা বলবিফাং আরো দিমদাক জেংরাং খামজক।