ফারাকগিবা খাৎথা 9:20 - Garo New Testament

²⁰ ইন্দিবা ইন্দাকা শাস্তিরাংনি জা·মানোবা জে মান্দিরাং থাংএ দংজক বিসং আন·থাংথাংনি জাকচা থারিগিবা মিত্তে বিমাংওনি গিসিক ফিল·জাজক। বিসং গিসিক নামগিজাগিবারাংখো আরো জেরাং নিকনা, খিন্নানা বা রামা রি·না মান·জা ইন্দাকগিবা সোনা, রূপা, পিতল, রং·থি আরো বলচা থারিগিবা মিত্তে বিমাংখো হামুয়ারিন দংজক।

ফারাকগিবা খাৎথা 9:20 Iomraidhean Croise

মথিনি চকগিবা নাম্মা খাৎথা 21:32

মুয়ানা যোহন ইসলনি নামনিকা গিত্তা রি·য়ানি রামাখো ফিন্নিকনা না·সংচা রি·বামিং, আরো না·সং বিখো বিবিরা·জাজক। ইন্দিবা খাজিনা গিলগিবা আরো দারিরাং বিখো বিবিরা·আমিং। ইখো নিক্কেবা না·সং গিসিক ফি·ল্লে বিখো বিবিরা·জাজক।

ওয়াত্তেতারাংনা 17:29

“ইন্দাকোদে আনচিং ইসলনি দেদ্রাং হং·ওদে ইসলখো মান্দিনি জাকচা আরো চানচিয়াচা থারিগিবা সোনা, রূপা বা রং·থিনি মিত্তে বিমাং দাক্কাখো চানচিয়া আনচিংনা খ্রাজা।

ওয়াত্তেতারাংনা 19:26

ইন্দিবা না·সং নিকনা আরো খিন্নানা মা·ন্নিংআ, পৌল মিংগিবা উয়া মান্দি আনচিংনি ইয়া ইফিষও আরো আগান্না রি·য়াংওদে গিম্মিক এশিয়া হা·দকনি বাং·বিয়া মান্দিরাংখো বিবিরা·এতি বিসংখো ব্রাংগিবা রামাচা রা·আংজক। বিয়া আগানিংআ, জাকচা থারিগিবা মিত্তে বিমাংরাং মামুংআন হং·জা।

ওয়াত্তেতারাংনা 7:41

ইয়া সময়ওন বিসং মা·সু বি·সা গিত্তা বিমাং গি·সা থারিয়ামিং। বিসং উয়া বিমাংনা বলি হ·ন্নামিং আরো আন·থাংথাংনি জাক্কো জেখো থারিয়ামিং উখো রা·এ বিসং খুসি হং·বিয়ামিং।

2য় করিন্থীয়রাংনা 12:21

আংআ খেনচাকিংআ, জেনসালো আংআ না·সংচা রি·য়াংনুয়া উনো আংনি ইসল না·সংনি মিকখাংও আংখো খ্রাচা·এতনুয়া, আরো জেরাং স্খাংও পাপ দাক্কামিং ইন্দিবা বিসংনি মারাং নাংআওনি, থি·ল্লেকাওনি আরো নামগিজাওনি গিসিকখো ফি·ল্লেতখুজা, বিসংনি বাং·আরাংনা আংআ দুক মা·ন্নুয়া।

1 তীমথিয় 4:1

গিসিক রংথালগিবা নাম্মেথাল্লে আগানজক, রি·বাগিবা চাসংও মিত্তাম মান্দিরাং খ্রীষ্টান থরমখো বিবিরা·আওনি চে·ল্লাংনুয়া আরো দাক্কামব্রুআ গিসিক আরো গিসিক নামগিজাগিবারাংনি স্খিয়াওনা গিসিক হ·ন্নুয়া।

ফারাকগিবা খাৎথা 15:1

জা·মানো সালগিও আংআ দা·আও গি·সা দাল·গিবা আরো আইয়াও ইনমানগিবা চিনখো নিকজক। নিকজক, সাকস্নি সা·গ্রে আরো বিসংনি জাক্কো বন·চতগিবা মিংস্নি সাবিসি। ইরাংখো বন·চতগিবা সাবিসি ইন্নে আগানিংআ, মুয়ানা ইরাংচা ইসলনি খা·আও নাংআবা বন·নুয়া।

ফারাকগিবা খাৎথা 16:8

সাকব্রি সা·গ্রে সালনি সাক্কাও আন·থাংনি দনচাক্রাখো ফাক্কেতজক। উনি হা·সেল মান্দিরাংখো ওয়া·আলচা সো·এতনা সালনা বিলখো হন·জক।

ফারাকগিবা খাৎথা 9:19

উয়া ঘোরারাংনি খু·সুক আরো খি·মিওন বিসংনি বিল দংআমিং, মুয়ানা বিসংনি খি·মিরাং চিপ্পু গিত্তা দাক্কামিং। উয়া খি·মিরাংনি স্খুচা বিসং মান্দিরাংখো নাসিয়েতিংআমিং।

ফারাকগিবা খাৎথা 9:21

ইনাআগ্রেবা স·ওতা, যাদু মন্তল দাক্কা, থি·ল্লেকা আরো চা·উআ ইরাংওনিবা বিসং গিসিক ফিল·জাজক।