ফারাকগিবা খাৎথা 9:18 - Garo New Testament

¹⁸ ওয়া·আল, ওয়াল·খুয়া আরো গন্ধক- ইয়া গি·গিত্থাম শাস্তিরাংচা বাক গিত্থামনি বাকসা মান্দিরাংখো দক্কে গালজক।

ফারাকগিবা খাৎথা 9:18 Iomraidhean Croise

ফারাকগিবা খাৎথা 8:10

জা·মানো গিত্থামগিবা সা·গ্রে বিনি সিংগাখো গা·ম্মেতজক। উনো রংসা দা·ল্লা আস্কি গিত্তা চিং·এ চিং·এ সিলগাওনি গা·আকজক।

ফারাকগিবা খাৎথা 8:11

উয়া আস্কিনি বিমুংখো খা·গিবা বল মিংআমিং। বাক গিত্থামনি বাকসা চিবিমা আরো চিমিকনি সাক্কাও উয়া আস্কি গা·আকজক। উনি হা·সেল বাক গিত্থাম চিনি বাকসা খা·জক আরো উয়া খা·গিবা চিনি হা·সেল বাং·আ মান্দি সিজক।

ফারাকগিবা খাৎথা 8:12

উনি জা·মানো ব্রিগিবা সা·গ্রে বিনি সিংগাখো সিকজক। উনি গিম্মিন সালনি বাক গিত্থামনি বাকসা, জাজংনি বাক গিত্থামনি বাকসা আরো আস্কিরাংনি বাক গিত্থামনি বাকসা আন্দালজক। সালনি বাক গিত্থামনি বাকসাও আরো ওয়ালনি বাক গিত্থামনি বাকসাও মামুং সেং·আ দংজাজক।

ফারাকগিবা খাৎথা 8:7

স্খাংগিবা সা·গ্রে বিনি সিংগাখো সিক্কেতানি জা·মানো হান·চিগ্মাং স্থিল আরো ওয়া·আল হা·গিলসাকওনা গাল্লেতা হং·জক। উনি গিম্মিন বাক গিত্থামনি বাকসা হা·গিলসাক, বাক গিত্থামনি বাকসা বলবিফাং আরো দিমদাক জেংরাং খামজক।

ফারাকগিবা খাৎথা 8:8

উনি জা·মানো গ্মিগিবা সা·গ্রে বিনি সিংগাখো সিকজক। উনো খানসা দা·ল্লা চিং·গিবা হা·ব্রি গিত্তা দাক্কা খানসা বস্তু সাগালচা গাল্লেতা হং·জক। উনো সাগালনি বাক গিত্থাম চিনি বাকসা চি হান·চি হং·আংজক,

ফারাকগিবা খাৎথা 8:9

সাগালনি বাক গিত্থামনি বাকসা জাংগিগ্মাংগিবারাং সিথকজক, আরো বাক গিত্থামনি বাকসা জাহাস বন·চকৎজক।

ফারাকগিবা খাৎথা 9:15

উনো উয়া সাকব্রি সা·গ্রেখো ওয়াত্তেতজক। ইয়া বিলসিনি ইয়া জা, ইয়া সাল আরো ইয়া ঘণ্টানা উয়া সা·গ্রেরাংখো থারিয়ে দনসোআমিং জেদাক্কে বিসং বাক গিত্থামনি বাকসা মান্দিরাংখো দকথাত্তে গাল্লা।

ফারাকগিবা খাৎথা 9:17

মিকজুমাংও জে ঘোরারাংখো আরো উরাংনি সাক্কাও আংআ জেরাংখো নিকজক বিসংনি মিকখাং ইন্দাকামিং- বিসংনি চেলখো রাক্ষিগিবা চলা ওয়া·আল গিত্তা গিচ্চাকা, নিল আরো গন্ধক গিত্তা রিম্মিতা রংনি হং·আমিং। ঘোরারাংনি স্খু সিংহনি স্খু গিত্তা দাক্কামিং আরো উরাংনি খু·সুকওনি ওয়া·আল, ওয়াল·খুয়া আরো গন্ধক হং·খাতিংআমিং।

ফারাকগিবা খাৎথা 9:19

উয়া ঘোরারাংনি খু·সুক আরো খি·মিওন বিসংনি বিল দংআমিং, মুয়ানা বিসংনি খি·মিরাং চিপ্পু গিত্তা দাক্কামিং। উয়া খি·মিরাংনি স্খুচা বিসং মান্দিরাংখো নাসিয়েতিংআমিং।