ফারাকগিবা খাৎথা 9:11 - Garo New Testament

¹¹ থিং·বিগিবা হা·খলনি সা·গ্রেআন ইয়া হাগুক স্খালরাংনি রাজা হং·আমিং। ইব্রীয় খু·সুকচা উয়া সা·গ্রেনি বিমুং হং·আমিং আবদ্দোন আরো গ্রীক খু·সুকচা আপল্লুয়োন, আগানস্খাওদে ব·ন্নেতগিবা হং·আ।

ফারাকগিবা খাৎথা 9:11 Iomraidhean Croise

লূকনি চকগিবা নাম্মা খাৎথা 8:31

উনোন উয়া গিসিকরাং যীশুখো মল·মলনা হা·বাচেংজক জেদাক্কে বিয়া বিসংখো হা·নিংআচা ওয়াত্তেতজাখানা।

যোহননা 12:31

ইয়া হা·গিলসাকনি মান্দিরাংখো বিচাল দাক্কানি সাল দা·আও সকবাজক, আরো হা·গিলসাকখো শাসন দাকগিবাখো দা·আও হা·রিকেতনুয়া।

যোহননা 14:30

আংআ না·সংমুং বাং·এ আগানগ্রিকজানাজক, মুয়ানা হা·গিলসাকনি নকগিবা রি·বাংজক। আংনি সাক্কাও বিনি বিল দংজা।

যোহননা 16:11

বিচালনি গিম্মিন সিমসাকেতনুয়া, মুয়ানা হা·গিলসাকনি নকগিবানি বিচাল হং·জক।

যোহননা 5:2

যিরূশালেমো মেষ দ·গাচিলনি সেফাংও চিবল গি·সা দংআ; উনো নকখিমগ্মাং চিগাত দামবংআ দংআ। ইব্রীয় খু·সুকচা উখো বৈথেস্‌দা মিংআ।

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

1 যোহন 4:4

ইন্দিবা বি·সারাং, না·সং ইসলনি। না·সং উয়া বু·এ চা·গিবারাংনি সাক্কাও হামজক, মুয়ানা ইয়া হা·গিলসাকো জেআন দংআ, উনা বাত্তে জেআন না·সংনি খা·থংও দংআ বিয়া দাল·বাতা।

1 যোহন 5:19

আনচিং হা·আইয়া আনচিং ইসলনি হং·আ, আরো হা·গিলসাক দিমদাক শয়তাননি বিলনি নিং·আও গা·আকে দংআ।

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 16:16

ইব্রীয় খু·সুকচা জে হা·দামনি বিমুং হরমাগিদোন, নামগিজাগিবা গিসিকরাং উয়া রাজারাংখো উনো থম·মেতজক।