ফারাকগিবা খাৎথা 8:3 - Garo New Testament

³ উনি জা·মানো দা·আও সাকসা সা·গ্রে রি·বাএ গানচিনি মিকখাংচা চাদেংজক। বিনি জাক্কো গি·সা চা·চেৎ সো·আনি সোনানি দনচাক্রা দংআমিং। বিনা বাং·এ চা·চেৎখো হন·জক জেদাক্কে বিয়া সিংহাসননি মিকখাংনি সোনানি গানচিনি সাক্কাও ইসলনি দিমদাক মান্দিরাংনি বি·আমুং উয়া চা·চেৎখো ফাকওয়াতা।

ফারাকগিবা খাৎথা 8:3 Iomraidhean Croise

লূকনি চকগিবা নাম্মা খাৎথা 1:10

ধূপ সো·মিত্তিংও হা·ফালও বাং·আ মান্দি বি·থকিংআমিং।

রোমানরাংনা 8:34

সা বিসংখো দোসি দাকনুয়া? জে সিজকমিং আরো জেখো সিয়াওনি থাংচাএতজক উয়া খ্রীষ্ট যীশু দা·আও ইসলনি জাক্রাচাবাক্কা দংআ আরো আনচিংনা মল·মলিংজক।

ইব্রীয়রাংনা 7:25

ইনি গিম্মিন জেরাং বিগিত্তা ইসলচা রি·বাআ বিসংখো বিয়া চু·গিম্মিক দাক্কে জক্কেৎনা মা·ন্না, মুয়ানা বিসংনা মল·মলচাকনা বিয়া ফাংনান থাংএ দংআ।

ইব্রীয়রাংনা 9:4

ইয়া বাকও চা·চেৎ সো·না সোনানি গানচি আরো নিয়াম সিন্দুক দংআমিং। উখো সোনাচা ফা·দাপামিং। উয়ো সোনানি দনচাক্রাও মান্না দংআমিং, হারোণনি জে গল·দিকও বিবাল বাল্লামিং উয়া গল·দিক, আরো খু·রাচাক্কাখো চক্কাগ্মাং গি·গ্মি রং·প্লেং দংআমিং।

ফারাকগিবা খাৎথা 10:1

উনি জা·মানো আংআ দা·আও সাকসা বিল্লাকগিবা সা·গ্রেখো সালগিওনি হং·ওনবাআখো নিকজক। বিনি গানদিং-চিনদিং গাদিলা, আরো বিনি স্খু সাক্কাও সুনদারে দংআমিং। বিনি মিকখাং সাল গিত্তা আরো বিনি জা·চক ওয়া·আলনি খ্রং গিত্তা দাক্কামিং।

ফারাকগিবা খাৎথা 14:18

জা·মানো গানচিওনি দা·আও সাকসা সা·গ্রে হং·খাতে রি·বাজক। ওয়া·আলনি সাক্কাও বিনি বিল দংআমিং। জে সা·গ্রেচা মাতগিবা কাৎচি দংআমিং বিখো ইয়া সা·গ্রে রাক্কে রিংগামে আগানজক, “নাং·নি কাৎচিখো রিম·বো আরো হা·গিলসাকনি আংগুল বিফাংওনি আংগুলখো রাত্তে চিম্মংবো, মুয়ানা আংগুল মিনজক।”

ফারাকগিবা খাৎথা 5:8

খি·তাপখো রা·আনি জা·মানো উয়া সাকব্রি জাংগিগ্মাংগিবা আরো সাক খলগ্রিকব্রি মি·আফারাং মেষ বি·সানি মিকখাংও থুচিকপজক। বিসংনি দিমদাকনি জাক্কো গি·সা দাক্কে বীণা আরো গি·সা দাক্কে ধূপও গাপ্পা সোনানি দনচাক্রা দংআমিং। উয়া ধূপও গাপ্পা দনচাক্রারাং হং·জক ইসলনি মান্দিরাংনি বি·আ।

ফারাকগিবা খাৎথা 6:9

জে সময়ও বিয়া বংআগিবা সীলমোহরখো ফি·জক উনো আংআ গি·সা গানচিনি খা·মাও ইন্দাকগিবা মান্দিরাংনি গিসিকখো নিকনা মান·জক জেরাংখো ইসলনি খাৎথানি গিম্মিন আরো সাক্ষি হ·ন্নানি গিম্মিন স·ওতে গালজকমিং।

ফারাকগিবা খাৎথা 7:2

জা·মানো আংআ দা·আও সাকসা সা·গ্রেখো সালারামচানি চাখাতে রি·বাখো নিকজক। বিচা থাংগিবা ইসলনি সীলমোহর দংআমিং। জে সাকব্রি সা·গ্রেনা হা·গিলসাক আরো সাগালনি নামগিজাখো দাক্কানি বিল হ·ন্নামিং উয়া সাকব্রি সা·গ্রেখো বিয়া নাম্মেন রাক্কে চ্রিকে আগানজক,

ফারাকগিবা খাৎথা 8:4

উয়া সা·গ্রেনি জাকওনি চা·চেৎনি ওয়াল·খুয়া ইসলনি মান্দিরাংনি বি·আমুং সাক্কাচানা ইসলনি মিকখাংও গাদোয়াংজক।

ফারাকগিবা খাৎথা 8:5

উনো উয়া সা·গ্রে গানচিওনি ওয়াল·খু রা·এ উয়া চা·চেৎ দনগিবা দনচাক্রাখো গাপ্পেতজক আরো হা·গিলসাকচানা গাল্লেতজক। উনি গিম্মিন মিকখা খিমফ্রেতানি গা·ম্মারাং আরো নাংআ-নাংসি গাম·ফ্রেতারাং, আরো মিকখা রিপরাপা আরো বাংগুরিয়া হং·জক।

ফারাকগিবা খাৎথা 9:13

জা·মানো দকগিবা সা·গ্রে বিনি সিংগাখো সিকজক। ইসলনি মিকখাংও সোনানি জে গানচি দংআ উয়া গানচিনি গি·ব্রি গ্রংওনি আংআ সাকসানি খাৎথা আগানাখো খিন্নাজক। জেচা সিংগা দংআমিং উয়া দকগিবা সা·গ্রেনা বিয়া আগানজক,