ফারাকগিবা খাৎথা 8:13 - Garo New Testament

¹³ জা·মানো আংআ দো·রেং মাংসাখো সিলগাও নাম্মেন সাক্কাচা বিল্লাখো নিকজক, আরো উয়া দো·রেংখো রাক্কে আগানাখো খিন্নাজক, “গিপ্পিন সা·গ্রে সিংগাখো সিকনা হা·ম্মিংজক, বিসংনি সিংগা সিকজোকনো জেরাং ইয়া হা·গিলসাকনি হং·আ বিসংনি হং·সিয়া, হং·সিয়া, হং·সিয়া হং·নুয়া।”

ফারাকগিবা খাৎথা 8:13 Iomraidhean Croise

ইব্রীয়রাংনা 1:14

সা·গ্রেরাং দিমদাকান দাকচাকে হন·গিবা গিসিক হং·জামা? জেরাং পাপওনি জক্কাখো মা·ন্নুয়া বিসংনা দাকচাকে হ·ন্না ইন্নেন বিসংখো ওয়াত্তেতজক।

ফারাকগিবা খাৎথা 11:14

ইন্দাকে গ্মিগিবা হং·সিয়া বন·জক। নিবো, থেংরিন গিত্থামগিবা হং·সিয়া রি·বাংজক।

ফারাকগিবা খাৎথা 12:12

“উনি গিম্মিন ও সালগি, হান·সেংবো; না·সং জেরাং উনো দংআ, হান·সেংবো। ইন্দিবা হা·গিলসাক আরো সাগাল, হং·সিখানা না·সংনা! মুয়ানা শয়তান না·সংনি সাক্কাও হং·খাতে রি·বাজক। শয়তান খা·আওনাংজক, মুয়ানা বিয়া হা·আইয়া বিনি সময় বাং·এ দংজাজক।”

ফারাকগিবা খাৎথা 14:3

উয়া সিংহাসন আরো উয়া সাকব্রি জাংগিগ্মাংগিবা আরো উয়া মি·আফারাংনি মিকখাংও বিসং মিংসা গিত্তাল গিতখো রিং·ইংআমিং। দারাংবা উয়া গিতখো স্খিনা মান·জাজক; উয়া হাজাল রিৎচাসা সৎব্রিব্রি মান্দিরাং, জেরাংখো হা·গিলসাকনি মান্দিরাংওনিখো ব্রিএ রা·আমিং বিসংসান স্খিনা মান·জক।

ফারাকগিবা খাৎথা 14:6

জা·মানো আংআ দা·আও সাকসা সা·গ্রেখো সিলগানি নাম্মেন সাক্কাচা বিল্লাখো নিকজক। হা·গিলসাকো সংদংগিবা মান্দিরাংচা, আগানস্খাওদে গিম্মিক জাত, মা·চং, খু·সুক আরো হা·সংনি মান্দিরাংচা আগানফ্রাকনা বিচা জ্রিংজ্রৎনি নাম্মা খবল দংআমিং।

ফারাকগিবা খাৎথা 19:17

জা·মানো আংআ সাকসা সা·গ্রেখো সালও চাদেংএ দংআখো নিকজক। জে দো·ওরাং সিলগাচা বিল্লিংআমিং বিয়া উরাং গিম্মিকখো রাক্কে চ্রিকে আগানজক, “রি·বা, ইসলনি দাল·গিবা মিয়াত্থামখো চা·ফানা থম·বো,

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।

ফারাকগিবা খাৎথা 8:2

জে সাকস্নি সা·গ্রে ইসলনি মিকখাংও চাদেংএ দংআ আংআ বিসংখো নিকনা মান·জক। বিসংনি জাক্কো গি·স্নি সিংগা হন·জক।

ফারাকগিবা খাৎথা 9:1

জা·মানো বংআগিবা সা·গ্রে সিংগাখো সিকজক, আরো আংআ রংসা আস্কিখো নিকজক। উয়া আস্কি সিলগাওনি হা·গিলসাকওনা গা·আকামিং। উয়া আস্কিনা থিং·বিয়া হা·খলনি চাবিখো হন·জক।

ফারাকগিবা খাৎথা 9:12

স্খাংগিবা হং·সিয়া বন·জক। নিবো, ইনি জা·মানো আরোবা মিংগ্মি হং·সিয়া রি·বাংজক।