ফারাকগিবা খাৎথা 7:2 - Garo New Testament

² জা·মানো আংআ দা·আও সাকসা সা·গ্রেখো সালারামচানি চাখাতে রি·বাখো নিকজক। বিচা থাংগিবা ইসলনি সীলমোহর দংআমিং। জে সাকব্রি সা·গ্রেনা হা·গিলসাক আরো সাগালনি নামগিজাখো দাক্কানি বিল হ·ন্নামিং উয়া সাকব্রি সা·গ্রেখো বিয়া নাম্মেন রাক্কে চ্রিকে আগানজক,

ফারাকগিবা খাৎথা 7:2 Iomraidhean Croise

মথিনি চকগিবা নাম্মা খাৎথা 16:16

শিমোন-পিতর আগানজক, “না·আ উয়া খ্রীষ্ট, থাংগিবা ইসলনি দেফান্থি।”

মথিনি চকগিবা নাম্মা খাৎথা 26:63

যীশু ইন্দিবা জ্রিপ দংআরিজক। দাল·বাৎগিবা খামাল ফি·ল্লে বিনা আগানজক, “না·আ থাংগিবা ইসলনি বিমুংও মিকচেত্তে আগানবো, না·আন উয়া খ্রীষ্ট, ইসলনি দেফান্থি।”

যোহননা 6:27

ইন্দিবা নাসিনাগিবা চা·আনা গাম্মে মুয়া হং·নুয়া? জে চা·আ নাসিজা বাত্তেসা ফাংনাজলনি জাংগিখো হ·ন্না উনি গিম্মিন গামবো। উয়া চা·আখোন মান্দিনি দেফান্থি না·সংনা হ·ন্নুয়া, মুয়ানা ফাগিবা ইসল বিখোন ইয়া কামনা খ্রাগিবা ইন্নে ফিন্নিকজক।

2য় করিন্থীয়রাংনা 1:22

আগানস্খাওদে বিনি আন·থাংনি গাম গিত্তা বিয়া চিংখো সীলমোহর সু·এ দনজক; আরো জেরাংখো চিংনা হ·ন্নুয়া উনি স্খাংগিবা বাক গিত্তা বিয়া চিংনি খা·থংও গিসিক রংথালগিবাখো হন·জক।

ইফিষীয়রাংনা 1:13

আরো না·সংবা বিবিনি খাৎথাখো, আগানস্খাওদে পাপওনি জক্কাখো মা·ন্নানি নাম্মা খাৎথাখো খিন্নাএ খ্রীষ্টখো বিবিরা·জক। খ্রীষ্টমুং নাংরিমজক ইন্নে ইসল বিনি খু·রাচাকগিবা গিসিক রংথালগিবাচা না·সংখো সীল সু·এ দনজক।

ইফিষীয়রাংনা 4:30

না·সং ইসলনি গিসিক রংথালগিবাখো দা·আ দুক র·ন্নাবো, জেচা ইসল জক্কানি সালোনা দিপ্পাৎ না·সংখো সিল সু·এ দনজক।

1 থিষলনীকী 1:9

মুয়ানা বাদিকে দাক্কে না·সং চিংখো রা·চাকামিং মান্দিরাং চিংনা উখো আগানিংজক। বিসং আরোবা আগানজক, না·সং বাদিকে দাক্কে মিত্তেরাংওনি ফিল·বাএ থাংগিবা আরো বিবিগিবা ইসলচা রি·বাজক জেদাক্কে বিনা দাকচাকে হ·ন্না মা·ন্না,

2 তীমথিয় 2:19

ইন্দাকোবা ইসলনি রিকগিবা ফাংচাকানি চাদেংএন দংআ, আরো উনি সাক্কাও সীলমোহর গিত্তা ইয়া খাৎথারাং চক্কা দংআ, “গিত্তেল হা·আইয়া, সারাং বিনি হং·আ,” আরো “জেআন খ্রীষ্টখো গিত্তেল ইন্নে রিক্কামা বিয়া গিম্মিক পাপওনি চে·ল্লাচা রি·য়াংখানা।”

ইব্রীয়রাংনা 12:22

না·সংদে সিয়োন হা·ব্রি আরো থাংগিবা ইসলনি সংজিলমানি সেফাংও রি·বাজক। উয়া সংজিলমা হং·জক সালগিনি যিরূশালেম। না·সং হাজাল হাজাল সা·গ্রেরাংনি হান·সেংআওনা রি·বাজক;

ফারাকগিবা খাৎথা 1:3

ইসলনি খাৎথা জেখো ইনো চক্কা হং·জক, জেআন উখো পড়িয়া বিয়া ফাত্তিয়া মান·গিবা হং·আ আরো জেরাং উখো খিন্নাআ আরো মানিয়া বিসংবা ফাত্তিয়া মান·গিবা হং·আ, মুয়ানা সাল সেফাংজক।

ফারাকগিবা খাৎথা 10:1

উনি জা·মানো আংআ দা·আও সাকসা বিল্লাকগিবা সা·গ্রেখো সালগিওনি হং·ওনবাআখো নিকজক। বিনি গানদিং-চিনদিং গাদিলা, আরো বিনি স্খু সাক্কাও সুনদারে দংআমিং। বিনি মিকখাং সাল গিত্তা আরো বিনি জা·চক ওয়া·আলনি খ্রং গিত্তা দাক্কামিং।

ফারাকগিবা খাৎথা 10:4

জে সময়ও রাং·স্নি মিকখা খিমফ্রেতা গাম·জক উনো আংআ চকনা হাম·জক। ইন্দিবা সালগিওনি আংনা ইয়া খাৎথাখো আগানজক, “রাং·স্নি মিকখা খিমফ্রেতা জে খাৎথাখো আগানজক উখো সিউল দাক্কে দনবো, দা·আ চক্কাবো।”

ফারাকগিবা খাৎথা 16:12

জা·মানো দকগিপ্পা সা·গ্রে দাল·বাৎগিবা চিবিমা ইউফ্রেটিসনি সাক্কাও আন·থাংনি দনচাক্রাখো ফাক্কেতজক। উনি গিম্মিন সালারামনি হা·সংনি রাজারাংনি রি·য়ানি রামা থারিনা ইন্নে উয়া চিবিমানি চি থিপজক।

ফারাকগিবা খাৎথা 5:2

জা·মানো আংআ সাকসা বিল্লাকগিবা সা·গ্রেখো রাক্কে ইয়া খাৎথাখো আগানাখো খিন্নাজক, “সা ইয়া সীলমোহররাংখো ফি·এ খি·তাপখো এংনা খ্রাগিবা হং·আ?”

ফারাকগিবা খাৎথা 8:3

উনি জা·মানো দা·আও সাকসা সা·গ্রে রি·বাএ গানচিনি মিকখাংচা চাদেংজক। বিনি জাক্কো গি·সা চা·চেৎ সো·আনি সোনানি দনচাক্রা দংআমিং। বিনা বাং·এ চা·চেৎখো হন·জক জেদাক্কে বিয়া সিংহাসননি মিকখাংনি সোনানি গানচিনি সাক্কাও ইসলনি দিমদাক মান্দিরাংনি বি·আমুং উয়া চা·চেৎখো ফাকওয়াতা।

ফারাকগিবা খাৎথা 9:14

“জে সাকব্রি সা·গ্রেখো দাল·বাৎগিবা চিবিমা ইউফ্রেটিসও খাএ দন্না বিসংখো ওয়াত্তেতবো।”

ফারাকগিবা খাৎথা 9:4

বিসংনা ইন্দাকে আগানা হং·জক জেদাক্কে বিসং হা·গিলসাকনি মামুং জেং বা সবুজ রংনি মামুংখো বা বলবিফাংখো নাসিয়েতজা; জে মান্দিরাংনি কপালও ইসলনি সীলমোহর সু·আ দংজা বিসংখোসান নাসিয়েতা।