ফারাকগিবা খাৎথা 7:17 - Garo New Testament

¹⁷ মুয়ানা উয়া মেষ বি·সা জেআন সিংহাসননি সাক্কাও দংআ বিয়ান ইরাংনি রাকখুয়াল হং·নুয়া। থাংগিবা চিমিকনি সেফাংও বিয়া বিসংখো রা·আংনুয়া, আরো ইসল ইরাংনি মিকচিখো রিপ্পাকেতনুয়া।”

ফারাকগিবা খাৎথা 7:17 Iomraidhean Croise

মথিনি চকগিবা নাম্মা খাৎথা 2:6

যিহূদা হা·সংনি বৈৎলেহম, যিহূদানি গিসেপো না·আ মামুং দাক্কেবা চনবাতজা, মুয়ানা নাং·ওনিন ইন্দাকগিবা শাসন দাকগিবা সাকসা হং·খাতনুয়া জে আংনি মান্দি ইস্রায়েলরাংখো নিরক্ষিনুয়া।’’

মথিনি চকগিবা নাম্মা খাৎথা 5:4

দুক চাকগিবারাং ফাত্তিয়াখো মান·গিবা হং·আ, মুয়ানা বিসং খা·নাম্মেতাখো মা·ন্নুয়া।

যোহননা 10:11

“আংআন নামগিবা রাক্ষুয়াল। নামগিবা রাক্ষুয়াল বিনি মেষরাংনা জাংগিথাংখো হন·চাক্কা।

যোহননা 10:14

“আংআন নামগিবা রাক্ষুয়াল। ফাগিবা জেদাক্কে আংখো হা·আইয়া আরো আংআ ফাগিবাখো হা·আইয়া উয়ানদাক্কেন আংআবা আংনি মেষরাংখো হা·আইয়া আরো উরাংবা আংখো হা·আইয়া। আংআ আংনি মেষরাংনা জাংগিথাংখো হন·চাকিংজক।

যোহননা 4:10

যীশু উয়া মিচিকনা আগানচাকজক, “না·আ ইসলনি হ·ন্নাখো আরো সা নাং·চানিখো চি রিংনা হা·ম্মিংআ ইখো হা·আইওদে ইন্দিদে না·আন বিচানিখো চি রিংনা হাম·নুয়ামিং আরো বিয়া নাং·না চিজাংগিখো হ·ন্নুয়ামিং।”

যোহননা 4:11

উয়া মিচিক আগানজক, “ইন্দিবা নাং·চা চি খো·চাকানি মামুংবা দংজা আরো চিহা·খলবা নাম্মেন থিং·নাপ্পা। ইন্দিদে উয়া চিজাংগিখো বানিখো মান·জক?

যোহননা 4:14

ইন্দিবা আংআ জে চিখো হ·ন্নুয়া উখো রিংগিবানিদে মামুং সালোবা রিংনা হা·সিকফিলজানুয়া। উয়া চি বিনি খা·থংও চিমিক হং·এ ফাংনাজলনি জাংগিখো হ·ন্নুয়া।”

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

পিতর 5:2

না·সংনি গিসেপো ইসলনি জে মেষনি দল দংআ না·সং বিসংনি রাক্ষুয়াল হং·বো। নিরকখিনা নাংনুয়া ইন্নে বিসংখো নিরকনুয়া ইন্দাকে হং·জা, বাত্তেসা আন·থাংনি হা·সিকাওন উখো দাকবো, মুয়ানা ইসল না·সংচাখো ইখোন হা·ম্মা। মান·দাপনা খা·দংএ ইয়া কামখো দা·আ দাক্কাবো, ইন্দিবা হা·সিকমানচাএ দাকবো;

ফারাকগিবা খাৎথা 14:4

ইরাং উয়া মান্দি, জেরাং মিচিকরাংমিং থিল·লেকে আন·থাংথাংখো মারাং নাংএতজা। জেচা মেষ বি·সা রি·য়াংআ বিসং বিখো জা·রিকে রি·য়াংআ। ইসল আরো মেষ বি·সানা স্খাংগিবা বিথি গিত্তা হন·না মান্দিরাংওনিখো বিসংখো ব্রিএ রা·আমিং।

ফারাকগিবা খাৎথা 21:22

আংআ উয়া সংজিলমাও থরম নকখো নিকজাজক, মুয়ানা গিত্তেল ইসল আরো মেষ-বিসান উয়া সংজিলমানি থরম নক হংআমিং।

ফারাকগিবা খাৎথা 21:23

উযা সংজিলমাও থেংসুখাননা সাল বা জাজং নাংজা, মুয়ানা ইসলনি রাসংআন উনো সেংআখো হননা আরো মেষ বিসান উনি চাক্কি;

ফারাকগিবা খাৎথা 21:4

বিয়া বিসংনি মিকচিখো রিপ্পাকে হন·নুয়া। সিজানাজক; দুক, গ্রাপা আরো সা·দিকা আর দংজানাজক, মুয়ানা স্খাংনি গিম্মিক বন·জক।”

ফারাকগিবা খাৎথা 21:6

বিয়া আংনা আরোবা আগানজক, “বন·জক। আংআ আলফা আরো ওমিগা- হা·বাচেংআনি আরো বন·নানি। জেআন চি রিংনা হা·সিকা বিনা আংআ জাংগিনি চিমিকওনি দামগ্রি চি রিংনা হন·নুয়া।

ফারাকগিবা খাৎথা 22:1

জা·মানো উয়া সা·গ্রে জাংগিনি চিনি চিবিমাখো আংনা ফিন্নিকজক। উয়া ক্রিস্টাল গিত্তা গ্রিকামিং আরো ইসলনি আরো মেষ-বি·সানি সিংহাসনওনি হং·খাতে সংজিলমানি রামা জাংচিও চিবিমা দংআমিং। উয়া চিবিমানি সামগ্মি রিক্কামওন বলজাংগি দংআমিং। উয়ো চি·গ্মি বিথি নাংআ। জা রিক্ষিতান উয়ো বিথি নাংআ আরো উনি বিজাকচা গিম্মিক জাতনি মান্দি নাম্মিংআ। সাও আরবা দংজানুয়া।

ফারাকগিবা খাৎথা 4:11

“আনচিংনি গিত্তেল আরো ইসল, না·আ রাসং, মান্দিরা·আ আরো বিলখো মা·ন্না খ্রাগিবা, মুয়ানা না·আন দিমদাকখো থারিজক; আরো নাং·নিন হা·সিকাচা উরাং থারিয়া হং·জক আরো দংখুংআ।”

ফারাকগিবা খাৎথা 5:6

সাকব্রি জাংগিগ্মাংগিবা আরো মি·আফারাংনি জাংচিও দংগিবা সিংহাসননি সাক্কাও সাকসা মেষ বি·সাখো আংআ চাদেংএ দংআখো নিকজক। উয়া মেষ বি·সাখো স·ওতে গালজকমিংখোন ইন্নে আংআ চানচিংআমিং। উয়া মেষ বি·সানি গ্রং গং·স্নি আরো মিক্রোন রং·স্নি দংআমিং। ইসলনি জে সাকস্নি গিসিকখো হা·গিলসাকনি হা·দাম দিমদাকচা ওয়াত্তেতিংআ ইয়া মিক্রোনরাং হং·জক উয়া সাকস্নি গিসিক।