ফারাকগিবা খাৎথা 7:14 - Garo New Testament

¹⁴ আংআ বিনা আগানজক, “নিবো, উখো না·আন হা·আইয়া।” বিয়া আংনা আগানজক, “উয়া বিল্লংআ দুকওনি জেরাং রি·বাজক ইরাং বিসংআন। ইরাং আন·থাংনি চলাখো মেষ বি·সানি হান·চিও সু·গালে গিব্বকেতজক।

ফারাকগিবা খাৎথা 7:14 Iomraidhean Croise

মথিনি চকগিবা নাম্মা খাৎথা 24:21

উনসালো ইন্দাকফিল্লে দুক হং·নুয়া হা·গিলসাক হং·চেংওনি দা·আওনা দিপ্পাৎ ইন্দাকে হং·খুজা আরো হং·জানুয়া।

মার্ক 13:19

মুয়ানা উয়া সালরাংও ইন্দাকফিল্লে দুক হং·নুয়া, হা·গিলসাকখো দাকচেংওনি দা·আওনা দিপ্পাৎ ইন্দাকে হং·খুজা আরো উনি জা·মানোবা হং·জানুয়া।

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

রোমানরাংনা 5:3

ইয়াসান হং·জা, দুকরাংও দংএবা আনচিং খুসি হং·ইংআ, মুয়ানা চাকচিকা দুকনি বিথি হং·আ ইন্নে আনচিং হা·আইয়া,

1ম করিন্থীয়রাংনা 6:11

না·সংও সাবা সাবা উয়ানদাকগিবান হং·আমিং, ইন্দিবা গিত্তেল যীশু খ্রীষ্টও আরো আনচিংনি ইসলনি গিসিকও না·সংখো সু·গালে থাল্লেতজক, ইসলনা মিংএ দিংথাং দাক্কেতজক আরো দোসগ্রি ইন্নে রা·চাকজক।

2 থিষলনীকীয়রাংনা 1:4

আরো ইনি গিম্মিনান ইসলনি মন্ডলীরাংনি মিকখাংও না·সংখো রা·এ চিংআ রাসং দাক্কিংজক, মুয়ানা জে গিচ্চিয়ারাংখো আরো দুকরাংখো না·সং চাক্কিংজক উনি গিসেপোবা না·সংনি চাকচিকা আরো বিবিরা·আ দংখুংআ।

ইব্রীয়রাংনা 13:12

উয়ানদাক্কে যীশুবা যিরূশালেম সংজিলমানি হা·ফালচা দুক চাক্কে সিয়ামিং, জেদাক্কে বিনি আনথাংনি হান·চিচা মান্দিখো পাপওনি রংথালেতনা মান·না।

ইব্রীয়রাংনা 9:14

ইন্দিবা জেআন ফাংনাজলনি গিসিক রংথালগিবা গিত্তা ইসলচা আন·থাংখো খাকখেৎ বলি গিত্তা হন·চাকজক উয়া যীশুনি হান·চি আনচিংনি গিসিকখো বিথিগ্রি কামওনি আরোবা বাসিক বাং·এ রংথালেতনুয়া, জেদাক্কে আনচিং থাংগিবা ইসলনা দাকচাকে হ·ন্না মা·ন্না!

পিতর 1:19

না·সংখো জক্কেৎজক দোসগ্রি আরো খাকখেৎ মেষ-বি·সা যীশু খ্রীষ্টনি হান·চিচা।

1 যোহন 1:7

ইন্দিবা ইসল জেদাক্কে সেং·আও দংআ আনচিংবা উয়ানদাক্কে সেং·আও রি·ওদে আনচিংনি গিসেপো নাংরিমা দংআ আরো বিনি দেফান্থি যীশুনি হান·চি গিম্মিক পাপওনি আনচিংখো রংথালেতা।

ফারাকগিবা খাৎথা 12:11

মেষ বি·সানি হান·চি আরো আন·থাংথাংনি সাক্ষিচা বিসং বিখো হাম্মেতজাজক। বিসং আন·থাংথাংনা বাং·এ খা·সাজানি হা·সেলান বিসংনি জাংগিখো হ·ন্না বিসং গং·আমিং।

ফারাকগিবা খাৎথা 15:2

জা·মানো আংআ ওয়া·আলমিং ব্রিনগিবা জানিরানি গি·সা সাগাল গিত্তা দাক্কাখো নিকজক, আরো জেরাং উয়া মাৎবুরুং আরো বিনি বিমাং আরো বিনি বিমুংনি নম্বলনি সাক্কাও হামজক বিসংখোবা নিকজক। ইসলনি হন·গিবা বীণাখো জাক্কো রা·এ বিসং উয়া জানিরানি সাগালনি রিক্কামচা চাদেংএ দংআমিং।

ফারাকগিবা খাৎথা 17:6

আংআ নিকজক, উয়া মিচিক ইসলনি মান্দিরাংনি হান·চিখো আরো জেরাং যীশুনি গিম্মিনো সাক্ষি হন·জক বিসংনি হান·চিখো রিংএ চুফেকগিবা হং·এ দংআ।

ফারাকগিবা খাৎথা 2:9

নাং·নি দুক আরো দিল্লানি খাৎথাখো আংআ হা·আইয়া, ইন্দাকোবা না·আ নকমা হং·আ। আন·থাংথাংখো যিহূদী ইন্নে আগানোবা জেরাং যিহূদী হং·জা বাত্তেসা শয়তাননি দলনি মান্দি হং·আ, বিসং নাং·নি সাক্কাও জেখো আগানা উখো আংআ হা·আইয়া।

ফারাকগিবা খাৎথা 22:14

“ফাত্তিয়া মান·গিবা, জেরাং বিসংনি বা·রাখো সু·গালে গাল্লা জেদাক্কে বিসং জাংগিনি বিফাংনি বিথিখো চা·না মান·না আরো দ·গা গিত্তা সংজিলমাও নাপনা মান·না।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।

ফারাকগিবা খাৎথা 7:9

উনি জা·মানো আংআ গিম্মিক জাত, মা·চং, হা·সং আরো খু·সুকওনি ইন্দাকফিল্লে মান্দি জিলমাখো নিকজক, দারাংবা বিসংখো চান্না মান·জাজক। গিব্বক চলাখো চিন্নে বিসং উয়া সিংহাসন আরো মেষ বি·সানি মিকখাংও খেজুর বিজাকখো জাক্কো রা·এ চাদেংএ দংআমিং।