ফারাকগিবা খাৎথা 6:9 - Garo New Testament

⁹ জে সময়ও বিয়া বংআগিবা সীলমোহরখো ফি·জক উনো আংআ গি·সা গানচিনি খা·মাও ইন্দাকগিবা মান্দিরাংনি গিসিকখো নিকনা মান·জক জেরাংখো ইসলনি খাৎথানি গিম্মিন আরো সাক্ষি হ·ন্নানি গিম্মিন স·ওতে গালজকমিং।

ফারাকগিবা খাৎথা 6:9 Iomraidhean Croise

যোহননা 16:2

মান্দিরাং থম·দাকরামওনিখো না·সংখো রং·খাত্তেতনুয়া; আরোবা সাল রি·বাংজক, জেনসালো না·সংখো স·ওতগিবারাং চানচিনুয়া, বিসং ইসলনান দাকচাকে হ·ন্নিংআ।

2য় করিন্থীয়রাংনা 5:8

চিংআ খেনজা আরো চিংআ বে·এননি নকওনি চে·ল্লে দংএ গিত্তেলমুং দংআখোন নাম্মা ইন্নে চানচিয়া।

ফিলিপীয়রাংনা 1:23

সামগ্মিআন আংখো সাল্লিংজক। আংআ সিয়ে খ্রীষ্টমুং দংনা হা·ম্মা, মুয়ানা উয়ান বাং·এ নাম্মা।

ফিলিপীয়রাংনা 2:17

জে বিবিরা·আনি বলিচা না·সং ইসলখো অলাখিয়া উনি সাক্কাও আংনি হান·চিখো বলি গিত্তা রুদাপোবা খুসি হং·আ আরো না·সংমুং হান·সেংআ।

2 তীমথিয় 1:8

উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

2 তীমথিয় 4:6

আংখো দা·আও বলি হ·ন্না গিত্তা রুগালে হ·ন্নিংজক; আংনি সিয়ানি সাল সকবাজক।

ইব্রীয়রাংনা 12:23

দেজাক্রানি বিলখো মান·রিকগিবা মান্দি গিত্তা জেরাংনি বিমুং সালগিও চক্কা দংআ বিসংনি রিকগিবা মন্ডলীচা রি·বাজক; জেআন দিমদাক মান্দিরাংনি বিচাল দাকগিবা হং·আ উয়া ইসলচা রি·বাজক; জে মান্দিরাং চু·সকাখো মান·জক উয়া দোসগ্রি মান্দিরাংনি গিসিকচা রি·বাজক;

ফারাকগিবা খাৎথা 1:2

ইসলনি খাৎথা আরো যীশু খ্রীষ্টনি সাক্ষিনি গিম্মিনো যোহন জেখো নিক্কামিং, উনি বিদিংওন বিয়া ইনো সাক্ষি হন·জক।

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।

ফারাকগিবা খাৎথা 14:18

জা·মানো গানচিওনি দা·আও সাকসা সা·গ্রে হং·খাতে রি·বাজক। ওয়া·আলনি সাক্কাও বিনি বিল দংআমিং। জে সা·গ্রেচা মাতগিবা কাৎচি দংআমিং বিখো ইয়া সা·গ্রে রাক্কে রিংগামে আগানজক, “নাং·নি কাৎচিখো রিম·বো আরো হা·গিলসাকনি আংগুল বিফাংওনি আংগুলখো রাত্তে চিম্মংবো, মুয়ানা আংগুল মিনজক।”

ফারাকগিবা খাৎথা 16:7

আংআ গানচিওনি সাকসাখো ইন্দাকে আগানাখো খিন্নাজক: “বিল্লাকস্রাংগিবা গিত্তেল ইসল, নাং·নি গিম্মিক বিচাল বিবি আরো খাকখেৎ হং·আ।”

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 20:4

জা·মানো আংআ সিংহাসন মিত্তামখো নিকজক, আরো জেরাং উনি সাক্কাও আসংএ দংআমিং বিসংনি জাক্কো বিচাল দাক্কানি বিলখো হন·নামিং। ইসলনি খাৎথা আরো যীশুনি স্খিয়া গিত্তা রি·না ইন্নে জেরাংনি স্খু দেনথংএ গাল্লামিং, আংআ বিসংনি গিসিকরাংখো নিকনা মান·জক। বিসং উয়া মাৎবুরুংখো বা উনি বিমাংখো অলাখিজা আরো কপালও বা জাক্কো উনি চিনখোবা রা·জা। বিসং থাংচাজক আরো হাজালসা দিপ্পাৎ খ্রীষ্টমিং শাসন দাকজক।

ফারাকগিবা খাৎথা 8:3

উনি জা·মানো দা·আও সাকসা সা·গ্রে রি·বাএ গানচিনি মিকখাংচা চাদেংজক। বিনি জাক্কো গি·সা চা·চেৎ সো·আনি সোনানি দনচাক্রা দংআমিং। বিনা বাং·এ চা·চেৎখো হন·জক জেদাক্কে বিয়া সিংহাসননি মিকখাংনি সোনানি গানচিনি সাক্কাও ইসলনি দিমদাক মান্দিরাংনি বি·আমুং উয়া চা·চেৎখো ফাকওয়াতা।

ফারাকগিবা খাৎথা 9:13

জা·মানো দকগিবা সা·গ্রে বিনি সিংগাখো সিকজক। ইসলনি মিকখাংও সোনানি জে গানচি দংআ উয়া গানচিনি গি·ব্রি গ্রংওনি আংআ সাকসানি খাৎথা আগানাখো খিন্নাজক। জেচা সিংগা দংআমিং উয়া দকগিবা সা·গ্রেনা বিয়া আগানজক,