ফারাকগিবা খাৎথা 6:8 - Garo New Testament

⁸ উনো আংআ বকদেলেপগিবা মাংসা ঘোড়াখো নিকজক। জেআন উনি সাক্কাও আসংএ দংআমিং বিনি বিমুং হং·জক সিয়া; আরো সিগিবা হা·দাম বিনি থিক জা·মান জা·মান রি·ইংআমিং। হা·গিলসাকনি বাক ব্রিনি বাকসানি সাক্কাও বিসংনা বিলখো হন·জক, জেদাক্কে বিসং মি·ল্লাম, আকাল, সিয়া আরো হা·গিলসাকনি ব্রিংনি মাৎবুরুংরাংচা মান্দিরাংখো স·ওতে গাল্লা।

ফারাকগিবা খাৎথা 6:8 Iomraidhean Croise

মথিনি চকগিবা নাম্মা খাৎথা 11:23

আরো না·আ কফরনাহূম! সালগিওনা দিপ্পাৎ চুবাত্তাও না·আ গাদোয়াংনোমা? মামুং সালোবা মান·জানুয়া, নাং·খো সিগিবারাংনি হা·দামচা গাল্লেতনুয়া। নাং·ও দাকগিবা বিল্লাকগিবা কামরাংখো সদোম সংজিলমাও দাক্কোদে সদোম দা·আওবা দংনুয়ামিং।

মথিনি চকগিবা নাম্মা খাৎথা 24:7

জাতসা জাতগিপ্পিনমুং আরো হা·দকসা হা·দকগিপ্পিনমুং দাকগ্রিকনুয়া। বাং·আ সংহা·দামরাংও আকাল হং·নুয়া আরো বাংগুরিয়া হং·নুয়া।

1ম করিন্থীয়রাংনা 15:55

“ও সিয়া, নাং·নি হা·ম্মা বাও? ও সিয়া, নাং·নি বেরি বাও?”

ফারাকগিবা খাৎথা 1:18

আংআন ফাংনাজলনা থাংগিবা। আংআ সিয়ামিং, আরো নিবো, দা·আও আংআ চাসংওনি চাসংওনা ফাংনাজলনা থাংএ দংআ। আংচা সিয়ানি আরো সিগিবা হা·দামনি চাবি দংআ।

ফারাকগিবা খাৎথা 12:4

বিনি খি·মিচা বিয়া সিলগানি বাক গিত্থামওনি বাকসা আস্কিখো সাল্লে রা·বাএ হা·গিলসাকচানা গোএতজক। জে মিচিকনি বি·সা হং·না হা·ম্মিংআমিং উয়া দাল·বিয়া চিপ্পু স্খাল বিনি মিকখাংও চাদেংআমিং জেদাক্কে বি·সা আৎচিয়ানি জা·মানোন বিয়া মিন্নকে গালনা মা·ন্না।

ফারাকগিবা খাৎথা 9:15

উনো উয়া সাকব্রি সা·গ্রেখো ওয়াত্তেতজক। ইয়া বিলসিনি ইয়া জা, ইয়া সাল আরো ইয়া ঘণ্টানা উয়া সা·গ্রেরাংখো থারিয়ে দনসোআমিং জেদাক্কে বিসং বাক গিত্থামনি বাকসা মান্দিরাংখো দকথাত্তে গাল্লা।

ফারাকগিবা খাৎথা 9:18

ওয়া·আল, ওয়াল·খুয়া আরো গন্ধক- ইয়া গি·গিত্থাম শাস্তিরাংচা বাক গিত্থামনি বাকসা মান্দিরাংখো দক্কে গালজক।