ফারাকগিবা খাৎথা 6:6 - Garo New Testament

⁶ আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো আগানাখো খিন্নাজক, “সাকসা কাম রি·ম্মে চা·গিবানি সালসানি কামনা সেরসা গম বা সের গিত্থাম যবখো মা·ন্না। তেল আরো আংগুর বিৎচিখো না·আ দা·আ নাসিয়েতাবো।”

ফারাকগিবা খাৎথা 6:6 Iomraidhean Croise

মথিনি চকগিবা নাম্মা খাৎথা 24:7

জাতসা জাতগিপ্পিনমুং আরো হা·দকসা হা·দকগিপ্পিনমুং দাকগ্রিকনুয়া। বাং·আ সংহা·দামরাংও আকাল হং·নুয়া আরো বাংগুরিয়া হং·নুয়া।

ফারাকগিবা খাৎথা 4:6

উয়া সিংহাসননি মিকখাংও রং·চি গিত্তা গ্রিকগিবা গি·সা জানিরানি সাগাল দংআমিং। উয়া সিংহাসনরাংনি জাংচিও দংগিবা সিংহাসননি সামব্রিও সাকব্রি জাংগিগ্মাংগিবারাং দংআমিং। বিসংনি মিকখাংচা আরো খি·সাংচাবাকা মিক্রোন গাপ্পামিং।

ফারাকগিবা খাৎথা 4:8

ইয়া সাকব্রি জাংগিগ্মাংগিবানি দিমদাকনি গি·দক দাক্কে গ্রাং দংআমিং আরো উনি বে·এন দিমদাকও মিক্রোন গাপ্পামিং। উরাং সালওয়াল ইন্দাকে খাৎথা আগানিংআমিং, “বিল্লাকস্রাংগিবা গিত্তেল ইসল, জেআন দংআমিং, জেআন দংআ আরো জেআন রি·বাংজক, বিয়া রংথালা, রংথালা, রংথালা।”

ফারাকগিবা খাৎথা 7:3

“আনচিংনি ইসলনি নকখলরাংনি কপালও সীলমোহর সু·খুজানা দিপ্পাৎ হা·গিলসাক, সাগাল বা বলফাংরাংখো দা·আ নাসিয়েতাবো।”

ফারাকগিবা খাৎথা 9:4

বিসংনা ইন্দাকে আগানা হং·জক জেদাক্কে বিসং হা·গিলসাকনি মামুং জেং বা সবুজ রংনি মামুংখো বা বলবিফাংখো নাসিয়েতজা; জে মান্দিরাংনি কপালও ইসলনি সীলমোহর সু·আ দংজা বিসংখোসান নাসিয়েতা।