ফারাকগিবা খাৎথা 6:3 - Garo New Testament

³ মেষ বি·সা জে সময়ও গ্মিগিবা সীলমোহরখো ফি·জক উনো আংআ গ্মিগিবা জাংগিগ্মাংগিবানি আগানাখো খিন্নাজক, “রি·বাবো।”

ফারাকগিবা খাৎথা 6:3 Iomraidhean Croise

মথিনি চকগিবা নাম্মা খাৎথা 27:66

উনোন বিসং রি·য়াংএ রং·থিনি সাক্কাও সীলমোহর সু·জক আরো নিরকখিগিবারাংখো উয়ো দন্নে গোপরামখো নাম্মেদাক্কে নিরকখানা দনজক।

ফারাকগিবা খাৎথা 4:7

স্খাংগিবা জাংগিগ্মাংগিবানি মিকখাং সিংহ গিত্তা, গ্মিগিবানি মা·সু বি·সা গিত্তা, গিত্থামগিবানি মান্দি গিত্তা আরো ব্রিগিবানি বিলগিবা দো·রেং গিত্তা দাক্কা।

ফারাকগিবা খাৎথা 6:1

মেষ বি·সা জে সময়ও উয়া খানস্নি সীলমোহররাংনি স্খাংগিবাখো ফি·ইংআমিং উনো আংআ নিয়েতজক; আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো মিকখা খিমফ্রেতা গিত্তা খু·রাংও আগানাখো খিন্নাজক, “রি·বাবো।” উনো আংআ মাংসা গিব্বক ঘোড়াখো নিকনা মান·জক।

ফারাকগিবা খাৎথা 8:1

জা·মানো মেষ বি·সা জে সময়ও স্নিগিবা সীলমোহরখো ফি·জক উয়া সময়ও সালগিও আধা ঘণ্টানি গিত্তা জ্রিপজ্রিপ দংজক।