ফারাকগিবা খাৎথা 6:11 - Garo New Testament

¹¹ উনো বিসং গিম্মিকনা গি·ফ্রাক দাক্কে গিব্বক চলাখো হন·জক আরো আগানজক, বিসংমুং রিম·ফাগিবা আরো জংআদারাং, জেরাংখো বিসং গিত্তান দাক্কে স·ওতে গাল্লা হং·নুয়া বিসং চু·সকগিজা দিপ্পাৎদে বিসং জেদাক্কে আরোবা অকখিসা সময় সেংসোখুয়া।

ফারাকগিবা খাৎথা 6:11 Iomraidhean Croise

মথিনি চকগিবা নাম্মা খাৎথা 10:21

“জংআদা জংআদাখো আরো ফাআ দেখো স·ওতে গালনা রি·ম্মে হ·ন্নুয়া। দেদ্রাং মা·আ-ফানা চাখাত্তে বিসংখো স·ওতেতনুয়া।

লূকনি চকগিবা নাম্মা খাৎথা 15:22

“ইন্দিবা বিনি ফাগিবা আন·থাংনি নকখলরাংনা আগানজক, ‘থেংরি দাক্কে বিনা নামবাৎগিবা বা·রাখো রা·বাএ গান্নেতবো। বিনি জাক্কো জাকস্থেম আরো জা·আও জা·খপখো ফাৎবো,

যোহননা 16:2

মান্দিরাং থম·দাকরামওনিখো না·সংখো রং·খাত্তেতনুয়া; আরোবা সাল রি·বাংজক, জেনসালো না·সংখো স·ওতগিবারাং চানচিনুয়া, বিসং ইসলনান দাকচাকে হ·ন্নিংআ।

ওয়াত্তেতারাংনা 20:24

ইন্দিবা আংচা আংনি জাংগিনি মামুং দাম দংজা। আংনি গি·সামাংমাং হা·সিকা ইয়ান, জেদাক্কে আংআ বন·খামওনা দিপ্পাৎ খাতনা মা·ন্না, ফি·এ ইন্নোদে গিত্তেল যীশু জে কামখো আংনা হন·জক উখো ব·ন্নেতনা মা·ন্না। উয়া কাম হং·জক ইসলনি খা·সাচাক্কানি নাম্মা খাৎথানি গিম্মিনো সাক্ষি হ·ন্না।

2 থিষলনীকীয়রাংনা 1:7

আরো না·সং জেরাং দুক মা·ন্নিংজক বিয়া চিংমুং না·সংখোবা দুকওনি জক্কেৎনুয়া। জেনসালো গিত্তেল যীশু বিনি বিল্লাকগিবা সা·গ্রেরাংখো রা·এ চিং·গিবা ওয়া·আলনি গিসেপো সালগিওনি ফারাকনুয়া উনোন ইরাং হং·নুয়া। জেরাং ইসলখো হা·আইজা আরো জেরাং গিত্তেল যীশুনি গিম্মিন নাম্মা খাৎথাখো মানিয়ে রি·জা বিসংনা উনো বিয়া শাস্তি হ·ন্নুয়া।

2 তীমথিয় 4:7

খ্রীষ্টনা চাক্কে আংআ সিমাংথাংমাং দাকগ্রিকজক, আংনা থিক দাকগিবা রামানি বন·চতাওনা দিপ্পাৎ খাতজক আরো খ্রীষ্টনি থরমনি বিবিরা·আখো রি·ম্মে রা·রিকজক।

ইব্রীয়রাংনা 11:40

মুয়ানা ইসল আনচিংনা আরোবা নাম্মাখো থিক দাক্কে দন্নামিং। বিয়া ইখো থিক দাক্কামিং, আনচিংখো দনগালে বিসংনা চু·সকাখো হন·জানুয়া।

ইব্রীয়রাংনা 12:23

দেজাক্রানি বিলখো মান·রিকগিবা মান্দি গিত্তা জেরাংনি বিমুং সালগিও চক্কা দংআ বিসংনি রিকগিবা মন্ডলীচা রি·বাজক; জেআন দিমদাক মান্দিরাংনি বিচাল দাকগিবা হং·আ উয়া ইসলচা রি·বাজক; জে মান্দিরাং চু·সকাখো মান·জক উয়া দোসগ্রি মান্দিরাংনি গিসিকচা রি·বাজক;

ইব্রীয়রাংনা 4:10

মুয়ানা ইসল জেগিত্তা বিনি থারিয়ানি কামখো ব·ন্নেতি নেং·থাকামিং থিক উগিত্তা দাক্কে জে মান্দি ইসলনি হন·গিবা নেং·থাকানি হা·দামচা রি·য়াংআ, বিয়াবা বিনি কামওনি নেং·থাকাখো মা·ন্না।

ফারাকগিবা খাৎথা 10:6

জেআন ফাংনাজলনা থাংএ দংআ আরো সিলগা, হা·গিলসাক, সাগাল আরো উরাংও দংগিবা গিম্মিকখো থারিজক, বিনি বিমুংও মিকচেতি উয়া সা·গ্রে আগানজক, “আরবা হারিমজানাজক।

ফারাকগিবা খাৎথা 13:15

উয়া বিমাংনা জাংগি হন·নানি বিলবা বিনা হন·জক, জেদাক্কে উয়া বিমাং খু·সুক আগান্না মান·না আরো জেরাং উয়া বিমাংখো ইসল চাচা মান্দিরা·এ সেলাম দাকজানুয়া বিসংখো দক্কে গালনা মান·না।

ফারাকগিবা খাৎথা 14:13

জা·মানো আংআ সাকসাখো সালগিওনি আগানাখো খিন্নাজক, “ইয়া খাৎথাখো লিক্ষিবো-দা·আওনি জেরাং গিত্তেলমিং নাংরিমে সিনুয়া বিসং ফাত্তিয়াখো মান·গিবা হং·আ।” গিসিক রংথালগিবা ইয়া খাৎথাখো আগানিংআ, “হো·এ বিসং ফাত্তিয়াখো মান·গিবা হং·আ। বিসংনি কামওনি বিসং নেং·থাকাখো মান·নুয়া, মুয়ানা বিসংনি কামনি বিথি বিসংমিং দংনুয়া।”

ফারাকগিবা খাৎথা 17:6

আংআ নিকজক, উয়া মিচিক ইসলনি মান্দিরাংনি হান·চিখো আরো জেরাং যীশুনি গিম্মিনো সাক্ষি হন·জক বিসংনি হান·চিখো রিংএ চুফেকগিবা হং·এ দংআ।

ফারাকগিবা খাৎথা 7:14

আংআ বিনা আগানজক, “নিবো, উখো না·আন হা·আইয়া।” বিয়া আংনা আগানজক, “উয়া বিল্লংআ দুকওনি জেরাং রি·বাজক ইরাং বিসংআন। ইরাং আন·থাংনি চলাখো মেষ বি·সানি হান·চিও সু·গালে গিব্বকেতজক।

ফারাকগিবা খাৎথা 7:9

উনি জা·মানো আংআ গিম্মিক জাত, মা·চং, হা·সং আরো খু·সুকওনি ইন্দাকফিল্লে মান্দি জিলমাখো নিকজক, দারাংবা বিসংখো চান্না মান·জাজক। গিব্বক চলাখো চিন্নে বিসং উয়া সিংহাসন আরো মেষ বি·সানি মিকখাংও খেজুর বিজাকখো জাক্কো রা·এ চাদেংএ দংআমিং।