ফারাকগিবা খাৎথা 6:10 - Garo New Testament

¹⁰ বিসং রাক্কে চ্রিকে আগানজক, “ও রংথালগিবা আরো বিবিগিবা গিত্তেল, জেরাং ইয়া হা·গিলসাকনি হং·আ, বিসংখো বিচাল দাকনা আরো বিসংনি সাক্কাও চিংনি হান·চিনি গান্দাস্খাখো দাকনা না·আ আরবা বাসিক হারিমখুনুয়া?”

ফারাকগিবা খাৎথা 6:10 Iomraidhean Croise

লূকনি চকগিবা নাম্মা খাৎথা 2:29

“গিত্তেল, না·আ নাং·নি আগানা গিত্তা নকখলথাংখো দা·আও থম·থমে ওয়াত্তেতিংজক,

লূকনি চকগিবা নাম্মা খাৎথা 21:22

মুয়ানা ইয়া সালরাং শাস্তি মা·ন্নানি সাল হং·নুয়া, আরো উনি গিম্মিন রংথালগিবা শাস্ত্রও জেগিত্তা চক্কা দংআ উয়া চু·সকনুয়া।

রোমানরাংনা 12:19

খা·সানি জংআদারাং, না·সং আন·থাংথাং দা·আ নামগিজাখো দাকস্খাবো, বাত্তেসা ইসলখোন শাস্তি হ·ন্নেতনা হন·বো। রংথালগিবা শাস্ত্রও গিত্তেল আগানা, “নামগিজানা শাস্তি হ·ন্নানি বিল আংনিসান দংআ; জে জেখো মা·ন্নুয়া আংআ বিনা উখোন হ·ন্নুয়া।”

ইব্রীয়রাংনা 12:24

জেআন গি·সা গিত্তাল খু·রাচাক্কানি নাংরিমেতগিবা হং·আ উয়া যীশুচা রি·বাজক; আরো হেবলনি হান·চিনা বাত্তে জে হান·চি আরোবা দাল·বাতা খাৎথাখো আগানা, না·সং উয়া গোসাতগিবা হান·চিচা রি·বাজক।

২ পিতর 2:1

ইন্দিবা ইস্রায়েলরাংনি গিসেপো জেদাক্কে বু·এ চা·গিবা আগানসোগিবা দংআমিং উয়ানদাক্কে না·সংনি গিসেপোবা বু·এ চা·গিবা স্খিগিবা দংনুয়া। বিসং স্রক দাক্কে ইন্দাকা ব্রাংআ স্খিয়াখো রা·বানুয়া জেআন মান্দিখো ব·ন্নেতনুয়া; আরোবা, জেআন বিসংখো ব্রিজক উয়া গিত্তেলখোবা জেগালনুয়া। ইন্দাকে দাক্কে বিসং থেংরিন আন·থাংথাংখো ব·ন্নেতনুয়া।

ফারাকগিবা খাৎথা 11:18

গিম্মিক জাত খা·আওনাংজক, আরো নাং·নি খা·আওনাংআখো ফিন্নিকানি সাল হং·জক। সিগিবারাংখো বিচাল দাক্কানি সাল সকবাজক, আরো নাং·নি নকখলরাংনি, আগানস্খাওদে আগানসোগিবারাংখো আরো নাং·নি মান্দিরাংখো আরো চন্না-দা·ল্লা গিম্মিকান জেরাং নাং·না খা·ফাকা বিসংনা বকসিস হ·ন্নানি সাল সকবাজক। ইনাআগ্রেবা জেরাং হা·গিলসাকনি নামগিজাখো দাক্কিংআ, বিসংখো ব·ন্নেতানি সালবা সকবাজক।”

ফারাকগিবা খাৎথা 18:20

উনো উয়া সা·গ্রে আগানজক, “ও সালগি, উয়া সংজিলমানি বন·নানা হান·সেংবো। ইসলনি মান্দিরাং, ওয়াত্তেতারাং আরো আগানসোগিবারাং হান·সেংবো। না·সংনি সাক্কাও বিয়া জেখো দাক্কামিং উনি গিম্মিন ইসল বিনি বিচালখো দাকজক।”

ফারাকগিবা খাৎথা 18:24

আগানসোগিবারাংখো, ইসলনি মান্দিরাংখো আরো জে মান্দিরাংখো ইয়া হা·গিলসাকো দক্কে গালজক বিসংনি হান·চিখো ইয়া বাবিলওন মান·জক।”

ফারাকগিবা খাৎথা 19:2

মুয়ানা বিনি বিচাল বিবি আরো খাকখেৎ হং·আ। জেআন বিনি থিল·লেকাচা হা·গিলসাক গিম্মিকখো মারাং নাংএতামিং উয়া দাল·গিবা দারিখো ইসল শাসি হন·জক আরো বিনি নকখলরাংনি হান·চিনি দাকস্খাখো বিয়া বিনি সাক্কাও রা·জক।”

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।

ফারাকগিবা খাৎথা 3:7

“ফিলাদিল্‌ফিয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন রংথালগিবা আরো বিবিগিবা, জেচা দায়ূদনি চাবি দংআ, জেনি এংজোকনো দারাংবা চিপনা মান·জা আরো চিপজোকনো দারাংবা এংনা মান·জা,