ফারাকগিবা খাৎথা 5:8 - Garo New Testament

⁸ খি·তাপখো রা·আনি জা·মানো উয়া সাকব্রি জাংগিগ্মাংগিবা আরো সাক খলগ্রিকব্রি মি·আফারাং মেষ বি·সানি মিকখাংও থুচিকপজক। বিসংনি দিমদাকনি জাক্কো গি·সা দাক্কে বীণা আরো গি·সা দাক্কে ধূপও গাপ্পা সোনানি দনচাক্রা দংআমিং। উয়া ধূপও গাপ্পা দনচাক্রারাং হং·জক ইসলনি মান্দিরাংনি বি·আ।

ফারাকগিবা খাৎথা 5:8 Iomraidhean Croise

যোহননা 1:29

উনি সাল সাও যোহন যীশুখো আন·থাংচানা রি·বাখো নিক্কে আগানজক, “হাইওয়া নিবো ইসলনি মেষ বি·সা, জেআন মান্দিনি গিম্মিক পাপখো হা·রিকা।

যোহননা 5:23

ফাগিবাখো জেদাক্কে দিমদাকান মান্দিরা·আ উয়ানদাক্কে দেফান্থিখোবা মান্দিরা·আ। দেফান্থিখো জে মান্দিরা·জা, বিখো ওয়াত্তেতগিবা উয়া ফাগিবাখোবা বিয়া মান্দিরা·জা।

ইব্রীয়রাংনা 1:6

হং·জা, বিয়া উখো আগানজা। ইসল বিনি দাল·বাৎগিবা বি·সাখো ইয়া হা·গিলসাকো ওয়াত্তেতানি সময়ও আগানিংজক, “ইসলনি দিমদাক সা·গ্রেরাং বিখো ইসল গিত্তা দাকনিকে মান্দিরা·খানা।”

ফারাকগিবা খাৎথা 13:8

জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 15:2

জা·মানো আংআ ওয়া·আলমিং ব্রিনগিবা জানিরানি গি·সা সাগাল গিত্তা দাক্কাখো নিকজক, আরো জেরাং উয়া মাৎবুরুং আরো বিনি বিমাং আরো বিনি বিমুংনি নম্বলনি সাক্কাও হামজক বিসংখোবা নিকজক। ইসলনি হন·গিবা বীণাখো জাক্কো রা·এ বিসং উয়া জানিরানি সাগালনি রিক্কামচা চাদেংএ দংআমিং।

ফারাকগিবা খাৎথা 15:7

উয়া সাকব্রি জাংগিগ্মাংগিবাওনি সাকসা উয়া সাকস্নি সা·গ্রেনা খানস্নি সোনানি দনচাক্রাখো হন·জক। ইসল, জেআন চাসংওনি চাসংওনা জ্রিংজ্রৎনা থাংএ দংআ, উয়া দনচাক্রারাং বিনি খা·আও নাংআও গাপ্পামিং।

ফারাকগিবা খাৎথা 19:4

ইসল, জেআন সিংহাসনও আসংএ দংআ বিখো উয়া খলগ্রিকব্রি মি·আফারাং আরো উয়া সাকব্রি জাংগিগ্মাংগিবা থুচিকোপে অলাখিয়ে আগানজক, “আমেন। হাল্লেলূয়া!”

ফারাকগিবা খাৎথা 4:10

উনোন উয়া সাক খলগ্রিকব্রি মি·আফারাং সিংহাসনখো মান·রিকগিবা, আগানস্খাওদে জেআন ফাংনাজলনা থাংএ দংআ বিখো থুচিকোপে সালাম দাক্কা। ইয়া মি·আফারাং উনো উয়া সিংহাসননি মিকখাংও বিসংনি মুকুটখো এংএ দন্নে আগানা,

ফারাকগিবা খাৎথা 4:4

উয়া সিংহাসননি সামব্রিও আরোবা খলগ্রিকব্রি সিংহাসন দংআমিং, আরো উয়া সিংহাসনরাংও সাক খলগ্রিকব্রি মি·আফারাং আসংএ দংআমিং। বিসংনি চলা গিব্বকামিং আরো বিসংনি স্খুও সোনানি মুকুট দংআমিং।

ফারাকগিবা খাৎথা 4:6

উয়া সিংহাসননি মিকখাংও রং·চি গিত্তা গ্রিকগিবা গি·সা জানিরানি সাগাল দংআমিং। উয়া সিংহাসনরাংনি জাংচিও দংগিবা সিংহাসননি সামব্রিও সাকব্রি জাংগিগ্মাংগিবারাং দংআমিং। বিসংনি মিকখাংচা আরো খি·সাংচাবাকা মিক্রোন গাপ্পামিং।

ফারাকগিবা খাৎথা 4:8

ইয়া সাকব্রি জাংগিগ্মাংগিবানি দিমদাকনি গি·দক দাক্কে গ্রাং দংআমিং আরো উনি বে·এন দিমদাকও মিক্রোন গাপ্পামিং। উরাং সালওয়াল ইন্দাকে খাৎথা আগানিংআমিং, “বিল্লাকস্রাংগিবা গিত্তেল ইসল, জেআন দংআমিং, জেআন দংআ আরো জেআন রি·বাংজক, বিয়া রংথালা, রংথালা, রংথালা।”

ফারাকগিবা খাৎথা 5:11

জা·মানো আংআ নিয়েতজক; আরো আংআ উয়া সিংহাসন, জাংগিগ্মাংগিবা আরো মি·আফারাংনি সামব্রিও বাং·আ সা·গ্রেরাংনি খু·রাংখো খিন্নাজক। উয়া সা·গ্রেরাং দংআমিং হাজাল হাজাল, কোটি কোটি।

ফারাকগিবা খাৎথা 5:12

বিসং রাক্কে রাক্কে ইয়া খাৎথাখো আগানিংআমিং: “জে মেষ বি·সাখো স·ওতে গাল্লা হং·জকমিং, বিয়ান বিলখো, গামখো, হা·আইয়াখো, বিল্লাকাখো, মান্দিরা·আখো, রাসংখো আরো মিৎথেলাখো মা·ন্না খ্রাগিবা।”

ফারাকগিবা খাৎথা 5:14

উয়া সাকব্রি জাংগিগ্মাংগিবারাং আগানজক, “আমেন।” জা·মানো উয়া মি·আফারাং থুচিকপে অলাখিজক।

ফারাকগিবা খাৎথা 5:6

সাকব্রি জাংগিগ্মাংগিবা আরো মি·আফারাংনি জাংচিও দংগিবা সিংহাসননি সাক্কাও সাকসা মেষ বি·সাখো আংআ চাদেংএ দংআখো নিকজক। উয়া মেষ বি·সাখো স·ওতে গালজকমিংখোন ইন্নে আংআ চানচিংআমিং। উয়া মেষ বি·সানি গ্রং গং·স্নি আরো মিক্রোন রং·স্নি দংআমিং। ইসলনি জে সাকস্নি গিসিকখো হা·গিলসাকনি হা·দাম দিমদাকচা ওয়াত্তেতিংআ ইয়া মিক্রোনরাং হং·জক উয়া সাকস্নি গিসিক।

ফারাকগিবা খাৎথা 6:1

মেষ বি·সা জে সময়ও উয়া খানস্নি সীলমোহররাংনি স্খাংগিবাখো ফি·ইংআমিং উনো আংআ নিয়েতজক; আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো মিকখা খিমফ্রেতা গিত্তা খু·রাংও আগানাখো খিন্নাজক, “রি·বাবো।” উনো আংআ মাংসা গিব্বক ঘোড়াখো নিকনা মান·জক।