ফারাকগিবা খাৎথা 5:14 - Garo New Testament

¹⁴ উয়া সাকব্রি জাংগিগ্মাংগিবারাং আগানজক, “আমেন।” জা·মানো উয়া মি·আফারাং থুচিকপে অলাখিজক।

ফারাকগিবা খাৎথা 5:14 Iomraidhean Croise

1ম করিন্থীয়রাংনা 14:16

ইন্দাকজাওদে না·আ গিসিকচা মিৎথেলোদে উয়া খু·সুকখো হা·আইগিজা মান্দি উয়ো দংওদে বিয়া বাদিকে দাক্কে নাং·নি মিৎথেলাও আমেন ইন্নে ইনস্খানুুয়া? বিয়াদে না·আ মুয়াখো আগানা উখো হা·আইজা।

ফারাকগিবা খাৎথা 19:4

ইসল, জেআন সিংহাসনও আসংএ দংআ বিখো উয়া খলগ্রিকব্রি মি·আফারাং আরো উয়া সাকব্রি জাংগিগ্মাংগিবা থুচিকোপে অলাখিয়ে আগানজক, “আমেন। হাল্লেলূয়া!”

ফারাকগিবা খাৎথা 4:4

উয়া সিংহাসননি সামব্রিও আরোবা খলগ্রিকব্রি সিংহাসন দংআমিং, আরো উয়া সিংহাসনরাংও সাক খলগ্রিকব্রি মি·আফারাং আসংএ দংআমিং। বিসংনি চলা গিব্বকামিং আরো বিসংনি স্খুও সোনানি মুকুট দংআমিং।

ফারাকগিবা খাৎথা 4:6

উয়া সিংহাসননি মিকখাংও রং·চি গিত্তা গ্রিকগিবা গি·সা জানিরানি সাগাল দংআমিং। উয়া সিংহাসনরাংনি জাংচিও দংগিবা সিংহাসননি সামব্রিও সাকব্রি জাংগিগ্মাংগিবারাং দংআমিং। বিসংনি মিকখাংচা আরো খি·সাংচাবাকা মিক্রোন গাপ্পামিং।

ফারাকগিবা খাৎথা 5:11

জা·মানো আংআ নিয়েতজক; আরো আংআ উয়া সিংহাসন, জাংগিগ্মাংগিবা আরো মি·আফারাংনি সামব্রিও বাং·আ সা·গ্রেরাংনি খু·রাংখো খিন্নাজক। উয়া সা·গ্রেরাং দংআমিং হাজাল হাজাল, কোটি কোটি।

ফারাকগিবা খাৎথা 5:6

সাকব্রি জাংগিগ্মাংগিবা আরো মি·আফারাংনি জাংচিও দংগিবা সিংহাসননি সাক্কাও সাকসা মেষ বি·সাখো আংআ চাদেংএ দংআখো নিকজক। উয়া মেষ বি·সাখো স·ওতে গালজকমিংখোন ইন্নে আংআ চানচিংআমিং। উয়া মেষ বি·সানি গ্রং গং·স্নি আরো মিক্রোন রং·স্নি দংআমিং। ইসলনি জে সাকস্নি গিসিকখো হা·গিলসাকনি হা·দাম দিমদাকচা ওয়াত্তেতিংআ ইয়া মিক্রোনরাং হং·জক উয়া সাকস্নি গিসিক।

ফারাকগিবা খাৎথা 5:8

খি·তাপখো রা·আনি জা·মানো উয়া সাকব্রি জাংগিগ্মাংগিবা আরো সাক খলগ্রিকব্রি মি·আফারাং মেষ বি·সানি মিকখাংও থুচিকপজক। বিসংনি দিমদাকনি জাক্কো গি·সা দাক্কে বীণা আরো গি·সা দাক্কে ধূপও গাপ্পা সোনানি দনচাক্রা দংআমিং। উয়া ধূপও গাপ্পা দনচাক্রারাং হং·জক ইসলনি মান্দিরাংনি বি·আ।

ফারাকগিবা খাৎথা 7:12

“আমেন। রাসং, হা·আইয়ানি, মিৎথেলা, মান্দিরা·আ, বিল আরো বিল্লাকা ফাংনাজলনা আনচিংনি ইসলনিন হং·খানা। আমেন।”