ফারাকগিবা খাৎথা 5:13 - Garo New Testament

¹³ জা·মানো সালগিও, হা·গিলসাকো, হা·নিংআও আরো সাগালও জাংগিগ্মাংগিবা জেরাং দংআ, আরোবা, উরাংনি গিসেপো আরো জেরাং দংআ দিমদাকখো আংআ ইয়া খাৎথাখো আগানাখো খিন্নাজক: “সিংহাসননি সাক্কাও জেআন আসংএ দংআ বিনি আরো উয়া মেষ বি·সানি মিৎথেলা, মান্দিরা·আ, রাসং আরো বিল ফাংনাজলনা দংখানা।”

ফারাকগিবা খাৎথা 5:13 Iomraidhean Croise

মথিনি চকগিবা নাম্মা খাৎথা 6:13

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

লূকনি চকগিবা নাম্মা খাৎথা 2:14

“সালগিও ইসলনি রাসং হং·খানা, হা·গিলসাকও জেরাংখো বিয়া নামনিকবিয়া বিসংনি থম·থম হং·খানা।”

যোহননা 1:29

উনি সাল সাও যোহন যীশুখো আন·থাংচানা রি·বাখো নিক্কে আগানজক, “হাইওয়া নিবো ইসলনি মেষ বি·সা, জেআন মান্দিনি গিম্মিক পাপখো হা·রিকা।

রোমানরাংনা 11:36

বিচানিন আরো বিগিত্তান গিম্মিক রি·বাআ আরো গিম্মিক বিনা মিংএন হং·আ। ফাংনাজলনা বিনিন রাসং হং·খানা। আমেন।

রোমানরাংনা 16:27

বিয়া সাকসাসান ইসল, বিয়ান হা·আইগিবা হং·আ। যীশু খ্রীষ্টচা ফাংনাজলনা বিনিন রাসং হং·খানা। আমেন।

রোমানরাংনা 9:5

ইসলনা খা·ফাকগিবারাং বিসংনিন ফাগিৎচামরাং হং·আমিং আরো খ্রীষ্ট মান্দি হং·এ বিসংনিন মা·চংও আৎচিয়ামিং। বিয়ান ইসল, জেআন গিম্মিকনি সাক্কাও; রাসং গিম্মিক ফাংনাজলনা বিনিন হং·আ। আমেন।

ইফিষীয়রাংনা 3:21

খ্রীষ্ট যীশুও আরো মন্ডলীও চাসংওনি চাসংওনা দিপ্পাৎ ফাংনাজলনা ইসলনি রাসং হং·খানা। আমেন।

ফিলিপীয়রাংনা 2:10

জেদাক্কে সালগিও, হা·গিলসাকো আরো হা·নিংআও জেরাং দংআ বিসং গিম্মিকান যীশুনি মিকখাংও জা·স্খু দে·ম্মা,

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

1 তীমথিয় 4:16

নাং·নি আন·থাংনি গিম্মিনো আরো নাং·নি স্খিয়ানি গিম্মিনো সিমসাকে দংবো। ইরাংখো দাকসোবো, মুয়ানা উনি গিম্মিনো না·আ আন·থাংখো রাক্ষিনা মা·ন্নুয়া আরো নাং·নি খাৎথাখো খিন্নাগিবারাংখোবা রাক্ষিনা মা·ন্নুয়া।

পিতর 4:11

সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

পিতর 5:11

বিনি বিল ফাংনাজলনা দংখানা। আমেন।

ফারাকগিবা খাৎথা 1:6

বিয়া আনচিংখো রা·এ গি·সা সংনক থারিজক আরো বিনি ফাগিবা আরো ইসলনা দাকচাকে হ·ন্না খামাল দাকজক। ফাংনাজলনা যীশু খ্রীষ্টনি রাসং হং·খানা আরো ফাংনাজলনা বিনি বিল দংখানা। আমেন।

ফারাকগিবা খাৎথা 13:8

জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 5:1

জেআন উয়া সিংহাসননি সাক্কাও আসংএ দংআমিং বিনি জাক্রা জাক্কো আংআ গি·সা খি·তাপখো নিকজক। খি·তাপনি নিং·আচা আরো হা·ফালচা চক্কা দংআমিং আরো গি·স্নি মোহরচা সীলমোহর সু·আ দংআমিং।

ফারাকগিবা খাৎথা 5:12

বিসং রাক্কে রাক্কে ইয়া খাৎথাখো আগানিংআমিং: “জে মেষ বি·সাখো স·ওতে গাল্লা হং·জকমিং, বিয়ান বিলখো, গামখো, হা·আইয়াখো, বিল্লাকাখো, মান্দিরা·আখো, রাসংখো আরো মিৎথেলাখো মা·ন্না খ্রাগিবা।”

ফারাকগিবা খাৎথা 5:3

ইন্দিবা সালগিও বা হা·গিলসাকো বা হা·নিংআও সাকসাবা উয়া খি·তাপখো এংনা মান·জাজক, নিং·আনিখো নিনাবা মান·জাজক।

ফারাকগিবা খাৎথা 5:6

সাকব্রি জাংগিগ্মাংগিবা আরো মি·আফারাংনি জাংচিও দংগিবা সিংহাসননি সাক্কাও সাকসা মেষ বি·সাখো আংআ চাদেংএ দংআখো নিকজক। উয়া মেষ বি·সাখো স·ওতে গালজকমিংখোন ইন্নে আংআ চানচিংআমিং। উয়া মেষ বি·সানি গ্রং গং·স্নি আরো মিক্রোন রং·স্নি দংআমিং। ইসলনি জে সাকস্নি গিসিকখো হা·গিলসাকনি হা·দাম দিমদাকচা ওয়াত্তেতিংআ ইয়া মিক্রোনরাং হং·জক উয়া সাকস্নি গিসিক।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।

ফারাকগিবা খাৎথা 6:16

বিসং হা·ব্রি আরো রং·থিরাংখো আগানজক, “চিংনি সাক্কাও গা·আকবো আরো জেআন উয়া সিংহাসনও আসংএ দংআমিং বিনি মিকখাংওনি আরো মেষ বি·সানি খা·আওনাংআওনিখো চিংখো থুম্মুয়ে দনবো,