ফারাকগিবা খাৎথা 4:2 - Garo New Testament

² আরো উনোন আংআ গিসিক রংথালগিবানি রি·দিলাও সালগিও গি·সা সিংহাসনখো নিকনা মান·জক। আংআ নিকজক, উয়া সিংহাসনও সাকসা আসংএ দংআ।

ফারাকগিবা খাৎথা 4:2 Iomraidhean Croise

মথিনি চকগিবা নাম্মা খাৎথা 22:43

উনো যীশু বিসংনা আগানজক, “ইন্দাকোদে দায়ূদ বাদিকে দাক্কে খ্রীষ্টখো গিসিক রংথালগিবাচা গিত্তেল ইন্নে রিক্কামামিং? বিয়া আগানামিং,

ইব্রীয়রাংনা 8:1

চিংআ জেখো আগানিংআ উনি চং·মত খাৎথা ইয়ান, আনচিংনি ইন্দাকগিবা সাকসা খামাল দাল·বাৎগিবা দংআ জেআন সালগিও চুবাৎগিবা ইসলনি সিংহাসননি জাক্রাচা আসংজক।

ফারাকগিবা খাৎথা 1:10

গিত্তেলনি সালও আংআ মংসংএ গিসিক রংথালগিবানি নিং·আও দংআমিং। ইন্দাকমিত্তিংও আংনি খি·সাংচা সিংগানি গা·ম্মা গিত্তা সাকসানি গাম·বিয়া খু·রাংখো খিন্নাজক।

ফারাকগিবা খাৎথা 12:5

মিচিকনি সাকসা দেফান্থি হং·জক। উয়া দেফান্থিন সিলনি গল·দিকখো রা·এ গিম্মিক জাতখো শাসন দাকনুয়া। উয়া বি·সাখো ইসল আরো বিনি সিংহাসনচা দি·এ রা·জক,

ফারাকগিবা খাৎথা 17:3

জা·মানো উয়া সা·গ্রে আংখো হা·গিসি জওলচানা রিম্মাংজক। উনো আংআ গিসিক রংথালানি নিং·আও দংআমিং। উনো আংআ সাকসা মিচিকখো মাংসা গিচ্চাক রংনি মাৎবুরুংনি সাক্কাও আসংএ দংআখো নিকজক। ইসলখো চন্নিকনা ইন্নে বাং·আ বিমুংরাং উয়া মাৎবুরুংনি সাক্কাও লিক্ষিয়া দংআমিং। উনি দতস্নি স্খু আরো গংচিকখুং গ্রং দংআমিং।

ফারাকগিবা খাৎথা 19:4

ইসল, জেআন সিংহাসনও আসংএ দংআ বিখো উয়া খলগ্রিকব্রি মি·আফারাং আরো উয়া সাকব্রি জাংগিগ্মাংগিবা থুচিকোপে অলাখিয়ে আগানজক, “আমেন। হাল্লেলূয়া!”

ফারাকগিবা খাৎথা 20:11

জা·মানো আংআ গি·সা দাল·বিয়া গিব্বক সিংহাসন আরো উনি সাক্কাও সাকসাখো আসংএ দংআখো নিকজক। উনি মিকখাংওনি হা·গিলসাক আরো সিলগা গিম্মাজক, বিসংনি হা·দাম আর মামিংচাবা দংজাজক।

ফারাকগিবা খাৎথা 21:10

জা·মানো উয়া সা·গ্রে আংখো গি·সা দাল·লা আরো চু·য়াকা হা·ব্রিচানা রিম্মাংজক। উনো আংআ রংথালগিবা গিসিকনি নিং·আও দংআমিং।

ফারাকগিবা খাৎথা 21:5

জেআন উয়া সিংহাসনও আসংএ দংআমিং বিয়া আগানজক, “নিবো, আংআ গিম্মিকখোন গিত্তাল দাক্কে থারিংজক।” জা·মানো বিয়া দা·আবা আগানজক, “ইয়া খাৎথাখো লিক্ষিবো, মুয়ানা ইয়া খাৎথারাং বিবিরা·না খ্রাগিবা আরো বিবি হং·আ।”

ফারাকগিবা খাৎথা 3:21

“আংআ হাম্মে জেগিত্তা আংনি ফাগিবামুং বিনি সিংহাসনও আসংজক, উয়ানদাক্কে জেআন হামনুয়া বিখো আংআ আংমুং আংনি সিংহাসনও আসংনা বিল হ·ন্নুয়া।

ফারাকগিবা খাৎথা 4:10

উনোন উয়া সাক খলগ্রিকব্রি মি·আফারাং সিংহাসনখো মান·রিকগিবা, আগানস্খাওদে জেআন ফাংনাজলনা থাংএ দংআ বিখো থুচিকোপে সালাম দাক্কা। ইয়া মি·আফারাং উনো উয়া সিংহাসননি মিকখাংও বিসংনি মুকুটখো এংএ দন্নে আগানা,

ফারাকগিবা খাৎথা 4:5

উয়া সিংহাসনওনি মিকখা রিপরাপা, খু·রাং আরো মিকখা খিম্‌প্রেতানি গা·ম্মা হং·খাতিংআমিং। সিংহাসননি মিকখাংও গি·স্নি চাক্কি চিং·ইংআমিং। উয়া চাক্কিরাং হং·জক ইসলনি সাকস্নি গিসিক।

ফারাকগিবা খাৎথা 4:9

ফাংনাজলনা থাংগিবা গিত্তেল ইসল, জেআন সিংহাসনও আসংএ দংআ, ইয়া জাংগিগ্মাংগিবারাং জে সময়ওন বিনা রাসং, মান্দিরা·আ আরো মিৎথেলাখো হ·ন্না,

ফারাকগিবা খাৎথা 5:1

জেআন উয়া সিংহাসননি সাক্কাও আসংএ দংআমিং বিনি জাক্রা জাক্কো আংআ গি·সা খি·তাপখো নিকজক। খি·তাপনি নিং·আচা আরো হা·ফালচা চক্কা দংআমিং আরো গি·স্নি মোহরচা সীলমোহর সু·আ দংআমিং।

ফারাকগিবা খাৎথা 5:13

জা·মানো সালগিও, হা·গিলসাকো, হা·নিংআও আরো সাগালও জাংগিগ্মাংগিবা জেরাং দংআ, আরোবা, উরাংনি গিসেপো আরো জেরাং দংআ দিমদাকখো আংআ ইয়া খাৎথাখো আগানাখো খিন্নাজক: “সিংহাসননি সাক্কাও জেআন আসংএ দংআ বিনি আরো উয়া মেষ বি·সানি মিৎথেলা, মান্দিরা·আ, রাসং আরো বিল ফাংনাজলনা দংখানা।”

ফারাকগিবা খাৎথা 6:16

বিসং হা·ব্রি আরো রং·থিরাংখো আগানজক, “চিংনি সাক্কাও গা·আকবো আরো জেআন উয়া সিংহাসনও আসংএ দংআমিং বিনি মিকখাংওনি আরো মেষ বি·সানি খা·আওনাংআওনিখো চিংখো থুম্মুয়ে দনবো,