ফারাকগিবা খাৎথা 4:11 - Garo New Testament

¹¹ “আনচিংনি গিত্তেল আরো ইসল, না·আ রাসং, মান্দিরা·আ আরো বিলখো মা·ন্না খ্রাগিবা, মুয়ানা না·আন দিমদাকখো থারিজক; আরো নাং·নিন হা·সিকাচা উরাং থারিয়া হং·জক আরো দংখুংআ।”

ফারাকগিবা খাৎথা 4:11 Iomraidhean Croise

ওয়াত্তেতারাংনা 14:15

“রিপ্পেংরাং, না·সং মুয়ানা ইন্দাকে দাক্কিংআ? চিংআদে মান্দি মা·মাংসা, না·সং গিত্তান চিংনি গিসিক দাক্কা। চিংআ না·সংচা নাম্মা খাৎথাখো আগানফ্রাকিংআ জেদাক্কে না·সং ইন্দাকা নামগিজারাংখো ওয়াত্তে থাংগিবা ইসলওনা ফি·ল্লা। বিয়ান সিলগা, হা·গিলসাক, সাগাল আরো উরাংনি গিসেপো দংগিবা গিম্মিকখোন থারিজক।

ওয়াত্তেতারাংনা 17:24

“ইসল, জে ইয়া হা·গিলসাকখো আরো উনি গিসেপো দংগিবা গিম্মিকখো থারিজক, বিয়ান সালগি আরো হা·গিলসাকনি গিত্তেল হং·আ। বিয়া জাকচা রিকগিবা মিত্তে নকরাংও দংজা।

রোমানরাংনা 11:36

বিচানিন আরো বিগিত্তান গিম্মিক রি·বাআ আরো গিম্মিক বিনা মিংএন হং·আ। ফাংনাজলনা বিনিন রাসং হং·খানা। আমেন।

ইফিষীয়রাংনা 3:9

ইনা আগ্রে বিনি নিং·থুয়া মিকসংআখো বাদিকে দাক্কে কাম দাক্কেতনুয়া উখো ফারাকানি কামখোবা বিয়া আংনা রন·জক। গিম্মিকখো থারিগিবা ইসল বাসোকোনিন বিনি উয়া মিকসংআখো সিউল দাক্কে দন্নামিং।

ইব্রীয়রাংনা 1:10

ইসল আরোবা আগানজক, “গিত্তেল, না·আ স্খাংওনিন হা·গিলসাকনি ফাংচাকানিখো রিক্কামিং; সিলগাবা নাং·নি জাক্কো থারিয়া হং·আ।

ইব্রীয়রাংনা 1:2

ইন্দিবা ইয়া সালরাংনি বন·খামাও বিয়া বিনি দেফান্থি গিত্তা আনচিংমুং খাৎথা আগানজক। ইসল বিনি দেফান্থিখো গিম্মিকখো মান·রিকগিবা হং·না বাচ্ছিয়ে রা·জক। দেফান্থিচান বিয়া গিম্মিকখো থারিজক।

ফারাকগিবা খাৎথা 1:6

বিয়া আনচিংখো রা·এ গি·সা সংনক থারিজক আরো বিনি ফাগিবা আরো ইসলনা দাকচাকে হ·ন্না খামাল দাকজক। ফাংনাজলনা যীশু খ্রীষ্টনি রাসং হং·খানা আরো ফাংনাজলনা বিনি বিল দংখানা। আমেন।

ফারাকগিবা খাৎথা 10:6

জেআন ফাংনাজলনা থাংএ দংআ আরো সিলগা, হা·গিলসাক, সাগাল আরো উরাংও দংগিবা গিম্মিকখো থারিজক, বিনি বিমুংও মিকচেতি উয়া সা·গ্রে আগানজক, “আরবা হারিমজানাজক।

ফারাকগিবা খাৎথা 14:7

বিয়া রাক্কে রাক্কে ইয়া খাৎথাখো আগানিংআমিং, “ইসলনা খেনবো আরো বিখো রাসং দাকবো, মুয়ানা বিচাল দাক্কানি সাল সকবাজক। জেআন সিলগা, হা·গিলসাক, সাগাল আরো চিমিকখো থারিজক বিখো অলাখিবো।”

ফারাকগিবা খাৎথা 19:1

উনি জা·মানো আংআ সালগিও মান্দি জিলমানি মুক্কুয়াখো খিন্নাজক। বিসং আগানিংআমিং, “হাল্লেলূয়া! জক্কেতা, রাসং আরো বিল, গিম্মিকান আনচিংনি ইসলনি,

ফারাকগিবা খাৎথা 5:12

বিসং রাক্কে রাক্কে ইয়া খাৎথাখো আগানিংআমিং: “জে মেষ বি·সাখো স·ওতে গাল্লা হং·জকমিং, বিয়ান বিলখো, গামখো, হা·আইয়াখো, বিল্লাকাখো, মান্দিরা·আখো, রাসংখো আরো মিৎথেলাখো মা·ন্না খ্রাগিবা।”

ফারাকগিবা খাৎথা 5:2

জা·মানো আংআ সাকসা বিল্লাকগিবা সা·গ্রেখো রাক্কে ইয়া খাৎথাখো আগানাখো খিন্নাজক, “সা ইয়া সীলমোহররাংখো ফি·এ খি·তাপখো এংনা খ্রাগিবা হং·আ?”

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।