ফারাকগিবা খাৎথা 3:8 - Garo New Testament

⁸ বিয়া ইয়া খাৎথাখো আগানিংআ: আংআ নাং·নি কামনি খাৎথাখো হা·আইয়া। নিবো, আংআ নাং·নি মিকখাংও গি·সা দ·গাখো এংএ দনজক জেখো চিপচাংআনি বিল দারাংনিবা দংজা। আংআ হা·আইয়া নাং·নি বিল বাং·জা, ইন্দিবা না·আ আংনি খাৎথাখো মানিজক আরো আংখো জিচাকজাজক।

ফারাকগিবা খাৎথা 3:8 Iomraidhean Croise

লূকনি চকগিবা নাম্মা খাৎথা 12:9

ইন্দিবা মান্দিরাংনি মিকখাংও আংখো জিচাকগিবাখো আংআবা ইসলনি সা·গ্রেরাংনি মিকখাংও জিচাকনুয়া।

যোহননা 15:20

নকখল বিনি নকগিবানা বাত্তে দাল·বাৎজা, ইন্নে আংনি ইয়া গি·য়েতাখো না·সং দা·আ গুয়ালাবো। উনি গিম্মিন মান্দিরাং আংখো স·ওতে গালনা হা·ম্মোদে না·সংখোবা উগিত্তান দাকনুয়া; বিসং আংনি খাৎথাখো খিন্নাওদে না·সংনি খাৎথাখোবা খিন্নানুয়া।

যোহননা 17:6

“হা·গিলসাকোনিখো জেরাংখো না·আ আংনা হন·জক আংআ বিসংচা নাং·খো ফারাকজক। বিসং নাং·নিনমুং, আরো না·আ বিসংখো আংনা হন·জক। বিসং নাং·নি খাৎথাখো মানিজক।

ওয়াত্তেতারাংনা 14:27

আন্তিয়খিয়াওনা সক্কে মন্ডলীনি গিম্মিকখো বিসং হা·দামসাও থম·দাকেতজক আরো ইসল বিসং গিত্তা জেখো দাকজক উয়া গিম্মিকখোন আগানজক। ইসল বাদিকে দাক্কে গিপ্পিন জাতরাংনা চলখো দাক্কে হ·ন্নামিং জেদাক্কে বিসং খ্রীষ্টখো বিবিরা·না মা·ন্না উখোবা আগানজক।

1ম করিন্থীয়রাংনা 16:9

মুয়ানা জে কামও বিথিখো বাং·এ মা·ন্না উয়া কামনা মিংসা দাল·বিয়া চল আংচা রি·বাআ; ইনি হা·সেল দা·আবা বাং·আরাংএন চাংফেংআবা চাংফেংআ।

2য় করিন্থীয়রাংনা 2:12

আংআ ত্রোয়া সংজিলমাও খ্রীষ্টনি গিম্মিন নাম্মা খাৎথাখো আগানফ্রাকনা রি·য়াংএ নিকজক, উয়ো কাম দাকনা ইন্নে গিত্তেল আংনা গি·সা চল দাক্কে হন·জক।

ফিলিপীয়রাংনা 4:13

জেআন আংনা বিলখো র·ন্না বিচান আংআ গিম্মিকখো দাকনা মা·ন্না।

কলসীয়রাংনা 4:3

আরো উমুং চিংনাবা বি·বো জেদাক্কে খ্রীষ্টনি নিং·থুয়া খাৎথাখো আগানফ্রাকনা ইন্নে ইসল চিংনা চলখো হ·ন্না। উয়া নিং·থুয়া খাৎথানান আংখো বন্দি দাক্কে দনজক।

1 তীমথিয় 5:8

জেআন আন·থাংনি চাচ্চিরাংনা, মংসংদে আন·থাংনি নকখো নিজা বিয়া উচা বিনি বিবিরা·আখো জিচাকজক; বিয়া বিবিরা·গিজাগিবানা বাত্তেবা নামজা।

2 তীমথিয় 4:7

খ্রীষ্টনা চাক্কে আংআ সিমাংথাংমাং দাকগ্রিকজক, আংনা থিক দাকগিবা রামানি বন·চতাওনা দিপ্পাৎ খাতজক আরো খ্রীষ্টনি থরমনি বিবিরা·আখো রি·ম্মে রা·রিকজক।

যিহূদা 1:4

ইয়াদে নাংআসা, মুয়ানা জে মান্দিরাংনি শাস্তিনি গিম্মিনো স্খাংআন শাস্ত্রও চক্কামিং বিসং না·সংনি গিসেপো স্রক স্রক দাক্কে নাপজক। ইসলনা ইয়া মান্দিরাংনি খা·ফাকা দংজা; আনচিংনি ইসলনি খা·সাচাক্কাখো বিসং নামজাস্রাংনি মিংসা ফা·সিকা ইন্নে চানচিয়া আরো জেআন আনচিংনি সাকসা খাম·খাম নকগিবা আরো গিত্তেল হং·আ উয়া যীশু খ্রীষ্টখো বিসং জিচাকা।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 2:2

আংআ নাং·নি কাম, গাম্মা আরো চাকচিকানি খাৎথাখো হা·আইয়া। আংআ হা·আইয়া না·আ নামগিজা মান্দিরাংখো চাকনা মান·জা, আরো জেরাং ওয়াত্তেতা হং·জাওবা আন·থাংখো ওয়াত্তেতা ইন্নে দাবি দাক্কা বিসংখো রুরাএ নিজক আরো বিসং বু·এ চা·গিবা হং·আ ইখোবা নিকনা মান·জক।

ফারাকগিবা খাৎথা 22:7

যীশু আগানজক, “নিবো, আংআ থেংরিন রি·বাংজক। ইয়া খি·তাপনি গিম্মিক খাৎথা, আগানস্খাওদে ইসলনি খাৎথাখো জে মানিয়া বিয়া ফাত্তিয়াখো মান·গিবা হং·আ।”

ফারাকগিবা খাৎথা 3:1

“সার্দি সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি সাকস্নি গিসিকখো আরো আস্কি রংস্নিখো জেআন রি·ম্মে দংআ বিয়া ইয়া খাৎথাখো আগানিংজক: আংআ নাং·নি কামনি খাৎথাখো হা·আইয়া। থাংএ দংআ ইন্নে নাং·খো হা·আইয়া, ইন্দিবা আদতে না·আ সিজক।

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।

ফারাকগিবা খাৎথা 3:15

না·আ খা·সিনাবা খা·সিনজা, দিং·আবা দিং·জা। না·আ খা·সিনোদে বা দিং·ওদে নামনুয়ামিং।

ফারাকগিবা খাৎথা 3:7

“ফিলাদিল্‌ফিয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন রংথালগিবা আরো বিবিগিবা, জেচা দায়ূদনি চাবি দংআ, জেনি এংজোকনো দারাংবা চিপনা মান·জা আরো চিপজোকনো দারাংবা এংনা মান·জা,