ফারাকগিবা খাৎথা 3:7 - Garo New Testament

⁷ “ফিলাদিল্‌ফিয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন রংথালগিবা আরো বিবিগিবা, জেচা দায়ূদনি চাবি দংআ, জেনি এংজোকনো দারাংবা চিপনা মান·জা আরো চিপজোকনো দারাংবা এংনা মান·জা,

ফারাকগিবা খাৎথা 3:7 Iomraidhean Croise

মথিনি চকগিবা নাম্মা খাৎথা 16:19

আংআ নাং·না সালগিনি সংনকনি চাবিরাংখো হ·ন্নুয়া, আরো না·আ ইয়া হা·গিলসাকো জেখো খানুয়া সালগিওবা উখো খাএ দন্নুয়া আরো জেখো এংনুয়া উখো সালগিওবা এংএ হ·ন্নুয়া।”

মথিনি চকগিবা নাম্মা খাৎথা 24:35

সিলগা আরো হা·গিলসাক ব·ন্নাংনুয়া, ইন্দিবা আংনি খাৎথারাং ফাংনাজলনা দংনুয়া।

মার্ক 1:24

বিয়া চ্রিকে আগানজক, “ও নাসরতনি যীশু চিংমুং নাং·নি মুয়া নাংফাআ? না·আ চিংখো ব·ন্নেতনা রি·বামা? আংআ হা·আইয়া না·আ সা, না·আন ইসলনি উয়া রংথালগিবা মান্দি।’’

লূকনি চকগিবা নাম্মা খাৎথা 1:32

বিয়া চুবাৎগিবা হং·নুয়া। বিখো চুবাৎগিবা ইসলনি দেফান্থি ইন্নুয়া। গিত্তেল ইসল বিনি ফাগিৎচাম রাজা দায়ূদনি সিংহাসনখো বিনা হ·ন্নুয়া।

লূকনি চকগিবা নাম্মা খাৎথা 4:34

“ও নাসরত সংনি যীশু, চিংমুং নাং·নি মুয়া নাংফা? না·আ চিংখো ব·ন্নেতনা রি·বামা? না·আ সা আংআ হা·আইয়া; না·আন ইসলনি উয়া রংথালগিবা মান্দি।”

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

ওয়াত্তেতারাংনা 3:14

না·সং উয়া রংথালগিবা আরো খাকখেৎগিবা মান্দিখো জেগালে সাকসা মান্দি স·ওতগিবাখো না·সংচা ওয়াত্তেতখানা আগানামিং।

1 যোহন 5:20

আনচিং আরোবা হা·আইয়া, ইসলনি দেফান্থি রি·বাএ আনচিংনা হা·আইয়ানি বিলখো হন·জক জেদাক্কে বিবিগিবা ইসলখো আনচিং হা·আইনা মা·ন্না। জেআন বিবিগিবা ইসল আনচিং বিমুং নাংরিমা, আগানস্খাওদে বিনি দেফান্থি যীশু খ্রীষ্টমুং নাংরিমা। বিয়ান চং·মতগিবা ইসল আরো বিয়ান ফাংনাজলনি জাংগি।

ফারাকগিবা খাৎথা 1:11

বিয়া আংনা আগানজক, “জেখো নিকনুয়া উখো গি·সা খি·তাপও চকবো, আরো উখো ইফিষ, স্মূর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আরো লায়দিকেয়া- ইয়া দামস্নি সংজিলমানি গি·স্নি মন্ডলীরাংচা ওয়াত্তেতবো।”

ফারাকগিবা খাৎথা 1:18

আংআন ফাংনাজলনা থাংগিবা। আংআ সিয়ামিং, আরো নিবো, দা·আও আংআ চাসংওনি চাসংওনা ফাংনাজলনা থাংএ দংআ। আংচা সিয়ানি আরো সিগিবা হা·দামনি চাবি দংআ।

ফারাকগিবা খাৎথা 15:3

বিসং ইসলনি নকখল মোশিনি আরো উয়া মেষ বি·সানি ইয়া গীতখো রিং·আমিং: “বিল্লাকস্রাংগিবা গিত্তেল ইসল, বাসিক দাল·লা আরো আইয়াও ইনমানা নাং·নি কাম! ও গিম্মিক জাতনি রাজা, নাং·নি রামা বাসিক খাকখেৎ আরো বিবি হং·আ!

ফারাকগিবা খাৎথা 16:7

আংআ গানচিওনি সাকসাখো ইন্দাকে আগানাখো খিন্নাজক: “বিল্লাকস্রাংগিবা গিত্তেল ইসল, নাং·নি গিম্মিক বিচাল বিবি আরো খাকখেৎ হং·আ।”

ফারাকগিবা খাৎথা 19:11

জা·মানো আংআ নিকজক সালগি এংআন দংআ, আরো উয়ো মাংসা গিব্বক ঘোড়া দংআ। জেআন উয়া ঘোড়ানি সাক্কাও আসংএ দংআ বিনি বিমিং হং·আ বিবিরা·না খ্রাগিবা আরো বিবি। বিয়া খাকখেৎ বিচালখো দাক্কা আরো দাকগ্রিকা।

ফারাকগিবা খাৎথা 19:2

মুয়ানা বিনি বিচাল বিবি আরো খাকখেৎ হং·আ। জেআন বিনি থিল·লেকাচা হা·গিলসাক গিম্মিকখো মারাং নাংএতামিং উয়া দাল·গিবা দারিখো ইসল শাসি হন·জক আরো বিনি নকখলরাংনি হান·চিনি দাকস্খাখো বিয়া বিনি সাক্কাও রা·জক।”

ফারাকগিবা খাৎথা 2:1

“ইফিষ সংজিলমানি মন্ডলীনি সা·গ্রেচা ইয়া খাৎথাখো চকবো- জেআন বিনি জাক্রা জাক্কো রংস্নি আস্কিখো রি·ম্মে সোনানি বলস্নি গাসানি জাংচিও রি·রোরোআ বিয়া ইয়া খাৎথাখো আগানিংজক:

ফারাকগিবা খাৎথা 21:5

জেআন উয়া সিংহাসনও আসংএ দংআমিং বিয়া আগানজক, “নিবো, আংআ গিম্মিকখোন গিত্তাল দাক্কে থারিংজক।” জা·মানো বিয়া দা·আবা আগানজক, “ইয়া খাৎথাখো লিক্ষিবো, মুয়ানা ইয়া খাৎথারাং বিবিরা·না খ্রাগিবা আরো বিবি হং·আ।”

ফারাকগিবা খাৎথা 3:14

“লায়দিকেয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন আমেন, জেআন বিবিরা·না খ্রাগিবা আরো বিবিগিবা সাক্ষি, জেআন ইসলনি থারিয়ানি জা·ফাং, বিয়া ইয়া খাৎথাখো আগানিংআ: আংআ নাং·নি কামনি খাৎথাখো হা·আইয়া।

ফারাকগিবা খাৎথা 4:8

ইয়া সাকব্রি জাংগিগ্মাংগিবানি দিমদাকনি গি·দক দাক্কে গ্রাং দংআমিং আরো উনি বে·এন দিমদাকও মিক্রোন গাপ্পামিং। উরাং সালওয়াল ইন্দাকে খাৎথা আগানিংআমিং, “বিল্লাকস্রাংগিবা গিত্তেল ইসল, জেআন দংআমিং, জেআন দংআ আরো জেআন রি·বাংজক, বিয়া রংথালা, রংথালা, রংথালা।”

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।

ফারাকগিবা খাৎথা 6:10

বিসং রাক্কে চ্রিকে আগানজক, “ও রংথালগিবা আরো বিবিগিবা গিত্তেল, জেরাং ইয়া হা·গিলসাকনি হং·আ, বিসংখো বিচাল দাকনা আরো বিসংনি সাক্কাও চিংনি হান·চিনি গান্দাস্খাখো দাকনা না·আ আরবা বাসিক হারিমখুনুয়া?”