ফারাকগিবা খাৎথা 3:4 - Garo New Testament

⁴ ইন্দিবা সার্দিও নাং·নি ইন্দাকগিবা মিত্তাম মান্দিরাং দংআ জেরাং বিসংনি বা·রা-চলা, আগানস্খাওদে রি·য়া-দোআরাংখো নামগিজা দাকজা। বিসং খ্রাগিবা মান্দি ইন্নেন গিব্বক বা·রাখো গান্নে আংমুং রি·নুয়া।

ফারাকগিবা খাৎথা 3:4 Iomraidhean Croise

মথিনি চকগিবা নাম্মা খাৎথা 10:11

“না·সং জে সংজিলমাচা বা সংচা রি·য়াংনুয়া উয়ো খ্রাগিবা মান্দি সাকসাখো সান্দিয়ে রা·বো আরো গিপ্পিনচা রি·য়াংখুজানা দিপ্পাৎ বিনি নক্কোন দংবো।

মার্ক 16:5

গোপরামনি নিং·আও নাপ্পে বিসং গিব্বক বা·রা চিনগিবা সাকসা ফান্থিখো জাক্রাচা আসংএ দংআখো নিকজক। উনি গিম্মিন বিসং আইয়াও ইনমানজক।

লূকনি চকগিবা নাম্মা খাৎথা 20:35

ইন্দিবা সিয়াওনি থাংচাফিলে রি·বাগিবা চাসংখো বাতস্রাংনা খ্রাগিবা ইন্নে চানগিবারাংদে জিক খিমজানুয়া আরো বিসংখো খিমনাবা হন·জানুয়া।

লূকনি চকগিবা নাম্মা খাৎথা 21:36

মিকরাকে দংবো আরো সালাজ্রিং বি·বো জেদাক্কে হং·গিবারাংখো বাত্তাংনা আরো মান্দিনি দেফান্থিনি মিকখাংওনা রি·য়াংএ চাদেংনা বিলখো না·সং মা·ন্না।”

ওয়াত্তেতারাংনা 1:15

উয়া সময়ও পিতর সালসাও খ্রীষ্টখো বিবিরা·গিবা সাক রিৎচাসা খলগ্রিকমাং মান্দিরাংনি গিসেপো চাদেংএ আগানজক,

2 থিষলনীকীয়রাংনা 1:5

ইরাং গিম্মিকান ইসলনি খাকখেৎ বিচালখো ফিন্নিকানি হং·আ। আরো ইনি মিকসংআ হং·জক, জেদাক্কে না·সংখো ইসলনি সংনকনা খ্রাগিবা দাক্কে চান্না। ইনি গিম্মিনান না·সং ইন্দাকফিল্লে দুক চাক্কিংজক।

যিহূদা 1:23

ওয়া·আলোনিখো দি·চাএ রা·বাএ গিপ্পিনরাংখো জক্কেৎবো। পাপ-বেওয়ালচা জেরাংনি জাংগি ময়লা হং·জক বিসংনি মারাং নাংগিবা বা·রানাবা মিৎচিবো আরো আন·থাংথাংখো সিমসাকে দন্নে বিসংনা খা·সাচাকবো।

ফারাকগিবা খাৎথা 1:11

বিয়া আংনা আগানজক, “জেখো নিকনুয়া উখো গি·সা খি·তাপও চকবো, আরো উখো ইফিষ, স্মূর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আরো লায়দিকেয়া- ইয়া দামস্নি সংজিলমানি গি·স্নি মন্ডলীরাংচা ওয়াত্তেতবো।”

ফারাকগিবা খাৎথা 11:13

উয়া সময়ও বিল্লংএ বাংগুরিজক আরো উয়া সংজিলমানি বাক চিকখুংনি বাকসা বি·গ্রপাংজক। উয়া বাংগুরিয়াও হাজালস্নি মান্দি সিথকজক। উনি গিম্মিন উয়ো দংগিবা গিম্মিকান খেন্নে সালগিনি ইসলখো রাসং দাকনা হা·বাচেংজক।

ফারাকগিবা খাৎথা 14:4

ইরাং উয়া মান্দি, জেরাং মিচিকরাংমিং থিল·লেকে আন·থাংথাংখো মারাং নাংএতজা। জেচা মেষ বি·সা রি·য়াংআ বিসং বিখো জা·রিকে রি·য়াংআ। ইসল আরো মেষ বি·সানা স্খাংগিবা বিথি গিত্তা হন·না মান্দিরাংওনিখো বিসংখো ব্রিএ রা·আমিং।

ফারাকগিবা খাৎথা 19:14

সালগিনি সিপাইরাং গিব্বক চি·রংআ সেন·চিপচিপা মদিনানি বা·রাখো গান্নে গিব্বক ঘোড়াও গাখাতে বিখো জা·রিকে রি·য়াংইংআমিং।

ফারাকগিবা খাৎথা 19:8

চিং·গিবা, চি·রংআ আরো সেন·চিপচিপা মদিনানি বা·রাখো বিনা গান্না হন·জক। উয়া বা·রা ইসলনি মান্দিরাংনি বাম্মানি হং·আ।”

ফারাকগিবা খাৎথা 3:18

উনি গিম্মিন আংআ নাং·না ইন্দাকে গি·য়েতিংজক- না·আ আংচানিখো ওয়া·আলো সো·এ খাকখেৎ দাকগিবা সোনাখো ব্রিএ রা·বো জেদাক্কে নকমা হং·না মা·ন্না। আংচানিখো গিব্বক বা·রাখো ব্রিএ গানবো জেদাক্কে নাং·নি খমলং হং·আনি খ্রাচা·আখো নিকনা নাংজা। আংচানিখো মিক্রোনও হন·গিবা মলমখো ব্রিএ রা·বো জেদাক্কে না·আ নিকনা মা·ন্না।

ফারাকগিবা খাৎথা 3:5

জেআন হামনুয়া বিয়া ইন্দাকা গিব্বক বা·রাখো গান্নুয়া। জাংগিনি-খি·তাপওনি বিনি বিমুংখো আংআ মামুং সালোবা রিপ্পাকে গালজানুয়া, বাত্তেসা আংনি ফাগিবানি আরো বিনি সা·গ্রেরাংনি মিকখাংও আংআ বিখো খু·রাচাকনুয়া।

ফারাকগিবা খাৎথা 4:4

উয়া সিংহাসননি সামব্রিও আরোবা খলগ্রিকব্রি সিংহাসন দংআমিং, আরো উয়া সিংহাসনরাংও সাক খলগ্রিকব্রি মি·আফারাং আসংএ দংআমিং। বিসংনি চলা গিব্বকামিং আরো বিসংনি স্খুও সোনানি মুকুট দংআমিং।

ফারাকগিবা খাৎথা 6:11

উনো বিসং গিম্মিকনা গি·ফ্রাক দাক্কে গিব্বক চলাখো হন·জক আরো আগানজক, বিসংমুং রিম·ফাগিবা আরো জংআদারাং, জেরাংখো বিসং গিত্তান দাক্কে স·ওতে গাল্লা হং·নুয়া বিসং চু·সকগিজা দিপ্পাৎদে বিসং জেদাক্কে আরোবা অকখিসা সময় সেংসোখুয়া।

ফারাকগিবা খাৎথা 7:9

উনি জা·মানো আংআ গিম্মিক জাত, মা·চং, হা·সং আরো খু·সুকওনি ইন্দাকফিল্লে মান্দি জিলমাখো নিকজক, দারাংবা বিসংখো চান্না মান·জাজক। গিব্বক চলাখো চিন্নে বিসং উয়া সিংহাসন আরো মেষ বি·সানি মিকখাংও খেজুর বিজাকখো জাক্কো রা·এ চাদেংএ দংআমিং।