ফারাকগিবা খাৎথা 3:21 - Garo New Testament

²¹ “আংআ হাম্মে জেগিত্তা আংনি ফাগিবামুং বিনি সিংহাসনও আসংজক, উয়ানদাক্কে জেআন হামনুয়া বিখো আংআ আংমুং আংনি সিংহাসনও আসংনা বিল হ·ন্নুয়া।

ফারাকগিবা খাৎথা 3:21 Iomraidhean Croise

মথিনি চকগিবা নাম্মা খাৎথা 19:28

যীশু বিসংনা আগানজক, “আংআ না·সংনা বিবিন আগানিংআ, না·সং জেরাং আংখো জা·রিকজক, গিত্তাল দাক্কে থারিয়ানি সময়ও মান্দিনি দেফান্থি রাসংথাংখো রা·এ জেনসালো সিংহাসনও আসংনুয়া উনসালো না·সংবা সিংহাসন চি·গ্মিও আসংনুয়া আরো ইস্রায়েলনি মা·চং চি·গ্মিখো বিচাল দাকনুয়া।

মথিনি চকগিবা নাম্মা খাৎথা 25:21

নিবো, আংআ আরোবা হাজাল বংআ থাংখাখো মান·দাপজক।’ উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

মথিনি চকগিবা নাম্মা খাৎথা 28:18

উনোন যীশু সেফাংও রি·বাএ বিসংনা ইয়া খাৎথাখো আগানজক, “সালগিনি আরো হা·গিলসাকনি গিম্মিক বিলখো আংনা হন·মানজক।

লূকনি চকগিবা নাম্মা খাৎথা 22:30

ইনি গিম্মিন আংনি সংনক্কো না·সং আংমুং চা·নুয়া রিংনুয়া আরো সিংহাসনও আসংএ ইস্রায়েলনি মা·চং সাকচিগ্মিখো বিচাল দাকনুয়া।

যোহননা 13:32

ইসলনি রাসং বিও ফারাকোন ইসলবা মান্দিনি দেফান্থিনি রাসংখো আন·থাংও ফারাকেতনুয়া আরো উখো বিয়া থেংরিন দাকনুয়া।

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

2 তীমথিয় 2:12

আনচিং চাকচিকে চাক্কোদে, বিমুং শাসন দাকফানুয়া। বিখো আনচিং জিচাকোদে, বিয়াবা আনচিংখো জিচাকনুয়া।

ফারাকগিবা খাৎথা 1:6

বিয়া আনচিংখো রা·এ গি·সা সংনক থারিজক আরো বিনি ফাগিবা আরো ইসলনা দাকচাকে হ·ন্না খামাল দাকজক। ফাংনাজলনা যীশু খ্রীষ্টনি রাসং হং·খানা আরো ফাংনাজলনা বিনি বিল দংখানা। আমেন।

ফারাকগিবা খাৎথা 12:11

মেষ বি·সানি হান·চি আরো আন·থাংথাংনি সাক্ষিচা বিসং বিখো হাম্মেতজাজক। বিসং আন·থাংথাংনা বাং·এ খা·সাজানি হা·সেলান বিসংনি জাংগিখো হ·ন্না বিসং গং·আমিং।

ফারাকগিবা খাৎথা 17:14

ইরাং মেষ-বি·সানি সাক্কাও দাকগ্রিকনুয়া আরো মেষ-বি·সা বিসংখো হাম্মেতজানুয়া, মুয়ানা বিয়া গিত্তেলরাংনি গিত্তেল আরো রাজারাংনি রাজা হং·আ। জেরাংখো রিক্কামজক আরো বাচ্চিয়ে রা·জক আরো জেরাং বিবিগিবা হং·আ বিসংআন বিমিং দংনুয়া।”

ফারাকগিবা খাৎথা 2:7

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া বিনা আংআ ইসলনি সংনকনি বলজাংগিনি বিথিখো চা·না হ·ন্নুয়া।

ফারাকগিবা খাৎথা 20:4

জা·মানো আংআ সিংহাসন মিত্তামখো নিকজক, আরো জেরাং উনি সাক্কাও আসংএ দংআমিং বিসংনি জাক্কো বিচাল দাক্কানি বিলখো হন·নামিং। ইসলনি খাৎথা আরো যীশুনি স্খিয়া গিত্তা রি·না ইন্নে জেরাংনি স্খু দেনথংএ গাল্লামিং, আংআ বিসংনি গিসিকরাংখো নিকনা মান·জক। বিসং উয়া মাৎবুরুংখো বা উনি বিমাংখো অলাখিজা আরো কপালও বা জাক্কো উনি চিনখোবা রা·জা। বিসং থাংচাজক আরো হাজালসা দিপ্পাৎ খ্রীষ্টমিং শাসন দাকজক।

ফারাকগিবা খাৎথা 5:10

না·আ বিসংখো রা·এ গি·সা সংনক রিক্কে রা·জক আরো আনচিংনি ইসলনা দাকচাকে হ·ন্না ইন্নে খামাল দাকজক। হা·গিলসাকো বিসংআন শাসন দাকনুয়া।”

ফারাকগিবা খাৎথা 6:2

জেআন উনি সাক্কাও আসংএ দংআমিং বিনি জাক্কো গি·সা চ্রি দংআমিং। বিনা গি·সা মুকুটখো হন·জক আরো বিয়া হামগিবা গিত্তা হং·খাতে হামরোরোএ রি·জক।

ফারাকগিবা খাৎথা 7:17

মুয়ানা উয়া মেষ বি·সা জেআন সিংহাসননি সাক্কাও দংআ বিয়ান ইরাংনি রাকখুয়াল হং·নুয়া। থাংগিবা চিমিকনি সেফাংও বিয়া বিসংখো রা·আংনুয়া, আরো ইসল ইরাংনি মিকচিখো রিপ্পাকেতনুয়া।”