ফারাকগিবা খাৎথা 3:20 - Garo New Testament

²⁰ নিবো, আংআ দ·গাচিল কেচ্চিও চাদেংএ দকথিকিংআ। সাবা আংনি খু·রাংখো খিন্নাএ দ·গা এংএ হ·ন্নোদে আংআ নিং·আচা বিচা রি·য়াংনুয়া আরো বিমুং চা·নুয়া-রিংনুয়া, আরো বিয়াবা আংমুং চা·নুয়া-রিংনুয়া।

ফারাকগিবা খাৎথা 3:20 Iomraidhean Croise

মথিনি চকগিবা নাম্মা খাৎথা 24:33

উয়ানদাক্কেন না·সং ইয়ারাংখো নিকজোকনোন হা·আইনা মা·ন্নুয়া, মান্দিনি দেফান্থি সেফাংও রি·বাজক, আরোবা, দ·গাচিলোনা সকবাজক।

লূকনি চকগিবা নাম্মা খাৎথা 17:8

হং·জা, উখো আগানজানুয়া, ইন্দিবা ইখো আগান্নুয়া, ‘আংনা চা·আনিখো থারিবো, আরো আংনি চা·মান রিংমানোনা দিপ্পাৎ খাংখারিও বা·রাখো খায়ে আংনা দাকচাকে হন·বো। জা·মানো না·আ চা·বো রিংবো।’

যোহননা 10:3

মেষনি নলো দংথিমগিবা উয়া রাক্ষুয়ালনান দ·গাখো এংএ হ·ন্না। মেষরাং বিনি খু·রাংখো খিন্নাচাক্কা, আরো উয়া রাক্ষুয়াল আন·থাংনি মেষরাংনি বিমুংখো রিক্কামে হা·ফালচানা রা·আংআ।

যাকোব 5:9

জংআদারাং, ইসল না·সংনি গ্রোখো রিম·জানা গিত্তা না·সং সাকসা সাকগিপ্পিননি গ্রোখো দা·আ রি·ম্মাবো। নিবো, বিচাল দাকগিবা দ·গাচিলনি সেফাংস্রাংও সকবাজক।

ফারাকগিবা খাৎথা 19:9

জা·মানো উয়া সা·গ্রে আংনা আগানজক, “ইয়া খাৎথাখো লিক্ষিবো, ‘মেষ-বি·সানি বিয়ানি চা·আও জেরাংনা আগানা বিসং ফাত্তিয়াখো মান·গিবা হং·আ।’ ” বিয়া ইয়া খাৎথাখোবা আগানজক, “ইরাং ইসলনিন খাৎথা আরো ইয়া বিবি হং·আ।”