ফারাকগিবা খাৎথা 3:2 - Garo New Testament

² না·আ চাখাতবো আরো মিত্তামরাং জেরাং সিনা গিত্তা হং·জক বিসংখো বিল্লাকেতবো, মুয়ানা আংনি ইসলনি মিকখাংও নাং·নি মামুং কামনি বন·চতাখো আংআ নিকখুজা।

ফারাকগিবা খাৎথা 3:2 Iomraidhean Croise

মথিনি চকগিবা নাম্মা খাৎথা 23:5

মান্দিরাংনা ফিন্নিকনান বিসং গিম্মিক কামখো দাক্কা। রংথালগিবা শাস্ত্রনি পদ চকগিবা তাবিসখো বিসং দা·ল্লে থারিয়া আরো আন·থাংথাংখো থরমি ইন্নে ফিন্নিকনা বা·রানি জা·থেরাংখো রো·এ খাআ।

মথিনি চকগিবা নাম্মা খাৎথা 25:13

গল্পনি বন·চতও যীশু আগানজক, “ইনি গিম্মিন মিকরাকে দংবো, মুয়ানা উয়া সালনি আরো উয়া সময়নি খাৎথাখো না·সং হা·আইজা।

মথিনি চকগিবা নাম্মা খাৎথা 25:7

উনোন উয়া মি·থ্রারাং চাখাত্তে বিসংনি চাক্কিখো থারিথকজক।

ওয়াত্তেতারাংনা 18:23

আন্তিয়খিয়াও বাং·গিজা সালখো রি·য়াংএতানি জা·মানো বিয়া উয়োনি রি·য়াংজক আরো গালাতিয়া আরো ফরুগিয়া হা·দকনি হা·দাম দামসানি হা·দাম দামসাওনা রি·রোরোএ জা·রিকগিবারাংনি বিবিরা·আখো বাং·এতি বিসংখো বিল্লাকেতজক।

পিতর 4:7

দা·আও গিম্মিকনি বন·খামগিবা সাল সেফাংজক। উনি গিম্মিন না·সংনি গিসিকখো খেম·খেম দনবো আরো আন·থাংথাংখো বাম্মেতে দনবো জেদাক্কে বি·না মা·ন্না।

পিতর 5:8

আন·থাংথাংখো বাম্মেতে দনবো আরো সিমসাকে দংবো, মুয়ানা না·সংনি বোবিল শয়তান গাম·গিবা সিংহ গিত্তা দাক্কে সাখো চা·এ গালনুয়া উখো সান্দিয়ে রমিংজক।

ফারাকগিবা খাৎথা 16:15

যীশু আগানা, “নিবো, আংআ চা·খক গিত্তা রি·বানুয়া। উয়া মান্দি ফাত্তিয়া মান·গিবা হং·আ, জেআন মিকরাকে দংআ আরো আন·থাংনি বা·রাখো গান্নে দংআ, জেদাক্কে বিখো খমলং হং·এ রোমনা নাংজা আরো মান্দিরাং বিনি খ্রা·চাখো নিকনা মান·জা।”

ফারাকগিবা খাৎথা 2:4

ইন্দাকোবা নাং·নি সাক্কাও আংনি ইয়া খাৎথাখো আগানানি দংআ, স্খাংও আংনা নাং·নি জেগিত্তা খা·সা দংআমিং উখো না·আ গিম্মায়েতে গালজক।

ফারাকগিবা খাৎথা 3:1

“সার্দি সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি সাকস্নি গিসিকখো আরো আস্কি রংস্নিখো জেআন রি·ম্মে দংআ বিয়া ইয়া খাৎথাখো আগানিংজক: আংআ নাং·নি কামনি খাৎথাখো হা·আইয়া। থাংএ দংআ ইন্নে নাং·খো হা·আইয়া, ইন্দিবা আদতে না·আ সিজক।

ফারাকগিবা খাৎথা 3:3

ইনি গিম্মিন না·আ জেখো মান·জক আরো খিন্নাজক উখো গিসিক রা·বো আরো মানিবো আরো ইন্দাকা অবস্থাওনি গিসিকখো ফিল·বো। না·আ চাখাতজাওদে আংআ চা·খক গিত্তা রি·বানুয়া, আরো আংআ বাগিবা সময়ও নাং·চা রি·বানুয়া উখো না·আ হা·আইনাবা মান·জানুয়া।